LPG Cylinders : ਵੱਧ ਗਈਆਂ ਸਿਲੰਡਰਾਂ ਦੀਆਂ ਕੀਮਤਾਂ

Lpg Cylinders Price : ਅੱਜ 1 ਅਗਸਤ ਤੋਂ LPG ਸਿਲੰਡਰ ਦੀਆਂ ਕੀਮਤਾਂ ‘ਚ ਬਦਲਾਅ ਕੀਤਾ ਗਿਆ ਹੈ। ਬਜਟ ਤੋਂ ਬਾਅਦ ਐਲਪੀਜੀ ਸਿਲੰਡਰ ਦੇ ਰੇਟ ਵਧ ਗਏ ਹਨ। ਤੇਲ ਮਾਰਕੀਟਿੰਗ ਪੈਟਰੋਲੀਅਮ ਕੰਪਨੀਆਂ ਨੇ ਐਲਪੀਜੀ ਸਿਲੰਡਰ ਦੀ ਕੀਮਤਾਂ ਵਿਚ 8.50 ਰੁਪਏ ਤਕ ਦਾ ਵਾਧਾ ਕੀਤਾ ਹੈ। 1 ਅਗਸਤ ਤੋਂ ਦਿੱਲੀ ਵਿੱਚ ਐਲਪੀਜੀ ਸਿਲੰਡਰ 6.50 ਰੁਪਏ, ਕੋਲਕਾਤਾ ਵਿੱਚ 8.50 ਰੁਪਏ, ਮੁੰਬਈ ਵਿੱਚ 7 ਰੁਪਏ ਅਤੇ ਪਟਨਾ ਵਿੱਚ 8 ਰੁਪਏ ਮਹਿੰਗਾ ਹੋ ਗਿਆ ਹੈ। ਇਹ ਵਾਧਾ ਸਿਰਫ਼ 19 ਕਿਲੋ ਦੇ ਕਮਰਸ਼ੀਅਲ ਸਿਲੰਡਰ ਵਿੱਚ ਹੋਇਆ ਹੈ। ਇਹ ਵਾਧਾ ਸਿਰਫ ਕਮਰਸ਼ੀਅਲ ਸਿਲੰਡਰ ਦੀਆਂ ਕੀਮਤਾਂ ਵਿਚ ਹੋਇਆ ਹੈ।
ਦਿੱਲੀ ‘ਚ 1 ਅਗਸਤ ਯਾਨੀ ਅੱਜ ਤੋਂ 1652.5 ਰੁਪਏ ‘ਚ ਕਮਰਸ਼ੀਅਲ ਸਿਲੰਡਰ ਮਿਲੇਗਾ। ਇੰਡੇਨ ਦੇ ਇਸ ਸਿਲੰਡਰ ਦੀ ਕੀਮਤ 1 ਜੁਲਾਈ ਨੂੰ 1646 ਰੁਪਏ ਸੀ। ਇਸ ‘ਚ 6.50 ਰੁਪਏ ਦਾ ਮਾਮੂਲੀ ਵਾਧਾ ਹੋਇਆ ਹੈ। ਇੱਥੇ ਘਰੇਲੂ ਰਸੋਈ ਗੈਸ ਸਿਲੰਡਰ ਦੇ ਰੇਟ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਇੱਥੇ ਹੁਣ ਵੀ 14 ਕਿਲੋ ਦੇ ਸਿਲੰਡਰ ਦੀ ਕੀਮਤ ਸਿਰਫ 803 ਰੁਪਏ ਹੈ। ਇਸ ਦੇ ਨਾਲ ਹੀ 10 ਕਿਲੋ ਦਾ ਕੰਪੋਜ਼ਿਟ ਐਲਪੀਜੀ ਸਿਲੰਡਰ 574.5 ਰੁਪਏ ਵਿੱਚ ਉਪਲਬਧ ਹੈ।
ਚੇਨਈ ਵਿੱਚ ਵੀ ਐਲਪੀਜੀ ਸਿਲੰਡਰ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ ਹੈ। ਹੁਣ ਇੱਥੇ ਵਪਾਰਕ ਐਲਪੀਜੀ ਸਿਲੰਡਰ 1817 ਰੁਪਏ ਵਿੱਚ ਮਿਲੇਗਾ। ਪਹਿਲਾਂ ਇਹ 1809.50 ਰੁਪਏ ਸੀ। 
ਜੇਕਰ ਕੋਲਕਾਤਾ ਦੀ ਗੱਲ ਕਰੀਏ ਤਾਂ ਇੱਥੇ ਘਰੇਲੂ ਰਸੋਈ ਗੈਸ ਸਿਲੰਡਰ 829 ਰੁਪਏ ਦੀ ਪੁਰਾਣੀ ਕੀਮਤ ‘ਤੇ ਮਿਲ ਰਿਹਾ ਹੈ ਪਰ ਕਮਰਸ਼ੀਅਲ ਸਿਲੰਡਰ ਮਹਿੰਗਾ ਹੋ ਗਿਆ ਹੈ। ਅੱਜ ਤੋਂ ਇਹ 1756 ਰੁਪਏ ਦੀ ਬਜਾਏ 1764.5 ਰੁਪਏ ਵਿੱਚ ਮਿਲੇਗਾ। ਇੱਥੇ ਇਸ 19 ਕਿਲੋ ਦੇ ਸਿਲੰਡਰ ਦੀ ਕੀਮਤ ਵਿੱਚ 8.50 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ। ਇੱਥੇ 10 ਕਿਲੋ ਦੇ ਕੰਪੋਜ਼ਿਟ ਸਿਲੰਡਰ ਦੀ ਕੀਮਤ 593 ਰੁਪਏ ਹੈ।
ਅੱਜ 1 ਅਗਸਤ ਤੋਂ ਮੁੰਬਈ ‘ਚ ਘਰੇਲੂ ਰਸੋਈ ਗੈਸ ਸਿਲੰਡਰ ਸਿਰਫ 802.50 ਰੁਪਏ ‘ਚ ਮਿਲੇਗਾ। ਜਦਕਿ 19 ਕਿਲੋ ਦੇ ਨੀਲੇ ਸਿਲੰਡਰ ਦੀ ਕੀਮਤ 1605 ਰੁਪਏ ਹੋ ਗਈ ਹੈ। ਇਸ ਵਿੱਚ ਸੱਤ ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ। ਪਹਿਲਾਂ ਇਹ 1598 ਰੁਪਏ ਸੀ।
ਪਟਨਾ ਵਿੱਚ ਅੱਜ 14.2 ਕਿਲੋ ਦਾ ਇੰਡੇਨ ਐਲਪੀਜੀ ਸਿਲੰਡਰ 901 ਰੁਪਏ ਵਿੱਚ ਮਿਲ ਰਿਹਾ ਹੈ। ਜਦਕਿ 19 ਕਿਲੋ ਦੇ ਕਮਰਸ਼ੀਅਲ ਸਿਲੰਡਰ ਦੀ ਕੀਮਤ 1915.5 ਰੁਪਏ ਦੀ ਬਜਾਏ 1923.5 ਰੁਪਏ ਹੋ ਗਈ ਹੈ। ਗੁਜਰਾਤ ਦੇ ਅਹਿਮਦਾਬਾਦ ਵਿੱਚ ਹੁਣ 19 ਕਿਲੋ ਦਾ ਨੀਲਾ ਸਿਲੰਡਰ 1665 ਰੁਪਏ ਦੀ ਬਜਾਏ 1671.50 ਰੁਪਏ ਵਿੱਚ ਮਿਲੇਗਾ। ਜਦੋਂ ਕਿ 14 ਕਿਲੋ ਦੇ ਘਰੇਲੂ LPG ਲਾਲ LPG ਗੈਸ ਸਿਲੰਡਰ ਦੀ ਕੀਮਤ ਸਿਰਫ 810 ਰੁਪਏ ਹੈ।