ਵਾਸ਼ਿੰਗਟਨ- ਅਮਰੀਕਾ ਵਿਚ ਇਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਇੱਕ ਵਿਅਕਤੀ ‘ਤੇ ਜਾਸੂਸੀ ਕਰਨ ਅਤੇ 2000 ਤੋਂ ਵੱਧ ਲੋਕਾਂ ਦੇ ਨਿੱਜੀ ਪਲਾਂ ਦੀਆਂ ਵੀਡੀਓ ਅਤੇ ਫੋਟੋਆਂ ਰਿਕਾਰਡ ਕਰਨ ਦਾ ਦੋਸ਼ ਹੈ। ਇਹ ਵਿਅਕਤੀ ਆਨਲਾਈਨ ਕੰਪਨੀ Airbnb ਦਾ ਹੋਸਟ ਦੱਸਿਆ ਜਾ ਰਿਹਾ ਹੈ।

Also Read: ਯੂਰਪੀ ਦੇਸ਼ਾਂ ‘ਤੇ ਭੜਕੇ ਪਾਕਿ PM ਇਮਰਾਨ ਖਾਨ, ਕਿਹਾ-‘ਕੀ ਤੁਸੀਂ ਸਾਨੂੰ ਗੁਲਾਮ ਸਮਝਿਆ?’

Airbnb ਇੱਕ ਅਮਰੀਕੀ ਕੰਪਨੀ ਹੈ ਜੋ ਛੁੱਟੀਆਂ ਦੌਰਾਨ ਲੋਕਾਂ ਨੂੰ ਘਰਾਂ ਵਿੱਚ ਰਹਿਣ ਅਤੇ ਸੈਰ-ਸਪਾਟੇ ਨਾਲ ਸਬੰਧਤ ਗਤੀਵਿਧੀਆਂ ਪ੍ਰਦਾਨ ਕਰਦੀ ਹੈ। ਦੋਸ਼ੀ ਨੇ ਮਹਿਮਾਨਾਂ ਦੀ ਜਾਸੂਸੀ ਕੀਤੀ ਅਤੇ ਉਨ੍ਹਾਂ ਦੇ ਨਿੱਜੀ ਪਲਾਂ ਨੂੰ ਰਿਕਾਰਡ ਕੀਤਾ। ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਇਸ ਦੇ ਨਾਲ ਹੀ Airbnb ਨੇ ਵੀ ਆਪਣੀ ਸਾਈਟ ਤੋਂ ਉਸ ਦੀ ਪ੍ਰਾਪਰਟੀ ਨੂੰ ਬੈਨ ਕਰ ਦਿੱਤਾ ਹੈ। ਇਹ ਵਿਅਕਤੀ ਅਮਰੀਕਾ ਦੇ ਟੈਕਸਾਸ ਵਿੱਚ ਰਹਿੰਦਾ ਹੈ। ਮੈਟਰੋ ਦੀ ਖਬਰ ਮੁਤਾਬਕ ਇਸ ਵਿਅਕਤੀ ਦੀ ਪਛਾਣ 54 ਸਾਲਾ ਜੇਅ ਐਲੀ ਵਜੋਂ ਹੋਈ ਹੈ। ਉਸ ਨੇ ਕਮਰੇ ਦੇ ਅੰਦਰ ਗੁਪਤ ਕੈਮਰਾ ਲਗਾਇਆ ਹੋਇਆ ਸੀ। ਉਸਨੇ ਇਸ ਡਿਵਾਈਸ ਨੂੰ ਆਨਲਾਈਨ ਲੱਭਿਆ। ਪੁਲਿਸ ਨੇ ਮੁਲਜ਼ਮ ਕੋਲੋਂ ਕੈਮਰਾ, ਲੈਪਟਾਪ, ਟੈਬਲੇਟ ਅਤੇ ਫ਼ੋਨ ਬਰਾਮਦ ਕੀਤੇ ਹਨ। ਇਸ ਦੇ ਨਾਲ ਹੀ ਪੁਲਿਸ ਜਾਂਚ ‘ਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਦੋਸ਼ੀ ਇਕ ਸਾਲ ਤੋਂ ਲੋਕਾਂ ਦੀ ਰਿਕਾਰਡਿੰਗ ਕਰ ਰਿਹਾ ਸੀ।