ਨਵੀਂ ਦਿੱਲੀ : ਦੇਸ਼ ਅੱਜ ਆਪਣਾ 73ਵਾਂ ਗਣਤੰਤਰ ਦਿਵਸ ਮਨਾ ਰਿਹਾ ਹੈ। ਅੱਜ ਦੇ ਦਿਨ 1950 ਵਿੱਚ ਦੇਸ਼ ਦਾ ਸੰਵਿਧਾਨ ਲਾਗੂ ਕੀਤਾ ਗਿਆ ਸੀ। ਇਸ ਮੌਕੇ ਪਹਾੜਾਂ ਤੋਂ ਲੈ ਕੇ ਮੈਦਾਨ ਤੱਕ ਦੇਸ਼ ਵਾਸੀਆਂ ਦਾ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ। ਦਿੱਲੀ ਦੇ ਰਾਜਪਥ ‘ਤੇ ਹੋਣ ਵਾਲੀ ਪਰੇਡ ‘ਚ ਜਿੱਥੇ ਭਾਰਤੀ ਫੌਜਾਂ ਦੀ ਬਹਾਦਰੀ ਦੇਖਣ ਨੂੰ ਮਿਲੇਗੀ, ਉਥੇ ਹੀ ਭਾਰਤ ਦੀ ਸੱਭਿਆਚਾਰਕ ਤਸਵੀਰ ਵੀ ਦੇਖਣ ਨੂੰ ਮਿਲੇਗੀ। ਦੂਜੇ ਪਾਸੇ ਗਣਤੰਤਰ ਦਿਵਸ ‘ਤੇ ਉੱਤਰਾਖੰਡ, ਹਿਮਾਚਲ ਅਤੇ ਲੱਦਾਖ ‘ਚ 15000 ਫੁੱਟ ਦੀ ਉਚਾਈ ‘ਤੇ ਤਾਇਨਾਤ ਜਵਾਨਾਂ ਦਾ ਉਤਸ਼ਾਹ ਵੀ ਬੁਲੰਦ ਦੇਖਣ ਨੂੰ ਮਿਲਿਆ। ਆਈਟੀਬੀਪੀ ਦੇ ਇਨ੍ਹਾਂ ਹਿਮਵੀਰਾਂ ਨੇ ਮਾਇਨਸ 40 ਡਿਗਰੀ ਸੈਲਸੀਅਸ ਤਾਪਮਾਨ ਅਤੇ 15000 ਫੁੱਟ ਦੀ ਉਚਾਈ ‘ਤੇ ਤਿਰੰਗਾ ਲਹਿਰਾਇਆ।Also Read : ਪੰਜਾਬ CM ਚੰਨੀ ਨੇ ਗਣਤੰਤਰ ਦਿਹਾੜੇ ਦੀ ਦੇਸ਼ ਵਾਸੀਆਂ ਨੂੰ ਦਿੱਤੀ ਵਧਾਈ
ਇੰਡੋ-ਤਿੱਬਤੀਅਨ ਬਾਰਡਰ ਪੁਲਿਸ (ITBP) ਦੇ ਜਵਾਨਾਂ ਨੇ ਲੱਦਾਖ ਵਿੱਚ -40 ਡਿਗਰੀ ਸੈਲਸੀਅਸ ‘ਤੇ 15000 ਫੁੱਟ ਦੀ ਉਚਾਈ ‘ਤੇ ਤਿਰੰਗਾ ਲਹਿਰਾ ਕੇ ਗਣਤੰਤਰ ਦਿਵਸ ਮਨਾਇਆ। ITBP ਦੇ ਜਵਾਨਾਂ ਨੇ ਉੱਤਰਾਖੰਡ ‘ਚ -30 ਡਿਗਰੀ ਸੈਲਸੀਅਸ ਤਾਪਮਾਨ ‘ਤੇ 14,000 ਫੁੱਟ ਉੱਚੀ ਚੋਟੀ ‘ਤੇ ਤਿਰੰਗਾ ਲਹਿਰਾਇਆ। ਇਹ ਜਵਾਨ ਕੜਾਕੇ ਦੀ ਸਰਦੀ ਵਿੱਚ ਵੀ ਦਿਨ-ਰਾਤ ਤਾਇਨਾਤ ਰਹਿ ਕੇ ਦੇਸ਼ ਦੀਆਂ ਸਰਹੱਦਾਂ ਦੀ ਰਾਖੀ ਵਿੱਚ ਲੱਗੇ ਹੋਏ ਹਨ। ਹਿਮਾਚਲ ਪ੍ਰਦੇਸ਼ ‘ਚ ਗਣਤੰਤਰ ਦਿਵਸ ‘ਤੇ ITBP ਦੇ ਜਵਾਨਾਂ ਨੇ 16000 ਫੁੱਟ ਦੀ ਉਚਾਈ ‘ਤੇ ਤਿਰੰਗਾ ਲਹਿਰਾਇਆ।Also Read : ਦੇਸ਼ ‘ਚ ਪਿਛਲੇ 24 ਘੰਟਿਆਂ ਦੌਰਾਨ ਕੋਰੋਨਾ ਦੇ 2.86 ਲੱਖ ਨਵੇਂ ਮਾਮਲੇ ਦਰਜ, 665 ਲੋਕਾਂ ਦੀ ਮੌਤ
सम्बंधित ख़बरें
ਇਸ ਵਾਰ ਫਲਾਈ ਪਾਸਟ ਵਿੱਚ ਭਾਰਤੀ ਹਵਾਈ ਸੈਨਾ ਦੇ 75 ਜਹਾਜ਼ ਹਿੱਸਾ ਲੈਣਗੇ। ਰਾਫੇਲ, ਸੁਖੋਈ, ਜੈਗੁਆਰ, ਐਮਆਈ-17, ਸਾਰੰਗ, ਅਪਾਚੇ ਅਤੇ ਡਕੋਟਾ ਵਰਗੇ ਪੁਰਾਣੇ ਅਤੇ ਅਜੋਕੇ ਆਧੁਨਿਕ ਜਹਾਜ਼ ਅਤੇ ਹੈਲੀਕਾਪਟਰ ਰਾਹਤ, ਮੇਘਨਾ, ਏਕਲਵਿਆ, ਤ੍ਰਿਸ਼ੂਲ, ਤਿਰੰਗਾ, ਵਿਜੇ ਅਤੇ ਅੰਮ੍ਰਿਤ ਆਪਣੀ ਬਹਾਦਰੀ ਦਿਖਾਉਣਗੇ।
