ਦੇਸ਼ ਦੇ 19 ਰਾਜਾਂ 'ਚ ਪਹੁੰਚਿਆ ਓਮੀਕ੍ਰੋਨ, ਹੁਣ ਤਕ ਸਾਹਮਣੇ ਆਏ 578 ਮਾਮਲੇ

ਨਵੀਂ ਦਿੱਲੀ : ਦੇਸ਼ 'ਚ ਜਾਨਲੇਵਾ ਕੋਰੋਨਾ ਵਾਇਰਸ ਦੇ ਖਤਰਨਾਕ ਰੂਪ ਓਮੀਕ੍ਰੋਨ ਵੇਰੀਐਂਟ ਦੇ ਮਾਮਲੇ ਦਿਨ-ਬ-ਦਿਨ ਵਧਦੇ ਜਾ ਰਹੇ ਹਨ। ਦੇਸ਼ ਵਿੱਚ ਹੁਣ ਤੱਕ 19 ਰਾਜਾਂ ਵਿੱਚ 578 ਲੋਕ ਇਸ ਵੇਰੀਐਂਟ ਨਾਲ ਸੰਕਰਮਿਤ ਹੋ ਚੁੱਕੇ ਹਨ। ਸਿਹਤ ਮੰਤਰਾਲੇ ਨੇ ਕਿਹਾ ਹੈ ਕਿ ਇਸ ਵੇਰੀਐਂਟ ਨਾਲ ਸੰਕਰਮਿਤ 151 ਲੋਕ ਠੀਕ ਹੋ ਚੁੱਕੇ ਹਨ। ਵੱਡੀ ਗੱਲ ਇਹ ਹੈ ਕਿ ਇਸ ਵੇਰੀਐਂਟ ਕਾਰਨ ਦੇਸ਼ ਵਿੱਚ ਹੁਣ ਤੱਕ ਇੱਕ ਵੀ ਮੌਤ ਨਹੀਂ ਹੋਈ ਹੈ। ਜਾਣੋ Omicron ਵੇਰੀਐਂਟ ਦਾ ਨਵੀਨਤਮ ਅਪਡੇਟ ਕੀ ਹੈ ਅਤੇ ਰਾਜਾਂ ਵਿੱਚ ਸਥਿਤੀ ਕਿਵੇਂ ਹੈ। ਦੇਸ਼ ਵਿਚ ਓਮੀਕ੍ਰੋਨ ਦੇ ਕੁੱਲ ਮਾਮਲੇ 578 ਹੋ ਗਏ ਹਨ।ਜਿੰਨਾਂ ਵਿਚੋਂ 151 ਦੀ ਰਿਕਵਰੀ ਹੋਈ ਹੈ।ਦੱਸ ਦਈਏ ਕਿ ਓਮੀਕ੍ਰੋਨ 19 ਰਾਜਾਂ ਵਿਚ ਫੈਲ ਗਿਆ ਹੈ। 

Also Read : ਚੰਡੀਗੜ੍ਹ ਨਗਰ ਨਿਗਮ ਚੋਣਾਂ ਦੀ ਗਿਣਤੀ ਸ਼ੁਰੂ, ਦੁਪਹਿਰ ਨੂੰ ਐਲਾਨੇ ਜਾਣਗੇ ਨਤੀਜੇ

ਕਿਸ ਰਾਜ ਵਿੱਚ ਕਿੰਨੇ ਲੋਕ ਸੰਕਰਮਿਤ ਹੋਏ ਹਨ

ਦਿੱਲੀ            - ਕੁੱਲ ਮਾਮਲੇ 142, ਰਿਕਵਰੀ 23
ਮਹਾਰਾਸ਼ਟਰ   - ਕੁੱਲ ਕੇਸ 141, ਰਿਕਵਰੀ 42
ਕੇਰਲ           - ਕੁੱਲ ਕੇਸ 57, ਰਿਕਵਰੀ 1
ਗੁਜਰਾਤ        - ਕੁੱਲ ਮਾਮਲੇ 49, ਰਿਕਵਰੀ 10
ਰਾਜਸਥਾਨ      - ਕੁੱਲ ਕੇਸ 43, ਰਿਕਵਰੀ 30
ਤੇਲੰਗਾਨਾ       - ਕੁੱਲ ਕੇਸ 41, ਰਿਕਵਰੀ 10
ਤਾਮਿਲਨਾਡੂ    - ਕੁੱਲ ਕੇਸ 34, ਰਿਕਵਰੀ 0
ਕਰਨਾਟਕ      - ਕੁੱਲ ਮਾਮਲੇ 31, ਰਿਕਵਰੀ 15
ਮੱਧ ਪ੍ਰਦੇਸ਼      - ਕੁੱਲ ਕੇਸ 9, ਰਿਕਵਰੀ 7
ਆਂਧਰਾ ਪ੍ਰਦੇਸ਼   - ਕੁੱਲ ਕੇਸ 6, ਰਿਕਵਰੀ 1
ਪੱਛਮੀ ਬੰਗਾਲ - ਕੁੱਲ ਕੇਸ 6, ਰਿਕਵਰੀ 1
ਹਰਿਆਣਾ       - ਕੁੱਲ ਕੇਸ 4, ਰਿਕਵਰੀ 2
ਉੜੀਸਾ           - ਕੁੱਲ ਕੇਸ 4, ਰਿਕਵਰੀ 0
ਚੰਡੀਗੜ੍ਹ         - ਕੁੱਲ ਕੇਸ 3, ਰਿਕਵਰੀ 2
ਜੰਮੂ ਅਤੇ ਕਸ਼ਮੀਰ   - ਕੁੱਲ ਕੇਸ 3, ਰਿਕਵਰੀ 3
ਉੱਤਰ ਪ੍ਰਦੇਸ਼        - ਕੁੱਲ ਕੇਸ 2, ਰਿਕਵਰੀ 2
ਹਿਮਾਚਲ            - ਕੁੱਲ ਕੇਸ 1, ਰਿਕਵਰੀ 1
ਲੱਦਾਖ               - ਕੁੱਲ ਕੇਸ 1, ਰਿਕਵਰੀ 1
ਉੱਤਰਾਖੰਡ           - ਕੁੱਲ ਕੇਸ 1, ਰਿਕਵਰੀ 0

ਸਿਹਤ ਮੰਤਰਾਲੇ ਨੇ ਅੱਜ ਚੋਣ ਕਮਿਸ਼ਨ ਨਾਲ ਮੀਟਿੰਗ ਕੀਤੀ

ਕੋਰੋਨਾ ਦੇ ਨਵੇਂ ਰੂਪ ਓਮੀਕ੍ਰੋਨ (Omicron) ਦੇ ਫੈਲਣ ਦਾ ਖ਼ਤਰਾ ਲਗਾਤਾਰ ਵਧਦਾ ਜਾ ਰਿਹਾ ਹੈ। ਇਸ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਅੱਜ ਕੇਂਦਰੀ ਚੋਣ ਕਮਿਸ਼ਨ ਦੀ ਇੱਕ ਅਹਿਮ ਮੀਟਿੰਗ ਹੋ ਰਹੀ ਹੈ। ਇਸ ਮੀਟਿੰਗ ਵਿੱਚ ਕੇਂਦਰੀ ਸਿਹਤ ਸਕੱਤਰ ਵੀ ਸ਼ਿਰਕਤ ਕਰਨਗੇ, ਜੋ ਕੇਂਦਰੀ ਚੋਣ ਕਮਿਸ਼ਨ ਨੂੰ  ਓਮੀਕ੍ਰੋਨ ਦੇ ਖਤਰੇ ਅਤੇ ਇਸ ਬਾਰੇ ਹੁਣ ਤੱਕ ਦੀ ਜਾਣਕਾਰੀ ਤੋਂ ਜਾਣੂ ਕਰਵਾਉਣਗੇ। ਚੋਣ ਕਮਿਸ਼ਨ ਅੱਜ ਸਵੇਰੇ ਕਰੀਬ 11 ਵਜੇ ਕੇਂਦਰੀ ਸਿਹਤ ਸਕੱਤਰ ਨਾਲ ਇਹ ਮੀਟਿੰਗ ਕਰੇਗਾ। ਮੀਟਿੰਗ ਵਿੱਚ ਰੈਲੀਆਂ ’ਤੇ ਪਾਬੰਦੀ ਲਾਉਣ ਦਾ ਫੈਸਲਾ ਲਿਆ ਜਾ ਸਕਦਾ ਹੈ।

Also Read : Omicron ਦੇ ਕਹਿਰ ਵਿਚਾਲੇ ਦਿੱਲੀ 'ਚ ਅੱਜ ਤੋਂ ਲੱਗੇਗਾ ਨਾਈਟ ਕਰਫਿਊ

ਅੱਜ ਤੋਂ ਦਿੱਲੀ ਵਿੱਚ ਰਾਤ ਦਾ ਕਰਫਿਊ

ਓਮੀਕ੍ਰੋਨ ਦੇ ਵਧਦੇ ਮਾਮਲਿਆਂ ਦੇ ਵਿਚਕਾਰ, ਰਾਜਧਾਨੀ ਦਿੱਲੀ ਵਿੱਚ ਅੱਜ ਰਾਤ 11 ਵਜੇ ਤੋਂ ਸਵੇਰੇ 5 ਵਜੇ ਤੱਕ ਰਾਤ ਦਾ ਕਰਫਿਊ ਰਹੇਗਾ। ਤੇਜ਼ੀ ਨਾਲ ਵੱਧ ਰਹੇ ਕੋਰੋਨਾ ਮਾਮਲਿਆਂ ਦੇ ਮੱਦੇਨਜ਼ਰ ਦਿੱਲੀ ਸਰਕਾਰ ਨੇ ਇਹ ਫੈਸਲਾ ਲਿਆ ਹੈ। ਵੱਡੀ ਗੱਲ ਇਹ ਹੈ ਕਿ ਅੱਜ ਜਾਰੀ ਕੀਤੇ ਗਏ  ਓਮੀਕ੍ਰੋਨ ਦੇ ਨਵੇਂ ਅੰਕੜਿਆਂ ਵਿੱਚ 142 ਮਾਮਲਿਆਂ ਦੇ ਨਾਲ ਦਿੱਲੀ ਸਭ ਤੋਂ ਉੱਪਰ ਹੈ। ਹਾਲਾਂਕਿ ਦਿੱਲੀ ਵਿੱਚ 23 ਲੋਕ ਠੀਕ ਵੀ ਹੋ ਚੁੱਕੇ ਹਨ।