ਜੈਪੁਰ- ਰਾਜਸਥਾਨ ਦੇ ਡੂੰਗਰਪੁਰ ਜ਼ਿਲੇ ਦੇ ਸੰਗਵਾੜਾ ਇਲਾਕੇ ‘ਚ ਸੋਮਵਾਰ ਸਵੇਰੇ ਦਰੱਖਤ ਨਾਲ ਲਟਕੀ ਮਿਲੀ ਲਾਸ਼ ਬਾਰੇ ਪੁਲਿਸ ਨੇ ਖੁਲਾਸਾ ਕੀਤਾ ਹੈ। ਖੁਲਾਸੇ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਲੜਕੀ ਨਾਲ ਪਹਿਲਾਂ ਜਬਰ-ਜ਼ਨਾਹ ਕੀਤਾ ਗਿਆ ਅਤੇ ਫਿਰ ਸਿਰ ਵਿੱਚ ਪੱਥਰ ਮਾਰ ਕੇ ਦਰੱਖਤ ਨਾਲ ਲਟਕਾ ਦਿੱਤਾ ਗਿਆ। ਦਰਅਸਲ ਮ੍ਰਿਤਕ ਲੜਕੀ ਦੀ ਮੰਗਣੀ ਹੋ ਚੁੱਕੀ ਸੀ ਅਤੇ ਉਹ ਆਪਣੇ ਮੰਗੇਤਰ ਨਾਲ ਗੱਲਾਂ ਕਰਦੀ ਸੀ। ਅਜਿਹੇ ‘ਚ ਦੋਸ਼ੀ ਨੌਜਵਾਨ ਮੁਕੇਸ਼ ਨਨੋਮਾ ਜੋ ਕਿ ਲੜਕੀ ਨੂੰ ਇਕਤਰਫਾ ਪਿਆਰ ਕਰਦਾ ਸੀ, ਇਸ ਗੱਲ ‘ਤੇ ਗੁੱਸੇ ‘ਚ ਰਹਿੰਦਾ ਸੀ ਅਤੇ ਇਸੇ ਕਾਰਨ ਉਸ ਨੇ ਲੜਕੀ ਦਾ ਕਤਲ ਕਰ ਦਿੱਤਾ। ਨੌਜਵਾਨ ਨੇ ਲੜਕੀ ਨੂੰ ਮਾਰਨ ਤੋਂ ਪਹਿਲਾਂ ਕਿਹਾ ਕਿ ‘ਜੇ ਤੂੰ ਮੇਰੀ ਨਹੀਂ ਹੋ ਸਕਦੀ ਤਾਂ ਮੈਂ ਕਿਸੇ ਹੋਰ ਦੀ ਨਹੀਂ ਹੋਣ ਦਿਆਂਗਾ।’
Also Read: ਸੌਰਵ ਗਾਂਗੁਲੀ ਤੋਂ ਬਾਅਦ ਬੇਟੀ ਸਣੇ ਪਰਿਵਾਰ ਦੇ 4 ਮੈਂਬਰ ਹੋਏ ਕਰੋਨਾ ਪਾਜ਼ੇਟਿਵ
ਐੱਸਪੀ ਸੁਧੀਰ ਜੋਸ਼ੀ ਨੇ ਦੱਸਿਆ ਕਿ ਸਿਰ ਵਿੱਚ ਸੱਟ ਲੱਗਣ ਕਾਰਨ ਮਾਮਲਾ ਕਤਲ ਦਾ ਸਾਹਮਣੇ ਆਇਆ ਹੈ। ਪੁਲਿਸ ਟੀਮ 20 ਘੰਟਿਆਂ ਵਿੱਚ ਮੁਲਜ਼ਮਾਂ ਤੱਕ ਪਹੁੰਚ ਗਈ। ਮੁਲਜ਼ਮ ਨੇ ਪੁੱਛਗਿੱਛ ਦੌਰਾਨ ਦੱਸਿਆ ਕਿ ਉਹ ਪਿਛਲੇ ਕਾਫੀ ਸਮੇਂ ਤੋਂ ਲੜਕੀ ਨਾਲ ਪਿਆਰ ਕਰਦਾ ਸੀ। ਇੱਕ ਦਿਨ ਪਤਾ ਲੱਗਾ ਕਿ ਉਸਦੀ ਮੰਗਣੀ ਹੋ ਗਈ ਹੈ ਅਤੇ ਜਦੋਂ ਉਸ ਨੂੰ ਪਤਾ ਲੱਗਿਆ ਕਿ ਉਹ ਉਸ ਲੜਕੇ ਨਾਲ ਗੱਲ ਕਰਦੀ ਹੈ ਤਾਂ ਉਸਨੂੰ ਗੁੱਸਾ ਆ ਗਿਆ। ਇਸ ਤੋਂ ਬਾਅਦ ਉਸ ਨੇ ਯੋਜਨਾ ਬਣਾਈ ਕਿ ਉਸ ਨੂੰ ਖੂਹ ‘ਚ ਧੱਕਾ ਦੇ ਕੇ ਮਾਰ ਦੇਵਾਂਗਾ। ਉਸ ਨੇ ਲੜਕੀ ਨੂੰ ਘਰੇ ਬੁਲਾ ਕੇ ਘਰ ਤੋਂ ਕੁਝ ਦੂਰ ਖੇਤ ਵਿਚ ਲੈ ਗਿਆ। ਉਹ ਖੂਹ ਦੇ ਨੇੜੇ ਨਹੀਂ ਗਈ, ਜਿਸ ਕਾਰਨ ਇਹ ਯੋਜਨਾ ਸਫਲ ਨਹੀਂ ਹੋ ਸਕੀ। ਫਿਰ ਉਸ ਨਾਲ ਬਲਾਤਕਾਰ ਕੀਤਾ ਅਤੇ ਉਸ ਦੇ ਸਿਰ ‘ਤੇ ਪੱਥਰ ਮਾਰਿਆ। ਇਸ ਤੋਂ ਬਾਅਦ ਉਸ ਨੇ ਇਸ ਨੂੰ ਆਪਣੇ ਮਫਲਰ ਨਾਲ ਦਰੱਖਤ ‘ਤੇ ਟੰਗ ਦਿੱਤਾ।
सम्बंधित ख़बरें
Also Read: ਪਾਲਤੂ ਕੁੱਤੇ ਨੇ 9 ਸਾਲਾ ਬੱਚੀ ‘ਤੇ ਕੀਤਾ ਹਮਲਾ, ਵੀਡੀਓ ਵਾਇਰਲ ਹੋਣ ‘ਤੇ ਮਾਲਕ ਗ੍ਰਿਫਤਾਰ
ਦੋਸ਼ੀ ਨੇ ਕਿਹਾ ਕਿ ਫਾਂਸੀ ਤੋਂ ਬਾਅਦ ਉਹ ਜ਼ਿੰਦਾ ਤਾਂ ਨਹੀਂ ਸੀ, ਇਸ ਦੀ ਜਾਂਚ ਕਰਨ ਲਈ ਉਸ ਨੇ ਲੜਕੀ ‘ਤੇ ਪੱਥਰ ਵੀ ਸੁੱਟੇ। ਜਦੋਂ ਉਸ ਦੀ ਲਾਸ਼ ਨਾ ਹਿੱਲੀ ਤਾਂ ਸਮਝਿਆ ਗਿਆ ਕਿ ਉਹ ਮਰ ਚੁੱਕੀ ਹੈ। ਫਿਰ ਉਥੋਂ ਉਹ ਘਰ ਚਲਾ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਲੜਕੀ ਮਜ਼ਦੂਰੀ ਦਾ ਕੰਮ ਕਰਦੀ ਸੀ। ਐਤਵਾਰ ਸ਼ਾਮ ਨੂੰ ਮਜ਼ਦੂਰੀ ਕਰ ਕੇ ਪਰਤੀ ਅਤੇ ਛੋਟੇ ਭਰਾ ਲਈ ਖਾਣਾ ਬਣਾਇਆ। ਲੜਕੀ ਦਾ ਵੱਡਾ ਭਰਾ ਬਾਈਕ ਲੈ ਕੇ ਦੂਜੇ ਪਿੰਡ ਗਿਆ ਹੋਇਆ ਸੀ। ਜਦੋਂ ਵੱਡਾ ਭਰਾ ਅਤੇ ਮਾਂ ਪਹੁੰਚੇ ਤਾਂ ਲੜਕੀ ਨਹੀਂ ਮਿਲੀ ਅਤੇ ਅਗਲੇ ਦਿਨ ਉਨ੍ਹਾਂ ਨੂੰ ਦਰੱਖਤ ਨਾਲ ਲਟਕਣ ਦੀ ਸੂਚਨਾ ਮਿਲੀ।
Also Read: ਹਿੰਦੂ ਵਪਾਰੀ ਦਾ ਪਾਕਿਸਤਾਨ ਦੇ ਸਿੰਧ ’ਚ ਗੋਲੀ ਮਾਰ ਕੇ ਕਤਲ