ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:- ਆਪਣੀ ਆਰਥਿਕ ਸਥਿਤੀ ਨੂੰ ਬਿਹਤਰ ਬਣਾਉਣ ਅਤੇ ਬਿਜਲੀ ਬਚਾਉਣ ਦੇ ਮੱਦੇਨਜ਼ਰ, ਪਾਵਰਕਾਮ ਸਮਾਰਟ ਮੀਟਰਾਂ ਨੂੰ ਪ੍ਰੀਪੇਡ ਮੀਟਰਾਂ ‘ਚ ਤਬਦੀਲ ਕਰਨ ਦੀ ਤਿਆਰੀ ‘ਚ ਹੈ। ਸਮਾਰਟ ਬਿਜਲੀ ਮੀਟਰਾਂ ਸੰਬੰਧੀ ਟੈਂਡਰ ਵੀ ਖੁੱਲ੍ਹ ਗਏ ਹਨ। ਹੁਣ ਪਾਵਰਕਾਮ ਨੇ ਤਿੰਨ ਮੀਟਰ ਬਣਾਉਣ ਵਾਲੀਆਂ ਕੰਪਨੀਆਂ ਤੋਂ ਟੈਸਟ ਲਈ ਮੀਟਰ ਲੈ ਕੇ ਜਲੰਧਰ ਐਮਈ ਲੈਬਾਰਟਰੀ ਨੂੰ ਭੇਜਿਆ ਹੈ।
ਐਲਐਨਟੀ ਮੈਸੂਰ, ਜੀਨਸ ਦਿੱਲੀ, ਐਚਈਐਸ ਸੋਲਨ ਨੂੰ ਫਰਵਰੀ ਵਿੱਚ ਲੈਬ ਤੋਂ ਰਿਪੋਰਟ ਆਉਣ ਤੋਂ ਬਾਅਦ ਇਨ੍ਹਾਂ ਤਿੰਨਾਂ ਕੰਪਨੀਆਂ ਵਿਚੋਂ ਇਕ ਨੂੰ 96 ਹਜ਼ਾਰ ਸਮਾਰਟ ਮੀਟਰ ਸਪਲਾਈ ਕਰਨ ਦਾ ਠੇਕਾ ਦਿੱਤਾ ਜਾਵੇਗਾ। ਸਮਾਰਟ ਮੀਟਰ ਦੀ ਖਾਸ ਗੱਲ ਇਹ ਹੋਵੇਗੀ ਕਿ, ਮੀਟਰ ‘ਚ ਮੋਡਮ ਲੱਗਿਆ ਹੋਵੇਗਾ, ਤਾਂ ਜੋ ਰੀਡਰ ਨੂੰ ਬਾਰ ਬਾਰ ਪੜ੍ਹਨ ਲਈ ਫੀਲਡ ‘ਚ ਨਾ ਜਾਣਾ ਪਵੇ। ਸਮਾਰਟ ਮੀਟਰ ਪ੍ਰਾਜੈਕਟ ਦੀ ਸ਼ੁਰੂਆਤ ਤੋਂ ਬਾਅਦ, ਪਾਵਰਕਾਮ ਨੂੰ ਵੱਡੀ ਰਾਹਤ ਮਿਲਣ ਵਾਲੀ ਹੈ। ਦੱਸ ਦਈਏ ਪਹਿਲੇ ਪੜਾਅ ਵਿੱਚ, ਪਾਪਾਵਰਕੋਮ ਇਸ ਮੀਟਰ ਨੂੰ ਖੇਤੀਬਾੜੀ ਅਤੇ ਵਪਾਰਕ ਅਤੇ ਸਰਕਾਰੀ ਦਫਤਰਾਂ ਵਿੱਚ ਸਥਾਪਤ ਕਰਨ ਦੀ ਤਿਆਰੀ ‘ਚ ਹੈ, ਬਿਜਲੀ ਬਿੱਲ ਨਾ ਭਰਨ ਨਾਲ ਡਿਫਾਲਟਰਾਂ ਦਾ ਨੁਕਸਾਨ ਹੋਇਆ ਹੈ।
ਰੀਚਾਰਜ ਖਤਮ ਹੋਣ ਤੋਂ ਪਹਿਲਾਂ ਮੀਟਰ ਕਰੇਗਾ ਅਲਰਟ
ਪ੍ਰੀਪੇਡ ਮੀਟਰਾਂ ਵਿੱਚ ਇੱਕ ਮੋਬਾਈਲ ਫੋਨ ਦੀ ਤਰ੍ਹਾਂ ਇੱਕ ਕੀਪੈਡ ਵੀ ਹੋਵੇਗਾ। ਇਕ ਰਿਚਾਰਜ ਕੂਪਨ ਪਾਵਰਕਾਮ ਦਫ਼ਤਰ ਤੋਂ ਉਪਲਬਧ ਹੋਵੇਗਾ। ਮੀਟਰ ਵਿੱਚ ਸੀਰੀਅਲ ਨੰਬਰ ਭਰਦੇ ਹੀ ਬਿਜਲੀ ਚਾਲੂ ਹੋ ਜਾਵੇਗੀ। ਮੀਟਰ ਰਿਚਾਰਜ ਖਤਮ ਹੋਣ ਤੋਂ ਦੋ ਦਿਨ ਪਹਿਲਾਂ ਅਲਰਟ ਦੇਣਾ ਸ਼ੁਰੂ ਕਰ ਦੇਵੇਗਾ। ਮੀਟਰ ਜਿਸ ਦਿਨ ਅਲਰਟ ਦੇਵੇਗਾ ਉਸ ਤੋਂ ਇੱਕ ਦਿਨ ਬਾਅਦ ਰੀਚਾਰਜ ਨਾ ਕਰਾਉਂਣ ਦੀ ਸੂਰਤ ‘ਚ ਤੁਹਾਡੇ ਘਰ ਦੀ ਬਿਜਲੀ ਸਪਲਾਈ ਬੰਦ ਹੋ ਜਾਵੇਗੀ। ਇਸ ਦਾ ਸਿੱਧਾ ਸੰਪਰਕ ਪਾਵਰਕਾਮ ਦਫ਼ਤਰ ਵਿੱਚ ਹੋਵੇਗਾ।