ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:– ਪੰਜਾਬ ਵਿੱਚ ਪਿਛਲੇ ਕਈ ਦਿਨ ਤੋਂ ਤੇਜ਼ ਮੀਂਹ ਤੇ ਝੱਖੜ ਦੇ ਕਾਰਨ ਕਿਸਾਨਾਂ ਦੇ ਲਈ ਆਫਤ ਬਣ ਗਈ। ਦਸ ਦਈਏ ਕਿ ਚੰਡੀਗੜ੍ਹ ਸਮੇਤ ਪੰਜਾਬ ਦੇ ਵੱਖ ਵੱਖ ਇਲਾਕਿਆਂ ਚ ਭਾਰੀ ਮੀਂਹ ਦੇ ਨਾਲ ਨਾਲ ਗੜ੍ਹਮਾਰੀ ਹੋਈ।
ਜਿਸ ਕਾਰਨ ਇਹ ਬਾਰਿਸ਼ ਉਹਨਾਂ ਦੇ ਆਫਤ ਸਾਬਿਤ ਹੋਈ ਕਿਉਂਕਿ ਖੇਤਾਂ ਚ ਕਿਸਾਨ ਦੀ ਖੂਨ ਪਸੀਨੇ ਦੇ ਨਾਲ ਉਗਾਈ ਕਣਕ ਦੀ ਫਸਲ ਪਾਣੀ ‘ਚ ਰੁੜ ਗਈ ਜਿਸ ਕਾਰਨ ਕਿਸਾਨਾਂ ਦਾ ਭਾਰੀ ਨੁਕਸਾਨ ਹੋਇਆ।
ਲਗਾਤਾਰ ਪਏ ਮੀਂਹ ਤੇ ਝੱਖੜ ਨੇ ਕਿਸਾਨਾਂ ਨੂੰ ਚਿੰਤਾ ਚ ਡੋਬ ਦਿੱਤਾ ਕਿਉਂਕਿ ਇਸ ਦੌਰਾਨ ਕਣਕ ਦੀ ਕਟਾਈ ਇਸ ਵੇਲੇ ਪੂਰੇ ਜੋਬਨ ਤੇ ਸੀ ਪਰ ਮੀਂਹ ਨੇ ਕਿਸਾਨਾਂ ਦੀ ਖੁਸ਼ੀ ਨੂੰ ਗਮ ਚ ਬਦਲ ਦਿੱਤਾ।