ਚਲਦੇ ਸ਼ੋਅ ਵਿਚ ਗਾਇਕ ਪਰਮੀਸ਼ ਵਰਮਾ ਨੇ ਆਪਣੇ ਬਾਊਂਸਰ ਦੀ ਕਰ ਦਿੱਤੀ ਝਾੜ ਝੰਬ, ਫੈਨਜ਼ ਦਾ ਜਿੱਤ ਲਿਆ ਦਿਲ

Parmish Verma News : ਪਰਮੀਸ਼ ਵਰਮਾ ਨੇ ਹਾਲ ਹੀ ਵਿੱਚ ਪਿੰਕ ਸਿਟੀ ਜੈਪੁਰ ਵਿੱਚ ਇੱਕ ਲਾਈਵ ਸ਼ੋਅ ਕੀਤਾ। ਇਸ ਸ਼ੋਅ ਨੂੰ ਲੈ ਕੇ ਦਰਸ਼ਕਾਂ ‘ਚ ਕਾਫੀ ਉਤਸ਼ਾਹ ਸੀ। ਪਰਮੀਸ਼ ਵਰਮਾ ਦੇ ਲਾਈਵ ਸ਼ੋਅ ‘ਚ ਵੱਡੀ ਗਿਣਤੀ ‘ਚ ਲੋਕ ਪਹੁੰਚੇ ਹੋਏ ਸਨ ਪਰ ਸ਼ੋਅ ਦੌਰਾਨ ਅਚਾਨਕ ਪਰਮੀਸ਼ ਵਰਮਾ ਗੁੱਸੇ ‘ਚ ਆ ਗਏ ਅਤੇ ਉਨ੍ਹਾਂ ਨੇ ਬਾਊਂਸਰ ਦੀ ਝਾੜ ਝੰਬ ਕਰ ਦਿੱਤੀ।

ਅਸਲ ‘ਚ ਜਦੋਂ ਦਰਸ਼ਕਾਂ ‘ਚ ਮੌਜੂਦ ਬਾਊਂਸਰ ਨੇ ਭੀੜ ‘ਤੇ ਕਾਬੂ ਪਾਉਣ ਲਈ ਸੋਟੀ ਚੁੱਕੀ ਤਾਂ ਗਾਇਕ ਨੇ ਗੁੱਸੇ ‘ਚ ਆ ਕੇ ਬਾਊਂਸਰ ਨੂੰ ਝਿੜਕਿਆ ਅਤੇ ਕਿਹਾ ਕਿ ਤੂੰ ਸੋਟੀ ਕਿਉਂ ਚੁੱਕੀ, ਤੈਨੂੰ ਇਹ ਪਸੰਦ ਨਹੀਂ, ਆਪਣਾ ਕੰਮ ਛੱਡ ਦਿਓ। ਇਸ ਵੀਡੀਓ ਨੂੰ ਸ਼ੋਅ ‘ਚ ਆਏ ਦਰਸ਼ਕਾਂ ਨੇ ਕੈਪਚਰ ਕਰ ਲਿਆ ਅਤੇ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਿਆ। ਪਰਮੀਸ਼ ਵਰਮਾ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ ਅਤੇ ਪ੍ਰਸ਼ੰਸਕ ਵੀ ਇਸ ‘ਤੇ ਪ੍ਰਤੀਕਿਰਿਆ ਦਿੰਦੇ ਨਜ਼ਰ ਆ ਰਹੇ ਹਨ।