ਪੰਜ ਦਿਨਾਂ ਯੂਰੋਪ ਦੌਰੇ ਤੋਂ ਬਾਅਦ ਭਾਰਤ ਪਰਤੇ PM ਮੋਦੀ

ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਇਟਲੀ ਅਤੇ ਬ੍ਰਿਟੇਨ ਦਾ ਆਪਣਾ ਪੰਜ ਦਿਨਾ ਦੌਰਾ ਪੂਰਾ ਕਰਨ ਤੋਂ ਬਾਅਦ ਬੁੱਧਵਾਰ ਸਵੇਰੇ ਦਿੱਲੀ ਪਹੁੰਚ ਗਏ ਹਨ। ਉਨ੍ਹਾਂ ਦਾ ਜਹਾਜ਼ ਨਵੀਂ ਦਿੱਲੀ ਦੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਉਤਰਿਆ ਹੈ। ਭਾਰਤੀ ਸਮੇਂ ਮੁਤਾਬਕ ਮੰਗਲਵਾਰ ਰਾਤ 11 ਵਜੇ ਪੀਐਮ ਮੋਦੀ ਨੇ ਗਲਾਸਗੋ ਤੋਂ ਦਿੱਲੀ ਲਈ ਉਡਾਣ ਭਰੀ। ਗਲਾਸਗੋ ਤੋਂ ਭਾਰਤ ਲਈ ਰਵਾਨਾ ਹੋਣ ਤੋਂ ਪਹਿਲਾਂ ਭਾਰਤੀ ਮੂਲ ਦੇ ਲੋਕ ਪੀਐਮ ਮੋਦੀ ਨੂੰ ਵਿਦਾਇਗੀ ਦੇਣ ਲਈ ਵੱਡੀ ਗਿਣਤੀ ਵਿੱਚ ਢੋਲ ਨਾਲ ਪਹੁੰਚੇ।

Also Read : BSF ਦੇ ਜਵਾਨਾਂ ਨੇ ਹਿੰਦ-ਪਾਕਿ ਬਾਰਡਰ ਤੋਂ ਬਰਾਮਦ ਕੀਤੀ ਕਰੋੜਾਂ ਦੀ ਹੈਰੋਇਨ

ਗਲਾਸਗੋ ਵਿੱਚ ਸੰਬੋਧਨ ਦੌਰਾਨ ਪੀਐਮ ਮੋਦੀ ਨੇ ਕਿਹਾ, ਮਨੁੱਖਤਾ ਨੂੰ ਬਚਾਉਣ ਲਈ ਸੂਰਜ ਦੇ ਨਾਲ ਚੱਲਣਾ ਹੋਵੇਗਾ। ਪੀਐਮ ਮੋਦੀ ਨੇ  ਇਕ ਸੂਰਜ, ਇਕ ਵਿਸ਼ਵ, ਇਕ ਗਰਿੱਡ ਦਾ  ਦੁਨੀਆ ਲਈ ਨਾਅਰਾ ਦਿੱਤਾ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਜਲਵਾਯੂ ਸੰਮੇਲਨ 'ਚ ਕਈ ਵਿਸ਼ਵ ਨੇਤਾਵਾਂ ਨਾਲ ਦੋ ਦਿਨਾਂ ਦੀ ਤੀਬਰ ਚਰਚਾ 'ਚ ਹਿੱਸਾ ਲਿਆ। ਇਸ ਦੌਰਾਨ ਉਨ੍ਹਾਂ ਕਿਹਾ ਕਿ ਭਾਰਤ ਨੇ ਨਾ ਸਿਰਫ਼ ਪੈਰਿਸ ਦੀਆਂ ਵਚਨਬੱਧਤਾਵਾਂ ਨੂੰ ਪਾਰ ਕੀਤਾ ਹੈ, ਸਗੋਂ ਹੁਣ ਅਗਲੇ 50 ਸਾਲਾਂ ਲਈ ਇੱਕ ਅਭਿਲਾਸ਼ੀ ਏਜੰਡਾ ਵੀ ਤੈਅ ਕੀਤਾ ਹੈ।

Also Read : ਪੰਜਾਬ ਸਰਕਾਰ ਨੇ AG ਦਿਓਲ ਦਾ ਅਸਤੀਫਾ ਕੀਤਾ ਮਨਜ਼ੂਰ, ਸੁਣਾਇਆ ਇਹ ਫੁਰਮਾਨ

ਪੀਐਮ ਮੋਦੀ ਨੇ ਰੋਮ ਅਤੇ ਗਲਾਸਗੋ ਦੀ ਆਪਣੀ ਪੰਜ ਦਿਨਾਂ ਸਰਕਾਰੀ ਯਾਤਰਾ ਪੂਰੀ ਕਰਨ ਤੋਂ ਬਾਅਦ ਘਰ ਤੋਂ ਰਵਾਨਾ ਹੁੰਦੇ ਹੋਏ ਇੱਕ ਟਵੀਟ ਵਿੱਚ ਇਹ ਗੱਲ ਕਹੀ। ਉਸਨੇ ਰੋਮ ਵਿੱਚ ਜੀ-20 ਸਿਖਰ ਸੰਮੇਲਨ ਵਿੱਚ ਸ਼ਿਰਕਤ ਕੀਤੀ ਜਦੋਂ ਕਿ ਗਲਾਸਗੋ ਵਿੱਚ ਸੀਓਪੀ-26 ਜਲਵਾਯੂ ਸੰਮੇਲਨ ਵਿੱਚ ਹਿੱਸਾ ਲਿਆ। ਪੀਐਮ ਮੋਦੀ ਨੇ ਟਵੀਟ ਕੀਤਾ, 'ਸਾਡੇ ਗ੍ਰਹਿ (ਧਰਤੀ) ਦੇ ਭਵਿੱਖ ਬਾਰੇ ਦੋ ਦਿਨਾਂ ਦੀ ਗਹਿਰੀ ਚਰਚਾ ਤੋਂ ਬਾਅਦ ਗਲਾਸਗੋ ਤੋਂ ਰਵਾਨਾ ਹੋ ਰਿਹਾ ਹਾਂ। ਭਾਰਤ ਨੇ ਨਾ ਸਿਰਫ ਪੈਰਿਸ ਦੀਆਂ ਆਪਣੀਆਂ ਪ੍ਰਤੀਬੱਧਤਾਵਾਂ ਨੂੰ ਪਾਰ ਕੀਤਾ ਹੈ, ਸਗੋਂ ਹੁਣ ਅਗਲੇ 50 ਸਾਲਾਂ ਲਈ ਇੱਕ ਅਭਿਲਾਸ਼ੀ ਏਜੰਡਾ ਤੈਅ ਕੀਤਾ ਹੈ।

Also Read : ਬਿਹਾਰ 'ਚ ਚੱਲਿਆ JDU ਦਾ ਜਾਦੂ, ਕੁਸ਼ੇਸ਼ਵਰ ਅਸਥਾਨ ਤੇ ਤਾਰਾਪੁਰ ਕੀਤਾ ਫਤਿਹ

ਉਸ ਨੇ ਕਿਹਾ, 'ਬਹੁਤ ਸਾਰੇ ਪੁਰਾਣੇ ਦੋਸਤਾਂ ਨੂੰ ਲੰਬੇ ਸਮੇਂ ਬਾਅਦ ਆਹਮੋ-ਸਾਹਮਣੇ ਦੇਖਣਾ ਅਤੇ ਕੁਝ ਨਵੇਂ ਲੋਕਾਂ ਨੂੰ ਮਿਲਣਾ ਬਹੁਤ ਵਧੀਆ ਸੀ। ਮੈਂ ਸਾਡੇ ਮੇਜ਼ਬਾਨ ਪ੍ਰਧਾਨ ਮੰਤਰੀ ਬੋਰਿਸ ਜੌਹਨਸਨ ਅਤੇ ਸਕਾਟਲੈਂਡ ਦੇ ਲੋਕਾਂ ਦੀ ਖੂਬਸੂਰਤ ਗਲਾਸਗੋ ਵਿੱਚ ਉਨ੍ਹਾਂ ਦੀ ਨਿੱਘੀ ਮਹਿਮਾਨਨਿਵਾਜ਼ੀ ਲਈ ਵੀ ਧੰਨਵਾਦੀ ਹਾਂ। ਘਰ ਪਰਤਣ ਤੋਂ ਪਹਿਲਾਂ, ਰੰਗੀਨ ਭਾਰਤੀ ਪਹਿਰਾਵੇ ਵਿਚ ਸਜੇ ਭਾਰਤੀ ਭਾਈਚਾਰੇ ਦੇ ਲੋਕ ਉਸ ਨੂੰ ਵਿਦਾਈ ਦੇਣ ਲਈ ਇਕੱਠੇ ਹੋਏ ਸਨ। ਇਸ ਦੌਰਾਨ ਪੀਐਮ ਮੋਦੀ ਨੇ ਭਾਰਤ ਪਰਤਣ ਤੋਂ ਪਹਿਲਾਂ ਭਾਰਤੀ ਭਾਈਚਾਰੇ ਦੇ ਮੈਂਬਰਾਂ ਨਾਲ ਢੋਲ ਵਜਾਇਆ।