ਗੁਜਰਾਤ ਤੋਂ ਸਾਹਮਣੇ ਆਇਆ Omicron ਵੇਰੀਐਂਟ ਦਾ ਤੀਜਾ ਮਾਮਲਾ

ਨਵੀਂ ਦਿੱਲੀ  : ਕੋਰੋਨਾ ਵਾਇਰਸ ਦਾ ਓਮੀਕ੍ਰੋਨ (Omicron) ਰੂਪ ਹੁਣ ਭਾਰਤ ਵਿੱਚ ਫੈਲ ਰਿਹਾ ਹੈ। ਓਮੀਕ੍ਰੋਨ ਦਾ ਤੀਜਾ ਕੇਸ ਭਾਰਤ ਵਿੱਚ ਪਾਇਆ ਗਿਆ ਹੈ। ਗੁਜਰਾਤ (Gujarat) ਵਿੱਚ, ਇੱਕ 72 ਸਾਲਾ ਵਿਅਕਤੀ ਓਮੀਕ੍ਰੋਨ ਵੇਰੀਐਂਟ (Omicron Variant)  ਨਾਲ ਸੰਕਰਮਿਤ ਪਾਇਆ ਗਿਆ ਹੈ। ਉਹ ਜ਼ਿੰਬਾਬਵੇ (Zimbabwe) ਤੋਂ ਪਰਤਿਆ ਸੀ।ਗੁਜਰਾਤ ਦੇ ਜਾਮਨਗਰ ਵਿੱਚ ਇਹ ਪਹਿਲਾ ਓਮੀਕ੍ਰੋਨ ਮਾਮਲਾ ਹੈ। ਇਕ ਨਿਊਜ਼ ਏਜੰਸੀ ਨੇ ਗੁਜਰਾਤ ਸਿਹਤ ਵਿਭਾਗ ਦੇ ਹਵਾਲੇ ਨਾਲ ਇਹ ਜਾਣਕਾਰੀ ਦਿੱਤੀ ਹੈ। ਇਸ ਤੋਂ ਪਹਿਲਾਂ ਕਰਨਾਟਕ ਵਿੱਚ ਦੋ ਲੋਕ  ਓਮੀਕ੍ਰੋਨ ਨਾਲ ਸੰਕਰਮਿਤ ਪਾਏ ਗਏ ਸਨ। ਦੋਵਾਂ ਦੀ ਉਮਰ 66 ਸਾਲ ਅਤੇ 46 ਸਾਲ ਸੀ।

Also Read : ਪੰਜਾਬ ਵਿਧਾਨਸਭਾ ਚੋਣਾਂ ਲਈ ਸੁਖਬੀਰ ਬਾਦਲ ਵੱਲੋਂ ਇਕ ਹੋਰ ਉਮੀਦਵਰ ਦਾ ਐਲਾਨ

ਸੂਬਾ ਸਰਕਾਰ ਨੇ ਸ਼ੁੱਕਰਵਾਰ ਨੂੰ 66 ਸਾਲਾ ਦੱਖਣੀ ਅਫਰੀਕੀ (South Africa) ਨਾਗਰਿਕ ਦੀ ਟੈਸਟ ਰਿਪੋਰਟ ਦੀ ਜਾਂਚ ਦੇ ਹੁਕਮ ਦਿੱਤੇ, ਜਿਸ ਨਾਲ ਉਸ ਨੂੰ ਦੇਸ਼ ਛੱਡਣ ਦੀ ਇਜਾਜ਼ਤ ਦਿੱਤੀ ਗਈ। ਘੱਟੋ-ਘੱਟ 10 ਦੱਖਣੀ ਅਫਰੀਕੀ ਯਾਤਰੀਆਂ ਦੇ ਬੇਂਗਲੁਰੂ ਪਹੁੰਚਣ ਤੋਂ ਬਾਅਦ ਲਾਪਤਾ ਹੋਣ ਦੀਆਂ ਰਿਪੋਰਟਾਂ ਦੇ ਵਿਚਕਾਰ, ਸਰਕਾਰ ਨੇ ਅਧਿਕਾਰੀਆਂ ਨੂੰ ਇਸ ਮਾਮਲੇ ਦੀ ਜਾਂਚ ਕਰਨ, ਉਨ੍ਹਾਂ ਦਾ ਤੁਰੰਤ ਪਤਾ ਲਗਾਉਣ ਅਤੇ ਜਾਂਚ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।ਮਾਲ ਮੰਤਰੀ ਆਰ ਅਸ਼ੋਕ ਨੇ ਕਿਹਾ, 'ਵਿਅਕਤੀ (66 ਸਾਲਾ) ਇਕ ਹੋਟਲ ਵਿਚ ਅਲੱਗ-ਥਲੱਗ ਸੀ ਅਤੇ ਉਹ ਇੱਥੋਂ (ਦੇਸ਼ ਤੋਂ ਬਾਹਰ) ਚਲਾ ਗਿਆ ਹੈ। ਪਹਿਲਾਂ, ਉਸਦੀ (ਕੋਵਿਡ ਜਾਂਚ) ਰਿਪੋਰਟ ਵਿੱਚ ਸੰਕਰਮਣ ਦੀ ਪੁਸ਼ਟੀ ਹੋਈ ਅਤੇ ਫਿਰ ਦੁਬਾਰਾ ਟੈਸਟ ਦੀ ਰਿਪੋਰਟ ‘ਨੈਗੇਟਿਵ’ ਆਈ।

Also Read : ਦਰਦਨਾਕ ! ਓਮੀਕ੍ਰੋਨ ਦੇ ਡਰ ਤੋਂ ਡਾਕਟਰ ਨੇ ਪਤਨੀ ਸਮੇਤ ਬੱਚਿਆਂ ਦਾ ਕੀਤਾ ਕਤਲ

ਮਾਲ ਮੰਤਰੀ ਨੇ ਮੁੱਖ ਮੰਤਰੀ ਬਸਵਰਾਜ ਬੋਮਈ (Basavaraj Bomai) ਦੀ ਪ੍ਰਧਾਨਗੀ ਹੇਠ ਹੋਈ ਉੱਚ-ਪੱਧਰੀ ਮੀਟਿੰਗ ਵਿਚ ਸ਼ਾਮਲ ਹੋਣ ਤੋਂ ਬਾਅਦ ਪੱਤਰਕਾਰਾਂ ਨੂੰ ਦੱਸਿਆ ਕਿ ਬ੍ਰਿਹਤ ਬੇਂਗਲੁਰੂ ਨਗਰ ਨਿਗਮ ਕਮਿਸ਼ਨਰ ਨੂੰ ਇਸ ਸਬੰਧ ਵਿਚ ਸ਼ਹਿਰ ਦੇ ਹਾਈ ਗਰਾਊਂਡ ਪੁਲਿਸ ਸਟੇਸ਼ਨ ਵਿਚ ਕੇਸ ਦਰਜ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ ਹਨ।ਅਧਿਕਾਰੀਆਂ ਨੇ ਵੀਰਵਾਰ ਨੂੰ ਦੱਸਿਆ ਕਿ ਦੱਖਣੀ ਅਫਰੀਕੀ ਨਾਗਰਿਕ 20 ਨਵੰਬਰ ਨੂੰ ਬੈਂਗਲੁਰੂ ਆਇਆ ਸੀ ਅਤੇ ਹਵਾਈ ਅੱਡੇ 'ਤੇ ਉਸ ਦੇ ਨਮੂਨੇ ਲਏ ਗਏ ਸਨ ਅਤੇ ਬਾਅਦ ਵਿਚ ਉਸ ਦੇ ਸੰਕਰਮਿਤ ਹੋਣ ਦੀ ਪੁਸ਼ਟੀ ਹੋਈ ਸੀ।

Also Read : ਦੇਸ਼ 'ਚ ਬੀਤੇ 24 ਘੰਟਿਆਂ 'ਚ ਸਾਹਮਣੇ ਆਏ ਕੋਰੋਨਾ ਦੇ 8 ਹਜ਼ਾਰ ਤੋਂ ਵਧੇਰੇ ਮਾਮਲੇ, 415 ਦੀ ਮੌਤ

ਇਸ ਤੋਂ ਬਾਅਦ ਵਿਅਕਤੀ ਦੇ ਨਮੂਨੇ ਜੀਨੋਮ ਸੀਕਵੈਂਸਿੰਗ (Genome sequencing) ਲਈ ਭੇਜੇ ਗਏ, ਜਿਸ ਦੀ ਰਿਪੋਰਟ ਵੀਰਵਾਰ ਨੂੰ ਆਈ, ਜਿਸ ਵਿਚ ਪੁਸ਼ਟੀ ਕੀਤੀ ਗਈ ਕਿ ਉਹ ਓਮੀਕ੍ਰੋਨ  ਵੇਰੀਐਂਟ ਨਾਲ ਸੰਕਰਮਿਤ ਸੀ।ਇਸ ਦੌਰਾਨ ਦੱਖਣੀ ਅਫ਼ਰੀਕਾ (South Africa) ਦੇ ਦਸ ਯਾਤਰੀਆਂ ਦੇ ਲਾਪਤਾ ਹੋਣ ਦੀਆਂ ਖ਼ਬਰਾਂ 'ਤੇ ਪੁੱਛੇ ਸਵਾਲ ਦੇ ਜਵਾਬ 'ਚ ਅਸ਼ੋਕ ਨੇ ਕਿਹਾ, 'ਮੀਡੀਆ 'ਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਦਸ ਲੋਕ ਲਾਪਤਾ ਹਨ। ਅਧਿਕਾਰੀਆਂ ਨੂੰ ਇਸ ਦੀ ਜਾਂਚ ਕਰਨ, ਉਨ੍ਹਾਂ ਦਾ ਪਤਾ ਲਗਾਉਣ ਅਤੇ ਜਾਂਚ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।