ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:– ਫਤਿਹਵੀਰ ਨੂੰ ਬਚਾਉਣ ਲਈ ਹਰ ਇਕ ਸੰਭਵ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਦਸ ਦਈਏ ਕਿ ਫਤਿਹਵੀਰ ਨੂੰ ਬਚਾਉਣ ਦਾ ਕੰਮ ਲਗਾਤਾਰ ਜਾਰੀ ਹੈ ਜਿਸ ਦੇ ਚੱਲਦੇ ਚਾਰ ਰਾਤਾਂ ਤੋਂ ਬਾਅਦ ਪੰਜਵਾ ਦਿਨ ਵੀ ਚੜ੍ਹ ਪਿਆ ਹੈ। ਇਕ ਨੰਨ੍ਹੀ ਜੀ ਜਾਨ ਪਿਛਲੇ 90 ਘੰਟਿਆਂ ਤੋਂ ਭੁੱਖੀ ਪਿਆਸੀ 150 ਫੁੱਟ ਬੋਰਵੈੱਲ ‘ਚ ਹੈ ਬਿਨ੍ਹਾਂ ਪਾਣੀ ਤੇ ਖਾਣੇ ਤੋਂ। ਇਸ ਤੋਂ ਇਲਾਵਾ ਦੱਸਿਆ ਜਾ ਰਿਹਾ ਹੈ ਕਿ ਫਤਿਹਵੀਰ ਨੂੰ ਬਚਾਉਣ ਦੇ ਰਸਤੇ ਚ ਇਕ ਨਵੀਂ ਮੁਸਿਬਤ ਖੜੀ ਹੋ ਗਈ।
ਜੀ ਹਾਂ ਮਿਲੀ ਜਾਣਕਾਰੀ ਦੇ ਅਨੁਸਾਰ ਫਤਿਹਵੀਰ ਨੂੰ ਬਾਹਰ ਕੱਢਣ ਲਈ ਨਵੇਂ ਪੁੱਟੇ ਗਏ ਸੁਰੰਗ ਦੀ ਦਿਸ਼ਾ ਗਲਤ ਹੋ ਗਈ ਹੈ। ਜਿਵੇਂ ਹੀ NDRF ਵੱਲੋਂ ਸੁਰੰਗ ਪੁੱਟੀ ਗਈ ਤਾਂ ਸੁਰੰਗ ਦੀ ਦਿਸ਼ਾ ਗਲਤ ਹੋ ਕਾਰਨ NDRF ਟੀਮ ਲਈ ਇਕ ਹੋਰ ਨਵੀਂ ਮੁਸਿਬਤ ਖੜੀ ਹੋ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਬੋਰਵੈੱਲ ਤੇ ਸੁਰੰਗ ਦੀ ਦੂਰੀ ਕਾਫੀ ਘੱਟ ਸੀ ਪਰ ਫਿਰ ਵੀ ਟੀਮ ਦੁਆਰਾ ਸੁਰੰਗ ਪੁੱਟੀ ਜਾਣ ਦੇ ਮਗਰੋਂ ਵੀ ਫਤਿਹਵੀਰ ਵਾਲੀ ਪਾਇਪ ਨਾ ਲੱਭਿਆ ਗਿਆ।
ਫਿਲਹਾਲ ਹੁਣ ਸਮਾਜਸੇਵੀਆਂ ਵੱਲੋਂ ਬਚਾਅ ਵਾਲਾ ਬੋਰ ਪੁੱਟਣਗੇ ਤੇ ਸੁਰੰਗ ਦੀ ਸਹੀ ਦਿਸ਼ਾ ਲੱਭਣਗੇ। ਇਸ ਤੋਂ ਬਾਅਦ ਲੋਹੇ ਦਾ ਜੰਗਲਾ ਲੱਭਿਆ ਜਾਵੇਗਾ ਤੇ ਫਿਰ ਫਤਿਹਵੀਰ ਨੂੰ ਬਚਾਇਆ ਜਾਵੇਗਾ। ਜਿਸ ਕਾਰਨ ਇਸ ਸਾਰੇ ਕਾਰਜ ਨੂੰ ਹਾਲੇ ਸਮਾਂ ਲੱਗ ਸਕਦਾ ਹੈ ਤੇ ਫਤਿਹਵੀਰ ਨੂੰ ਬਾਹਰ ਕੱਢਣ ਚ ਅਜੇ ਵੀ ਸਮਾਂ ਲੱਗ ਸਕਦਾ ਹੈ।