ਨਵੀਂ ਦਿੱਲੀ- Google Chrome ਉਪਭੋਗਤਾਵਾਂ ਲਈ ਇੱਕ ਚੇਤਾਵਨੀ ਜਾਰੀ ਕੀਤੀ ਗਈ ਹੈ। ਭਾਰਤ ਸਰਕਾਰ ਦੀ ਏਜੰਸੀ ਨੇ ਇਸ ਸਬੰਧੀ ਚੇਤਾਵਨੀ ਦਿੱਤੀ ਹੈ। ਕੰਪਿਊਟਰ ਐਮਰਜੈਂਸੀ ਰਿਸਪਾਂਸ ਟੀਮ (CERT-In) ਨੇ ਵੀ Google Chrome ਸਮੇਤ ਕੁਝ Mozilla ਉਤਪਾਦਾਂ ਬਾਰੇ ਚੇਤਾਵਨੀ ਜਾਰੀ ਕੀਤੀ ਹੈ।
Also Read: ਧਰਨਾ ਕਰ ਰਹੇ ਕਾਂਗਰਸੀਆਂ ‘ਤੇ CM ਮਾਨ ਦਾ ਵਾਰ, ਕਿਹਾ-‘ਰਿਸ਼ਵਤ ਇਨ੍ਹਾਂ ਦੇ ਖੂਨ ‘ਚ ਹੈ’
CERT-In ਨੇ ਦੱਸਿਆ ਹੈ ਕਿ ਕ੍ਰੋਮ ਅਤੇ ਮੋਜ਼ੀਲਾ ਦੇ ਕੁਝ ਪ੍ਰੋਡਕਟਸ ‘ਚ ਖਰਾਬੀ ਕਾਰਨ ਹੈਕਰਸ ਯੂਜ਼ਰਸ ਦੇ ਡਾਟਾ ਤੱਕ ਪਹੁੰਚ ਕਰ ਸਕਦੇ ਹਨ। ਇਸਦੇ ਕਾਰਨ, ਉਹ ਸਾਰੇ ਸੁਰੱਖਿਆ ਤੰਤਰ ਨੂੰ ਬਾਈਪਾਸ ਕਰ ਸਕਦੇ ਹਨ ਅਤੇ ਮਨਮਾਨੇ ਕੋਡਾਂ ਨੂੰ ਚਲਾ ਸਕਦੇ ਹਨ।
सम्बंधित ख़बरें
CERT-In ਨੇ ਇਨ੍ਹਾਂ ਖਾਮੀਆਂ ਨੂੰ ਉੱਚ-ਜੋਖਮ ਵਜੋਂ ਪਛਾਣਿਆ ਹੈ। ਇਸ ਵਿੱਚ Chrome OS ਵਰਜਨ 96.0.4664.209 ਤੋਂ ਪਹਿਲਾਂ ਦੇ ਸੰਸਕਰਣ ਸ਼ਾਮਲ ਹਨ। ਤਕਨੀਕੀ ਦਿੱਗਜ ਗੂਗਲ ਨੇ ਕਿਹਾ ਕਿ ਉਸ ਨੇ ਇਨ੍ਹਾਂ ਸਾਰੀਆਂ ਖਾਮੀਆਂ ਦਾ ਪਤਾ ਲਗਾ ਲਿਆ ਹੈ ਅਤੇ ਉਨ੍ਹਾਂ ਨੂੰ ਠੀਕ ਕਰ ਲਿਆ ਹੈ।
ਕੰਪਨੀ ਨੇ ਯੂਜ਼ਰਸ ਨੂੰ ਲੇਟੈਸਟ ਕ੍ਰੋਮ OS ਵਰਜ਼ਨ ਨੂੰ ਡਾਊਨਲੋਡ ਕਰਨ ਲਈ ਕਿਹਾ ਹੈ ਤਾਂ ਜੋ ਉਹ ਇਨ੍ਹਾਂ ਬਗਸ ਤੋਂ ਸੁਰੱਖਿਅਤ ਰਹਿ ਸਕਣ। ਇਸ ਤੋਂ ਇਲਾਵਾ ਸੀਈਆਰਟੀ-ਇਨ ਨੇ ਮੋਜ਼ੀਲਾ ਫਾਇਰਫਾਕਸ ਆਈਓਐਸ ਵਰਜ਼ਨ 101 ਤੋਂ ਪਹਿਲਾਂ, ਮੋਜ਼ੀਲਾ ਫਾਇਰਫਾਕਸ ਥੰਡਰਬਰਡ ਵਰਜਨ 91.10 ਤੋਂ ਪਹਿਲਾਂ, ਮੋਜ਼ੀਲਾ ਫਾਇਰਫਾਕਸ ਈਐੱਸਆਰ ਵਰਜਨ 91.10 ਤੋਂ ਪਹਿਲਾਂ ਅਤੇ ਮੋਜ਼ੀਲਾ ਫਾਇਰਫਾਕਸ 101 ਤੋਂ ਪਹਿਲਿਆਂ ਵਿੱਚ ਖਾਮੀਆਂ ਦੀ ਚੇਤਾਵਨੀ ਦਿੱਤੀ ਹੈ।
Also Read: ਮਹਿਮਾ ਚੌਧਰੀ ਨੂੰ ਹੋਇਆ ਬ੍ਰੈਸਟ ਕੈਂਸਰ, ਸੁਣਾਈ ਦਰਦ ਭਰੀ ਕਹਾਣੀ
ਮੋਜ਼ੀਲਾ ਨੇ ਇਹਨਾਂ ਸਾਰੀਆਂ ਖਾਮੀਆਂ ਨੂੰ ਹਾਈ ਰੇਟ ਕੀਤਾ ਹੈ। ਇਨ੍ਹਾਂ ਖਾਮੀਆਂ ਦੇ ਕਾਰਨ ਰਿਮੋਟ ਹਮਲਾਵਰ ਸੁਰੱਖਿਆ ਪਾਬੰਦੀਆਂ ਨੂੰ ਬਾਈਪਾਸ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ ਉਹ ਸੰਵੇਦਨਸ਼ੀਲ ਜਾਣਕਾਰੀ ਲੈ ਕੇ ਆਰਬਿਟਰੇਰੀ ਕੋਡ ਨੂੰ ਚਲਾ ਸਕਦੇ ਹਨ। ਹੈਕਰ ਟਾਰਗੇਟ ਸਿਸਟਮ ‘ਤੇ ਵੀ ਹਮਲਾ ਕਰ ਸਕਦੇ ਹਨ।
ਮੋਜ਼ੀਲਾ ਨੇ ਇਸ ਸਬੰਧੀ ਅਪਡੇਟ ਜਾਰੀ ਕੀਤੀ ਹੈ। ਇਸ ਤੋਂ ਬਚਣ ਲਈ ਉਪਭੋਗਤਾਵਾਂ ਨੂੰ ਮੋਜ਼ੀਲਾ ਫਾਇਰਫਾਕਸ ਆਈਓਐਸ 101, ਮੋਜ਼ੀਲਾ ਫਾਇਰਫਾਕਸ ਥੰਡਰਬਰਡ ਵਰਜਨ 91.10, ਮੋਜ਼ੀਲਾ ਫਾਇਰਫਾਕਸ ਈਐਸਆਰ ਵਰਜਨ 91.10, ਅਤੇ ਮੋਜ਼ੀਲਾ ਫਾਇਰਫਾਕਸ ਵਰਜਨ 101 ਨੂੰ ਡਾਊਨਲੋਡ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।