BB15 ਫਿਨਾਲੇ 'ਚ ਸਿਧਾਰਥ ਸ਼ੁਕਲਾ ਦੀ ਯਾਦ 'ਚ ਰੋ ਪਈ ਸ਼ਹਿਨਾਜ਼, ਸਲਮਾਨ ਖਾਨ ਵੀ ਹੋਏ ਭਾਵੁੱਕ

ਮੁੰਬਈ- ਸਲਮਾਨ ਖਾਨ ਦੇ ਮਸ਼ਹੂਰ ਸ਼ੋਅ ਬਿੱਗ ਬੌਸ 15 ਦਾ ਫਿਨਾਲੇ ਜਲਦੀ ਹੀ ਸ਼ੁਰੂ ਹੋਣ ਜਾ ਰਿਹਾ ਹੈ। ਇੱਕ ਲੰਮਾ ਸਫ਼ਰ ਆਪਣੇ ਅੰਤ ਵੱਲ ਵਧ ਗਿਆ ਹੈ। ਸ਼ੋਅ ਨਾਲ ਜੁੜੀਆਂ ਖੱਟੀਆਂ-ਮਿੱਠੀਆਂ ਯਾਦਾਂ ਨੂੰ ਤਾਜ਼ਾ ਕੀਤਾ ਜਾ ਰਿਹਾ ਹੈ। ਪਰ ਕੁਝ ਕਹਾਣੀਆਂ ਅਜਿਹੀਆਂ ਹੁੰਦੀਆਂ ਹਨ ਜਿਨ੍ਹਾਂ ਨੂੰ ਸਮੇਟਣਾ ਬਹੁਤ ਮੁਸ਼ਕਲ ਹੁੰਦਾ ਹੈ। ਸਾਲ 2021 ਬਿੱਗ ਬੌਸ ਲਈ ਵੱਡਾ ਝਟਕਾ ਲੈ ਕੇ ਆਇਆ ਹੈ। ਬਿੱਗ ਬੌਸ 13 ਦੇ ਜੇਤੂ ਅਤੇ ਲੋਕਾਂ ਦੇ ਚਹੇਤੇ ਸਿਧਾਰਥ ਸ਼ੁਕਲਾ ਦਾ ਦਿਲ ਦਾ ਦੌਰਾ ਪੈਣ ਕਾਰਨ ਦੇਹਾਂਤ ਹੋ ਗਿਆ। ਹੁਣ ਸ਼ੋਅ ਦੇ ਫਿਨਾਲੇ 'ਚ ਸਿਧਾਰਥ ਨੂੰ ਖਾਸ ਸ਼ਰਧਾਂਜਲੀ ਦਿੱਤੀ ਜਾਵੇਗੀ। ਇਸ ਮੌਕੇ ਸ਼ਹਿਨਾਜ਼ ਗਿੱਲ ਵੀ ਸ਼ਿਰਕਤ ਕਰੇਗੀ। ਸ਼ੋਅ ਦਾ ਨਵਾਂ ਪ੍ਰੋਮੋ ਸਾਹਮਣੇ ਆਇਆ ਹੈ, ਜਿਸ 'ਚ ਸਲਮਾਨ ਖਾਨ ਅਤੇ ਸ਼ਹਿਨਾਜ਼ ਕਾਫੀ ਭਾਵੁੱਕ ਨਜ਼ਰ ਆ ਰਹੇ ਹਨ।

Also Read: ਪੈਗਾਸਸ 'ਤੇ ਨਿਊਯਾਰਕ ਟਾਈਮਜ਼ ਦੇ ਦਾਅਵੇ 'ਤੇ ਬੋਲੇ ਰਾਹੁਲ ਗਾਂਧੀ- ਮੋਦੀ ਸਰਕਾਰ ਨੇ ਕੀਤਾ ਦੇਸ਼ਧ੍ਰੋਹ

ਬਿੱਗ ਬੌਸ ਵੱਲੋਂ ਸਿਧਾਰਥ ਨੂੰ ਸ਼ਰਧਾਂਜਲੀ
ਕਲਰਸ ਟੀਵੀ ਨੇ ਇੰਸਟਾਗ੍ਰਾਮ 'ਤੇ ਬਿੱਗ ਬੌਸ 15 ਦਾ ਇੱਕ ਨਵਾਂ ਪ੍ਰੋਮੋ ਸਾਂਝਾ ਕੀਤਾ ਹੈ ਜਿਸ ਵਿੱਚ ਇਹ ਦੇਖਿਆ ਜਾ ਸਕਦਾ ਹੈ ਕਿ ਕਿਵੇਂ ਸਲਮਾਨ ਖਾਨ ਸ਼ੋਅ ਦੇ ਸਾਬਕਾ ਪ੍ਰਤੀਯੋਗੀ ਅਤੇ ਸਿਧਾਰਥ ਦੀ ਖਾਸ ਦੋਸਤ ਸ਼ਹਿਨਾਜ਼ ਗਿੱਲ ਦਾ ਸਵਾਗਤ ਕਰ ਰਹੇ ਹਨ। ਸਲਮਾਨ ਖਾਨ ਨੂੰ ਦੇਖਦੇ ਹੀ ਸ਼ਹਿਨਾਜ਼ ਕਾਫੀ ਭਾਵੁੱਕ ਹੋ ਜਾਂਦੀ ਹੈ। ਉਹ ਆਪਣੇ ਆਪ ਨੂੰ ਰੋਕ ਨਹੀਂ ਸਕੀ ਅਤੇ ਸਲਮਾਨ ਨੂੰ ਗਲੇ ਲਗਾ ਕੇ ਰੋਣ ਲੱਗ ਜਾਂਦੀ ਹੈ। ਸਲਮਾਨ ਵੀ ਕਾਫੀ ਭਾਵੁੱਕ ਨਜ਼ਰ ਆ ਰਹੇ ਹਨ ਅਤੇ ਆਪਣੇ ਹੰਝੂ ਰੋਕ ਨਹੀਂ ਸਕੇ। ਦੋਵੇਂ ਬਹੁਤ ਭਾਵੁੱਕ ਹਨ। ਵੀਡੀਓ 'ਚ ਸ਼ਹਿਨਾਜ਼ ਸਲਮਾਨ ਨੂੰ ਦੱਸਦੀ ਨਜ਼ਰ ਆ ਰਹੀ ਹੈ ਕਿ ਸਲਮਾਨ ਨੂੰ ਦੇਖ ਕੇ ਉਹ ਭਾਵੁੱਕ ਹੋ ਗਈ। ਦੋਵੇਂ ਸਿਧਾਰਥ ਨੂੰ ਯਾਦ ਕਰ ਰਹੇ ਹਨ।

Also Read: PUBG ਦੀ ਆਦਤ ਕਾਰਨ ਆਪਣੇ ਹੀ ਪਰਿਵਾਰ ਦੇ 4 ਮੈਂਬਰਾਂ ਦੀ ਕੀਤੀ ਹੱਤਿਆ, ਦੇਸ਼ 'ਚ ਉੱਠੀ ਬੈਨ ਦੀ ਮੰਗ

ਬਿੱਗ ਬੌਸ ਦੇ ਫਿਨਾਲੇ 'ਚ ਸਿਧਾਰਥ ਨੂੰ ਖਾਸ ਤਰੀਕੇ ਨਾਲ ਟ੍ਰਿਬਿਊਟ ਦਿੱਤਾ ਜਾਵੇਗਾ। ਇਸ ਦੌਰਾਨ ਸ਼ਹਿਨਾਜ਼ ਗਿੱਲ ਵੀ ਪਰਫਾਰਮ ਕਰੇਗੀ ਅਤੇ ਆਪਣੇ ਖਾਸ ਦੋਸਤ ਸਿਧਾਰਥ ਨੂੰ ਸ਼ਰਧਾਂਜਲੀ ਦੇਵੇਗੀ। ਉਹ ਸੁਨ ਰੇ ਫਕੀਰਾ ਗੀਤ 'ਤੇ ਡਾਂਸ ਕਰ ਰਹੀ ਹੈ। ਵੀਡੀਓ ਦੇ ਨਾਲ ਕੈਪਸ਼ਨ 'ਚ ਲਿਖਿਆ ਹੈ ਕਿ- ਸ਼ਹਿਨਾਜ਼ ਗਿੱਲ ਫਿਰ ਤੋਂ ਬਿੱਗ ਬੌਸ ਦੇ ਮੰਚ 'ਤੇ ਰੌਸ਼ਨ ਕਰਨ ਆਈ ਹੈ। ਦੇਖੋ ਸਲਮਾਨ ਖਾਨ ਵੀ ਉਨ੍ਹਾਂ ਦੇ ਆਉਣ ਨਾਲ ਕਿੰਨੇ ਭਾਵੁੱਕ ਹੋਏ ਹਨ।

Also Read: ਪਾਕਿਸਤਾਨ ’ਚ ਛੱਤ ਡਿੱਗਣ ਕਾਰਨ ਇਕ ਬੱਚੇ ਸਮੇਤ 4 ਲੋਕਾਂ ਦੀ ਮੌਤ

ਇਹ 6 ਪ੍ਰਤੀਯੋਗੀ ਫਾਈਨਲ 'ਚ ਪਹੁੰਚੇ
ਬਿੱਗ ਬੌਸ 15 ਦੀ ਗੱਲ ਕਰੀਏ ਤਾਂ ਸ਼ੋਅ ਦੇ ਫਿਨਾਲੇ ਵਿੱਚ 6 ਪ੍ਰਤੀਯੋਗੀ ਪਹੁੰਚ ਚੁੱਕੇ ਹਨ। ਇਸ ਵਿੱਚ ਪ੍ਰਤੀਕ ਸਹਿਜਪਾਲ, ਸ਼ਮਿਤਾ ਸ਼ੈੱਟੀ, ਨਿਸ਼ਾਂਤ ਭੱਟ, ਕਰਨ ਕੁੰਦਰਾ, ਤੇਜਸਵੀ ਪ੍ਰਕਾਸ਼ ਅਤੇ ਰਸ਼ਮੀ ਦੇਸਾਈ ਦੇ ਨਾਮ ਸ਼ਾਮਲ ਹਨ। ਸ਼ੋਅ ਨੂੰ ਲੈ ਕੇ ਫੈਨ ਪੇਜ ਵਲੋਂ ਕਈ ਅਪਡੇਟਸ ਵੀ ਸਾਹਮਣੇ ਆ ਰਹੇ ਹਨ। ਤਾਜ਼ਾ ਰਿਪੋਰਟਾਂ ਮੁਤਾਬਕ ਰਸ਼ਮੀ ਦੇਸਾਈ ਨੂੰ ਸ਼ੋਅ 'ਚ ਸਭ ਤੋਂ ਘੱਟ ਵੋਟ ਮਿਲੇ ਹਨ। ਇਸ ਤੋਂ ਇਲਾਵਾ ਨਿਸ਼ਾਂਤ ਭੱਟ ਨੇ ਵੀ ਮਨੀ ਬੈਗ ਨਾਲ ਟਰਾਫੀ ਦੀ ਦੌੜ ਤੋਂ ਦੂਰੀ ਬਣਾ ਲਈ ਹੈ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਇਸ 'ਚ ਕਿੰਨੀ ਸੱਚਾਈ ਹੈ।