ਮਹਾਰਾਸ਼ਟਰ ਤੋਂ ਬਾਅਦ ਰਾਜਥਾਨ 'ਚ ਮਿਲੇ ਓਮੀਕ੍ਰੋਨ ਦੇ 9 ਮਾਮਲੇ

ਨਵੀਂ ਦਿੱਲੀ : ਰਾਜ ਦੇ ਸਿਹਤ ਵਿਭਾਗ ਦੇ ਅਨੁਸਾਰ, ਐਤਵਾਰ ਨੂੰ ਰਾਜਸਥਾਨ ਦੇ ਜੈਪੁਰ (Jaipur) ਵਿੱਚ ਕੋਵਿਡ -19 ਦੇ ਓਮੀਕ੍ਰੋਨ ਵੇਰੀਐਂਟ (Omicron Variant) ਦੇ 9  ਕੇਸ ਸਾਹਮਣੇ ਆਏ ਹਨ।ਮਹਾਰਾਸ਼ਟਰ ਦੇ ਪੁਣੇ ਜ਼ਿਲ੍ਹੇ ਵਿੱਚ, ਸੱਤ ਲੋਕ, ਜਿਨ੍ਹਾਂ ਵਿੱਚ ਤਿੰਨ ਨਾਈਜੀਰੀਆ ਦੇ ਸਨ, ਨਵੇਂ ਰੂਪ ਨਾਲ ਸੰਕਰਮਿਤ ਪਾਏ ਗਏ ਸਨ।ਸੰਕਰਮਿਤ ਲੋਕਾਂ ਵਿੱਚ ਇੱਕ 44 ਸਾਲਾ ਔਰਤ ਅਤੇ ਉਸ ਦੀਆਂ 18 ਅਤੇ 12 ਸਾਲ ਦੀਆਂ ਦੋ ਧੀਆਂ ਸ਼ਾਮਲ ਹਨ, ਜੋ ਕਿ 24 ਨਵੰਬਰ ਨੂੰ ਨਾਈਜੀਰੀਆ ਦੇ ਲਾਗੋਸ ਤੋਂ ਪਿੰਪਰੀ-ਚਿੰਚਵਾੜ (Pimpri-Chinchwad) ਵਿੱਚ ਆਪਣੇ ਭਰਾ ਨੂੰ ਮਿਲਣ ਆਈਆਂ ਸਨ।

Also Read : ਮੁੱਖ ਮੰਤਰੀ ਨੇ ਟਿੱਪਰ ਵਾਲੇ ਨੂੰ ਪੁੱਛਿਆ, 'ਸਹੁੰ ਖਾ ਕੇ ਦੱਸ ਰੇਤ ਕਿੰਨੇ ਨੂੰ ਵਿਕਦੀ ਹੈ'

45 ਸਾਲਾ ਭਰਾ ਅਤੇ ਉਸ ਦੀਆਂ ਢਾਈ ਸਾਲਾ ਅਤੇ ਸੱਤ ਸਾਲ ਦੀਆਂ ਧੀਆਂ ਵੀ ਓਮੀਕ੍ਰੋਨ ਨਾਲ ਸੰਕਰਮਿਤ ਪਾਈਆਂ ਗਈਆਂ।ਇਸ ਤੋਂ ਇਲਾਵਾ, ਇੱਕ 47 ਸਾਲਾ ਵਿਅਕਤੀ, ਜਿਸ ਨੇ ਹਾਲ ਹੀ ਵਿੱਚ ਫਿਨਲੈਂਡ ਦੀ ਯਾਤਰਾ ਕੀਤੀ ਸੀ, ਉਹ ਵੀ ਓਮੀਕ੍ਰੋਨ ਪਾਜ਼ੀਟਿਵ (Omicron Positive) ਪਾਇਆ ਗਿਆ ਹੈ। ਪਾਜ਼ੀਟਿਵ ਪਾਏ ਗਏ ਵਿਅਕਤੀਆਂ ਵਿੱਚੋਂ ਚਾਰ ਦਾ ਪੂਰੀ ਤਰ੍ਹਾਂ ਟੀਕਾਕਰਨ ਕੀਤਾ ਗਿਆ ਹੈ, ਜਦਕਿ ਬਾਕੀ ਤਿੰਨ ਨਾਬਾਲਗ ਹਨ। 

Also Read : ਫੇਸਬੁੱਕ 'ਤੇ ਚੋਰੀ-ਚੋਰੀ ਕੌਣ ਦੇਖਦਾ ਹੈ ਤੁਹਾਡੀ ਪ੍ਰੋਫਾਈਲ, ਇਸ ਤਰ੍ਹਾਂ ਕਰੋ ਪਤਾ

ਇਸ ਦੇ ਨਾਲ, ਮਹਾਰਾਸ਼ਟਰ (Maharashtra) ਵਿੱਚ ਓਮੀਕ੍ਰੋਨ  ਦੀ ਗਿਣਤੀ ਅੱਠ ਹੋ ਗਈ ਹੈ ਅਤੇ ਭਾਰਤ ਵਿੱਚ ਓਮੀਕ੍ਰੋਨ ਪਾਜ਼ੀਟਿਵ ਮਾਮਲਿਆਂ ਦੀ ਗਿਣਤੀ 21 ਹੋ ਗਈ ਹੈ। ਮਹਾਰਾਸ਼ਟਰ ਅਤੇ ਰਾਜਸਥਾਨ ਤੋਂ ਇਲਾਵਾ, ਦਿੱਲੀ ਵਿੱਚ ਐਤਵਾਰ ਨੂੰ ਕੋਰੋਨਾਵਾਇਰਸ ਦੇ  ਓਮੀਕ੍ਰੋਨ ਵੇਰੀਐਂਟ ਦਾ ਪਹਿਲਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਤੋਂ ਪਹਿਲਾਂ ਮਹਾਰਾਸ਼ਟਰ ਦੇ ਡੋਂਬੀਵਲੀ, ਗੁਜਰਾਤ ਦੇ ਜਾਮਨਗਰ ਅਤੇ ਕਰਨਾਟਕ ਵਿੱਚ ਦੋ ਮਾਮਲੇ ਸਾਹਮਣੇ ਆਏ ਸਨ।