ਆਰਿਅਨ ਡਰੱਗਜ਼ ਮਾਮਲੇ 'ਚ ਗਵਾਹ ਕਿਰਨ ਗੋਸਾਵੀ ਗ੍ਰਿਫਤਾਰ, ਪੁਣੇ ਪੁਲਿਸ ਨੇ ਧੋਖਾਧੜੀ ਦੇ ਮਾਮਲੇ 'ਚ ਕੀਤਾ ਗ੍ਰਿਫਤਾਰ

ਮੁੰਬਈ : ਬਾਲੀਵੁੱਡ ਅਭਿਨੇਤਾ ਸ਼ਾਹਰੁਖ ਖਾਨ ਦੇ ਬੇਟੇ  ਆਰਿਅਨ ਖਾਨ ਦੇ ਕਰੂਜ਼ ਡਰੱਗਜ਼ ਮਾਮਲੇ ਦੇ ਗਵਾਹ ਕੇਪੀ ਗੋਸਾਵੀ ਨੂੰ ਪੁਣੇ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ਹੈ। ਕੇਪੀ ਗੋਸਾਵੀ ਪਿਛਲੇ ਕਈ ਦਿਨਾਂ ਤੋਂ ਫਰਾਰ ਸਨ। ਕੇਪੀ ਗੋਸਾਵੀ ਨੂੰ ਮਹਾਰਾਸ਼ਟਰ ਦੇ ਪੁਣੇ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਗੋਸਾਵੀ ਖ਼ਿਲਾਫ਼ ਪੁਣੇ ਵਿੱਚ ਧੋਖਾਧੜੀ ਦਾ ਕੇਸ ਵੀ ਦਰਜ ਹੈ। ਗੋਸਾਵੀ ਦੀ ਗ੍ਰਿਫਤਾਰੀ ਨੂੰ ਲੈ ਕੇ ਪੁਣੇ ਪੁਲਿਸ 11.30 ਵਜੇ ਪ੍ਰੈੱਸ ਕਾਨਫਰੰਸ ਕਰੇਗੀ।

Also Read : ਦੇਸ਼ 'ਚ ਪਿਛਲੇ 24 ਘੰਟਿਆਂ 'ਚ ਸਾਹਮਣੇ ਆਏ ਕੋਰੋਨਾ ਦੇ 16 ਹਜ਼ਾਰ ਤੋਂ ਵਧੇਰੇ ਮਾਮਲੇ, 733 ਦੀ ਮੌਤ

ਕੇਪੀ ਗੋਸਾਵੀ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ ਪੁਣੇ ਪੁਲਿਸ ਨੇ ਕਿਹਾ ਹੈ ਕਿ ਗੋਸਾਵੀ ਨੇ ਆਤਮ ਸਮਰਪਣ ਨਹੀਂ ਕੀਤਾ ਹੈ। ਅਸੀਂ ਆਪਣੀ ਖੁਫੀਆ ਸੂਚਨਾ ਦੇ ਆਧਾਰ 'ਤੇ ਉਸ ਨੂੰ ਗ੍ਰਿਫਤਾਰ ਕੀਤਾ ਹੈ। ਵਿਦੇਸ਼ 'ਚ ਨੌਕਰੀ ਦਿਵਾਉਣ ਦਾ ਝਾਂਸਾ ਦੇ ਕੇ ਲੱਖਾਂ ਨੌਜਵਾਨਾਂ ਨੂੰ ਠੱਗਣ ਦੇ ਦੋਸ਼ 'ਚ ਕਿਰਨ ਗੋਸਾਵੀ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਹੈ। ਇਸ ਮਾਮਲੇ ਤੋਂ ਬਾਅਦ ਹੁਣ ਮਹਾਰਾਸ਼ਟਰ 'ਚ ਗੋਸਾਵੀ ਖਿਲਾਫ ਧੋਖਾਧੜੀ ਅਤੇ ਹੋਰ ਦੋਸ਼ਾਂ 'ਚ ਦਰਜ ਮਾਮਲਿਆਂ ਦੀ ਗਿਣਤੀ ਚਾਰ ਹੋ ਗਈ ਹੈ।

Also Read : ਸਿੰਘੂ ਬਾਰਡਰ ਕਤਲਕਾਂਡ : ਲਖਬੀਰ ਦੇ ਸਮਰਥਨ 'ਚ ਆਏ ਕਿਸਾਨਾਂ 'ਤੇ ਪੁਲਿਸ ਨੇ ਕੀਤਾ ਲਾਠੀਚਾਰਜ

ਕੇਪੀ ਗੋਸਾਵੀ ਦੇ ਕਥਿਤ ਬਾਡੀਗਾਰਡ ਪ੍ਰਭਾਕਰ ਨੇ ਕੀਤੇ ਸਨ ਖੁਲਾਸੇ  

ਧਿਆਨ ਯੋਗ ਹੈ ਕਿ ਹਾਲ ਹੀ 'ਚ ਡਰੱਗਜ਼ ਮਾਮਲੇ ਦੇ ਮੁੱਖ ਗਵਾਹ ਪ੍ਰਭਾਕਰ ਸੈਲ ਨੇ ਕੇਪੀ ਗੋਸਾਵੀ 'ਤੇ ਆਰੀਅਨ ਨੂੰ ਛੱਡਣ ਲਈ 'ਸੌਦਾ' ਕਰਨ ਦਾ ਦੋਸ਼ ਲਗਾਇਆ ਸੀ। ਪ੍ਰਭਾਕਰ ਸਾਲ ਆਪਣੀ ਪਛਾਣ ਕੇਪੀ ਗੋਸਾਵੀ ਦੇ ਬਾਡੀਗਾਰਡ ਵਜੋਂ ਕਰਦਾ ਹੈ। ਪ੍ਰਭਾਕਰ ਸੈਲ ਨੇ ਦਾਅਵਾ ਕੀਤਾ ਸੀ ਕਿ ਉਹ ਕਰੂਜ਼ ਪਾਰਟੀ ਦੇ ਛਾਪੇ ਦੌਰਾਨ ਗੋਸਾਵੀ ਦੇ ਨਾਲ ਸੀ। ਪ੍ਰਭਾਕਰ ਨੇ ਖੁਲਾਸਾ ਕੀਤਾ ਸੀ ਕਿ ਕੇਪੀ ਗੋਸਾਵੀ 25 ਕਰੋੜ ਰੁਪਏ ਦੀ ਫੋਨ ਕਾਲ ਸ਼ੁਰੂ ਕਰਕੇ 18 ਕਰੋੜ 'ਚ ਸੌਦਾ ਤੈਅ ਕਰਨ ਲਈ ਸੈਮ ਨਾਮ ਦੇ ਵਿਅਕਤੀ ਨਾਲ ਗੱਲ ਕਰ ਰਿਹਾ ਸੀ। ਕੇਪੀ ਗੋਸਾਵੀ ਨੇ ਐਨਸੀਬੀ ਦੇ ਜ਼ੋਨਲ ਡਾਇਰੈਕਟਰ ਸਮੀਰ ਵਾਨਖੇੜੇ ਨੂੰ 8 ਕਰੋੜ ਰੁਪਏ ਦੇਣ ਦੀ ਗੱਲ ਵੀ ਕੀਤੀ ਸੀ।

Also Read : ਟਿਕਰੀ ਬਾਰਡਰ 'ਤੇ ਵਾਪਰਿਆ ਦਰਦਨਾਕ ਹਾਦਸਾ, ਤਿੰਨ ਅੰਦੋਲਨਕਾਰੀ ਮਹਿਲਾਵਾਂ ਦੀ ਹੋਈ ਮੌਤ

ਗੋਸਾਵੀ ਦੀ ਆਰੀਅਨ ਨਾਲ ਸੈਲਫੀ ਵਾਇਰਲ ਹੋ ਗਈ ਹੈ

ਕਿਰਨ ਗੋਸਾਵੀ ਦਾ ਨਾਂ ਸਭ ਤੋਂ ਪਹਿਲਾਂ ਕਰੂਜ਼ ਡਰੱਗ ਮਾਮਲੇ ਤੋਂ ਬਾਅਦ ਸਾਹਮਣੇ ਆਇਆ ਜਦੋਂ ਉਸ ਨੇ ਸ਼ਾਹਰੁਖ ਖਾਨ ਦੇ ਬੇਟੇ ਆਰੀਅਨ ਨਾਲ ਆਪਣੀ ਤਸਵੀਰ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੀ। ਉਸ ਸਮੇਂ ਬਹੁਤ ਸਾਰੇ ਲੋਕ ਸੋਚਦੇ ਸਨ ਕਿ ਉਹ NCB ਦਾ ਅਧਿਕਾਰੀ ਹੈ। ਐਨਸੀਬੀ ਨੇ ਬਾਅਦ ਵਿੱਚ ਸਪੱਸ਼ਟ ਕੀਤਾ ਕਿ ਉਹ ਇੱਕ ਪ੍ਰਾਈਵੇਟ ਜਾਸੂਸ ਹੈ ਅਤੇ ਇੱਕ ਪਲੇਸਮੈਂਟ ਏਜੰਸੀ ਦਾ ਮਾਲਕ ਹੈ ਅਤੇ ਕਰੂਜ਼ ਕੇਸ ਵਿੱਚ 10 ਸੁਤੰਤਰ ਗਵਾਹਾਂ ਵਿੱਚੋਂ ਇੱਕ ਹੈ।