ਸਿੰਗਾਪੁਰ: ਕੋਰੋਨਾ ਵੈਕਸੀਨ ਕਾਰਨ ਹੋਈ ਬਿਮਾਰੀ, ਸਰਕਾਰ ਲੜਕੇ ਨੂੰ ਦੇਵੇਗੀ ਡੇਢ ਕਰੋੜ ਰੁਪਏ

ਸਿੰਗਾਪੁਰ- ਸਿੰਗਾਪੁਰ ਵਿਚ ਇਕ 16 ਸਾਲਾ ਨੌਜਵਾਨ ਨੂੰ ਕੋਰੋਨਾ ਵੈਕਸੀਨ ਲੈਣ ਤੋਂ ਬਾਅਦ ਦਿਲ ਦਾ ਦੌਰਾ ਪਿਆ। ਇਸ ਕਿਸ਼ੋਰ ਲੜਕੇ ਨੂੰ ਫਾਈਜ਼ਰ ਵੈਕਸੀਨ ਲੈਣ ਦੇ 6 ਦਿਨਾਂ ਬਾਅਦ ਦਿਲ ਦਾ ਦੌਰਾ ਪਿਆ ਸੀ। ਫਿਲਹਾਲ ਉਨ੍ਹਾਂ ਦੀ ਹਾਲਤ ਠੀਕ ਹੈ, ਪਰ ਸ਼ਾਇਦ ਉਨ੍ਹਾਂ ਨੂੰ ਇਹ ਉਮੀਦ ਵੀ ਨਹੀਂ ਹੋਵੇਗੀ ਕਿ ਉਹ ਦਿਲ ਦੇ ਦੌਰੇ ਤੋਂ ਬਾਅਦ ਕਰੋੜਪਤੀ ਬਣ ਜਾਣਗੇ।

ਪੜੋ ਹੋਰ ਖਬਰਾਂ: ਖਰੜ CIA ਸਟਾਫ ਵੱਲੋਂ ਬੰਬੀਹਾਂ ਗੈਂਗ ਦੇ ਤਿੰਨ ਮੈਂਬਰ ਹਥਿਆਰਾਂ ਸਣੇ ਗ੍ਰਿਫਤਾਰ

ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਸਿਹਤ ਮੰਤਰਾਲਾ ਨੇ ਕਿਹਾ ਕਿ ਸਰਕਾਰ ਇਸ ਲੜਕੇ ਨੂੰ 2 ਲੱਖ 25 ਹਜ਼ਾਰ ਡਾਲਰ ਯਾਨੀ ਲਗਭਗ 1.5 ਕਰੋੜ ਦੀ ਵਿੱਤੀ ਸਹੂਲਤ ਪ੍ਰਦਾਨ ਕਰੇਗੀ। ਇਹ ਸੁਵਿਧਾ ਸਿੰਗਾਪੁਰ ਵੈਕਸੀਨ ਇੰਜਰੀ ਵਿੱਤੀ ਸਹਾਇਤਾ ਪ੍ਰੋਗਰਾਮ (ਵੀਆਈਐੱਫਏਪੀ) ਦੇ ਅਧੀਨ ਦਿੱਤੀ ਜਾ ਰਹੀ ਹੈ। ਡਾਕਟਰੀ ਜਾਂਚ ਵਿਚ ਇਹ ਵੀ ਪਾਇਆ ਗਿਆ ਹੈ ਕਿ ਇਸ ਨੌਜਵਾਨ ਨੂੰ ਮਾਇਓਕਾਰਡੀਟਿਸ ਦੀ ਸਮੱਸਿਆ ਵੀ ਸੀ, ਜਿਸ ਕਾਰਨ ਉਸ ਨੂੰ ਇਹ ਦਿਲ ਦਾ ਦੌਰਾ ਪਿਆ ਸੀ। ਮੰਤਰਾਲਾ ਦੀ ਰਿਪੋਰਟ ਵਿਚ ਲਿਖਿਆ ਗਿਆ ਸੀ ਕਿ ਕੋਵਿਡ ਟੀਕੇ ਦੇ ਕਾਰਨ ਮਾਇਓਕਾਰਡੀਟਿਸ ਦੀ ਸਥਿਤੀ ਦੇ ਵਧਣ ਦੀ ਸੰਭਾਵਨਾ ਹੈ।

 
ਪੜੋ ਹੋਰ ਖਬਰਾਂ: ਰਾਹਤ ਦੀ ਖਬਰ! ਉਮਸ ਭਰੀ ਗਰਮੀ ਤੋਂ ਜਲਦੀ ਮਿਲੇਗੀ ਨਿਜਾਤ, ਹੋਵੇਗੀ ਬਰਸਾਤ

ਇਸ ਗੱਲ ਦੀ ਸੰਭਾਵਨਾ ਵੀ ਹੈ ਕਿ ਬਹੁਤ ਜ਼ਿਆਦਾ ਕੈਫੀਨ ਦੀ ਵਰਤੋਂ ਅਤੇ ਜ਼ਿਆਦਾ ਭਾਰ ਚੁੱਕਣ ਨਾਲ ਵੀ ਉਸਦੇ ਦਿਲ 'ਤੇ ਦਬਾਅ ਪਿਆ ਹੈ। ਫਿਲਹਾਲ ਇਹ ਲੜਕਾ ਹਸਪਤਾਲ ਵਿਚ ਹੈ ਅਤੇ ਉਸਦੀ ਹਾਲਤ ਬਹੁਤ ਬਿਹਤਰ ਹੋ ਗਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਮਾਇਓਕਾਰਡੀਟਿਸ ਆਮ ਤੌਰ ਤੇ ਵਾਇਰਲ ਇਨਫੈਕਸ਼ਨ ਕਾਰਨ ਹੁੰਦਾ ਹੈ। ਇਸ ਸਥਿਤੀ ਵਿਚ ਦਿਲ ਕਮਜ਼ੋਰ ਹੋ ਸਕਦਾ ਹੈ, ਜਿਸ ਕਾਰਨ ਦਿਲ ਦਾ ਦੌਰਾ ਪੈ ਸਕਦਾ ਹੈ ਅਤੇ ਜਾਨ ਵੀ ਜਾ ਸਕਦੀ ਹੈ। ਛਾਤੀ ਵਿਚ ਦਰਦ ਅਤੇ ਸਾਹ ਚੜ੍ਹਨਾ ਇਸ ਦੇ ਆਮ ਲੱਛਣ ਹਨ। ਉਥੇ ਹੀ ਮੰਤਰਾਲਾ ਨੇ ਆਪਣੇ ਬਿਆਨ ਵਿਚ ਕਿਹਾ ਹੈ ਕਿ ਇਹ ਲੜਕਾ ਚੰਗੀ ਰਿਤਵਰੀ ਕਰ ਰਿਹਾ ਹੈ ਅਤੇ ਉਹ ਬਿਨਾਂ ਕਿਸੇ ਸਮੱਸਿਆ ਦੇ ਰੋਜ਼ਾਨਾ ਦੇ ਕੰਮ ਕਰਨ ਦੇ ਯੋਗ ਹੈ।

ਪੜੋ ਹੋਰ ਖਬਰਾਂ: ਖਤਰੇ 'ਚ ਬਚਪਨ! ਪੰਜਾਬ ਦੇ 42 ਫੀਸਦੀ ਬੱਚਿਆਂ 'ਚ ਨਹੀਂ ਮਿਲਿਆ ਐਂਟੀਬਾਡੀਜ਼, ਸਰਵੇਖਣ 'ਚ ਖੁਲਾਸਾ

ਮੰਤਰਾਲਾ ਦੇ ਬਿਆਨ ਵਿਚ ਅੱਗੇ ਲਿਖਿਆ ਗਿਆ ਹੈ ਕਿ ਵੀਆਈਐੱਫਏਪੀ ਐਪਲੀਕੇਸ਼ਨ ਦਾ ਮੁਲਾਂਕਣ ਕਰਨ ਲਈ ਨਿਯੁਕਤ ਸੁਤੰਤਰ ਕਲੀਨਿਕਲ ਪੈਨਲ ਨੇ ਪਾਇਆ ਕਿ ਉਸਨੇ ਆਪਣੀ ਗੰਭੀਰ ਸਥਿਤੀ ਦੇ ਮਾਮਲੇ ਵਿਚ ਰਿਕਵਰੀ ਕੀਤੀ ਹੈ, ਪਰ ਠੀਕ ਹੋਣ ਲਈ ਕੁਝ ਸਮੇਂ ਲਈ ਇਲਾਜ ਅਤੇ ਮੁੜ ਵਸੇਬੇ ਦੀ ਜ਼ਰੂਰਤ ਹੋਏਗੀ। ਹੈਲਥ ਸਾਇੰਸ ਅਥਾਰਿਟੀ ਨੇ ਫਾਰਮਾਕੋਵਿਜੀਲੈਂਸ ਨਿਗਰਾਨੀ ਦੇ ਆਧਾਰ 'ਤੇ ਕਿਹਾ ਹੈ ਕਿ ਕੋਰੋਨਾ ਵੈਕਸੀਨ ਦੀ ਵਰਤੋਂ ਤੋਂ ਬਾਅਦ ਮਾਇਓਕਾਰਡੀਟਿਸ ਜਾਂ ਪੇਰੀਕਾਰਡਾਈਟਿਸ ਹੋਣ ਦਾ ਥੋੜ੍ਹਾ ਜਿਹਾ ਜੋਖਿਮ ਹੁੰਦਾ ਹੈ, ਪਰ ਸਥਾਨਕ ਲੋਕਾਂ ਵਿਚ ਇਹ ਬਹੁਤ ਘੱਟ ਦੇਖਿਆ ਗਿਆ ਹੈ। ਸਿੰਗਾਪੁਰ ਵਿਚ 1 ਲੱਖ ਖੁਰਾਕਾਂ ਉੱਤੇ ਸਿਰਫ 0.48 ਲੋਕ ਇਸ ਸਮੱਸਿਆ ਤੋਂ ਪੀੜਤ ਹਨ।

ਇਸ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਜ਼ਿਆਦਾਤਰ ਲੋਕਾਂ ਨੇ ਇਸ ਇਲਾਜ ਪ੍ਰਤੀ ਹਾਂ-ਪੱਖੀ ਹੁੰਗਾਰਾ ਭਰਿਆ ਹੈ ਅਤੇ ਕਿਸ਼ੋਰਾਂ ਅਤੇ ਨੌਜਵਾਨਾਂ ਨੂੰ ਟੀਕੇ ਦੀ ਪਹਿਲੀ ਅਤੇ ਦੂਜੀ ਖੁਰਾਕ ਤੋਂ ਬਾਅਦ ਘੱਟੋ-ਘੱਟ ਇਕ ਹਫ਼ਤੇ ਆਰਾਮ ਕਰਨ ਦਿੱਤਾ ਜਾਣਾ ਚਾਹੀਦਾ ਹੈ। ਇਸ ਹਫ਼ਤੇ ਦੌਰਾਨ ਸਰੀਰਕ ਗਤੀਵਿਧੀਆਂ, ਜਿਵੇਂ ਜਿੰਮ ਜਾਂ ਖੇਡਾਂ ਵਿਚ ਬਹੁਤ ਸਰਗਰਮ ਨਹੀਂ ਸਰਗਰਮ ਰਹਿਣਾ ਚਾਹੀਦਾ।