ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:- ਟ੍ਰਾਈਸਿਟੀ ‘ਚ ਵੀ ਕੋਰੋਨਾ ਵਾਇਰਸ ਦਾਖਿਲ ਹੋ ਗਿਆ ਹੈ। ਇਸ ਦਾ ਪਹਿਲਾ ਸ਼ੱਕੀ ਮਰੀਜ ਮੁਹਾਲੀ ‘ਚ ਮੀਲਿਆ ਹੈ, ਜਿਸਨੂੰ ਪੀਜੀਆਈ, ਚੰਡੀਗੜ੍ਹ ਰੈਫਰ ਕੀਤਾ ਗਿਆ ਹੈ। ਮਰੀਜ਼ ਇਕ ਹਫ਼ਤੇ ਪਹਿਲਾਂ ਚੀਨ ਤੋਂ ਵਾਪਸ ਆਇਆ ਸੀ। ਸੋਮਵਾਰ ਨੂੰ ਉਸ ਨੂੰ ਸਿਰ ਦਰਦ ਅਤੇ ਹੋਰ ਸ਼ਿਕਾਇਤਾਂ ਕਾਰਨ ਪੀਜੀਆਈ ਭੇਜਿਆ ਗਿਆ ਸੀ। ਉਥੇ ਉਸ ਦਾ ਇਲਾਜ ਚੱਲ ਰਿਹਾ ਹੈ। ਦੂਜੇ ਪਾਸੇ, ਸੀਐਮ ਨੇ ਮੁਹਾਲੀ ਏਅਰਪੋਰਟ ‘ਤੇ ਚੀਨ ਤੋਂ ਆਉਣ ਵਾਲੇ ਯਾਤਰੀਆਂ ਦੀ ਜਾਂਚ ਦੇ ਵੀ ਆਦੇਸ਼ ਦਿੱਤੇ ਹਨ।
ਇੱਕ ਹਫ਼ਤਾ ਪਹਿਲਾਂ ਚੀਨ ਤੋਂ ਵਾਪਸ ਆਏ ਵਿਅਕਤੀ ਦਾ ਸਿਰ ਦਰਦ ਅਤੇ ਸਾਹ ਲੈਂਣ ਵਿੱਚ ਮੁਸ਼ਕਲ ਆਉਂਣ ਕਾਰਨ ਪੀਜੀਆਈ ਰੈਫ਼ਰ ਕੀਤਾ ਗਿਆ ਸੀ। ਸਪੈਸ਼ਲ ਵਾਰਡ ਵਿੱਚ ਉਸ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਇਸ ਸਮੇਂ, ਮਰੀਜ਼ ਦੀ ਸਥਿਤੀ ਆਮ ਹੈ। ਹਾਲਾਂਕਿ, ਮਾਮਲੇ ਦੀ ਗੰਭੀਰਤਾ ਕਾਰਨ, ਡਾਕਟਰਾਂ ਨੇ ਕੋਈ ਜੋਖਮ ਨਹੀਂ ਲਿਆ ਹੈ।
ਮੁਹਾਲੀ ਦੇ ਸਿਵਲ ਸਰਜਨ ਡਾ. ਮਨਜੀਤ ਸਿੰਘ ਨੇ ਦੱਸਿਆ ਕਿ, ਇੱਕ ਵਿਅਕਤੀ ਹਫ਼ਤਾ ਪਹਿਲਾਂ ਚੀਨ ਤੋਂ ਵਾਪਸ ਆਇਆ ਸੀ। ਸੋਮਵਾਰ ਨੂੰ ਉਸਨੂੰ ਸਿਰ ਦਰਦ, ਸਾਂਹ ਲੈਣ ਵਿੱਚ ਦਿੱਕਤ ਅਤੇ ਹੋਰ ਸਮੱਸਿਆਵਾਂ ਕਾਰਨ ਸਾਵਧਾਨੀ ਵਜੋਂ ਪੀਜੀਆਈ ਚੰਡੀਗੜ੍ਹ ਰੈਫਰ ਕੀਤਾ ਗਿਆ, ਜਿੱਥੇ ਉਸ ਦੀ ਬਾਰੀਕੀ ਨਾਲ ਜਾਂਚ ਕੀਤੀ ਜਾ ਰਹੀ ਹੈ। ਮਰੀਜ਼ ਵਿੱਚ ਹਾਲੇ ਤੱਕ ਅਧਿਕਾਰਤ ਤੌਰ ‘ਤੇ ਕੋਰੋਨਵਾਇਰਸ ਦੀ ਪੁਸ਼ਟੀ ਨਹੀਂ ਕੀਤੀ ਗਈ ਹੈ।
ਕੋਰੋਨਾਵਾਇਰਸ ਦੀ ਗੰਭੀਰਤਾ ਨੂੰ ਵੇਖਦਿਆਂ ਸੀਐਮ ਕੈਪਟਨ ਅਮਰਿੰਦਰ ਸਿੰਘ ਨੇ ਮੁਹਾਲੀ ਹਵਾਈ ਅੱਡੇ ‘ਤੇ ਚੀਨ ਤੋਂ ਆਉਣ ਵਾਲੇ ਯਾਤਰੀਆਂ ਦੀ ਜਾਂਚ ਦੇ ਆਦੇਸ਼ ਦਿੱਤੇ ਹਨ। ਇਸ ਤੋਂ ਬਾਅਦ ਮੁਹਾਲੀ ਹਵਾਈ ਅੱਡੇ ‘ਤੇ ਕੋਰੋਨਾਵਾਇਰਸ ਦੀ ਮੁਢਲੀ ਜਾਂਚ ਵੀ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਥੇ ਸਿਵਲ ਸਰਜਨ ਨੇ ਦੱਸਿਆ ਕਿ, ਚੀਨ ਤੋਂ ਆਉਣ ਵਾਲੇ ਲੋਕਾਂ ਨੂੰ ਭਾਰਤ ਸਰਕਾਰ ਦੀ ਗਾਈਡ ਲਾਈਨ ਦੇ ਹੇਠਾਂ ਨਿਗਰਾਨੀ ਹੇਠ 28 ਦਿਨਾਂ ਲਈ ਅਜਿਹੇ ਸਾਰੇ ਲੋਕਾਂ ਨਿਯਮਤ ਜਾਂਚ ਲਈ ਬੁਲਾਇਆ ਜਾ ਰਿਹਾ ਹੈ।
ਏਅਰਪੋਰਟ ‘ਤੇ ਖਾਸ ਪ੍ਰਬੰਧ …
ਏਅਰਪੋਰਟ ‘ਤੇ ਇਕ ਵੱਖਰਾ ਕਮਰਾ ਤਿਆਰ ਕਰਨ ਲਈ ਕਿਹਾ ਗਿਆ ਹੈ ਤਾਂ ਜੋ ਅਜਿਹੇ ਸ਼ੱਕੀ ਮਰੀਜ਼ਾਂ ਦੀ ਤੁਰੰਤ ਜਾਂਚ ਕੀਤੀ ਜਾ ਸਕੇ। ਉਸੇ ਸਮੇਂ, ਵੱਖ-ਵੱਖ ਮੀਡੀਆ ਨੂੰ ਇਸਦੇ ਲੱਛਣਾਂ ਬਾਰੇ ਜਾਗਰੂਕ ਕਰਨ ਲਈ ਵੀ ਕਿਹਾ ਗਿਆ ਹੈ, ਕਿਉਂਕਿ ਯਾਤਰਾ ਕਰਨ ਵਾਲਾ ਵਿਅਕਤੀ ਵੀ ਇਸ ਵਾਇਰਸ ਨਾਲ ਪੀੜਤ ਹੋ ਸਕਦਾ ਹੈ। ਦੱਸ ਦਈਏ ਕੋਰੋਨਾਵਾਇਰਸ ਦੇ ਲੱਛਣ ਸਵਾਈਨ ਫਲੂ ਦੇ ਸਮਾਨ ਹਨ। ਇਸ ਲਾਗ ਦੇ ਨਤੀਜੇ ਵਜੋਂ, ਬੁਖਾਰ, ਜ਼ੁਕਾਮ, ਸਾਂਹ ਚੜ੍ਹਨਾ, ਨੱਕ ਵਗਣਾ ਅਤੇ ਗਲਾ ਖਰਾਬ ਹੋਣਾ ਹੁੰਦਾ ਹੈ।
ਕੋਰੋਨਵਾਇਰਸ ਕੀ ਹੈ?
ਕੋਰੋਨਾਵਾਇਰਸ ਵਾਇਰਸਾਂ ਦਾ ਇੱਕ ਵੱਡਾ ਸਮੂਹ ਹੈ, ਜੋ ਕਿ ਇੱਕ ਆਮ ਜ਼ੁਕਾਮ ਤੋਂ ਲੈ ਕੇ ਮਨੁੱਖਾਂ ਵਿੱਚ ਸਾਂਹ ਦੀ ਗੰਭੀਰ ਬਿਮਾਰੀ ਤੱਕ ਦਾ ਹੋ ਸਕਦਾ ਹੈ। ਖੋਜ ਨੇ ਦਰਸਾਇਆ ਹੈ ਕਿ, ਇਹ ਵਾਇਰਸ ਸੱਪਾਂ ਤੋਂ ਲੈ ਕੇ ਇਨਸਾਨਾਂ ਵਿੱਚ ਚਲਾ ਗਿਆ ਹੈ। ਇਹ ਮਨੁੱਖਾਂ ਤੱਕ ਮੀਟ ਦੀਆਂ ਦੁਕਾਨਾਂ, ਪੋਲਟਰੀ ਫਰਮਾਂ, ਸੱਪਾਂ ਅਤੇ ਚਮਗਾਦੜ ਰਾਹੀਂ ਆਇਆ ਹੈ।
ਸਾਵਧਾਨੀ ਵਰਤਣ ਦੀ ਲੋੜ
ਜੇ ਲੱਛਣ ਦਿਖਾਈ ਦਿੰਦੇ ਹਨ ਤਾਂ ਤੁਰੰਤ ਡਾਕਟਰ ਨਾਲ ਸੰਪਰਕ ਕਰੋਉਨ੍ਹਾਂ ਦੇਸ਼ਾਂ ਜਾਂ ਥਾਵਾਂ ‘ਤੇ ਯਾਤਰਾ ਕਰਨ ਤੋਂ ਪਰਹੇਜ਼ ਕਰੋ ਜਿੱਥੇ ਇਹ ਬਿਮਾਰੀ ਫੈਲ ਗਈ ਹੈਜਦੋਂ ਵੀ ਤੁਸੀਂ ਬਾਹਰੋਂ ਘਰ ਆਉਂਦੇ ਹੋ, ਹੱਥਾਂ ਨੂੰ ਚੰਗੀ ਤਰ੍ਹਾਂ ਧੋਵੋ।ਖੰਘ ਜਾਂ ਨਿੱਛ ਆਉਣ ਵੇਲੇ ਆਪਣੇ ਮੂੰਹ ਅਤੇ ਨੱਕ ਨੂੰ ਚੰਗੀ ਤਰ੍ਹਾਂ ਢੱਕ ਲਵੋਆਪਣੇ ਹੱਥਾਅਤੇ ਉਂਗਲਾਂ ਵਾਰ-ਵਾਰ ਅੱਖਾਂ, ਨੱਕ ਅਤੇ ਮੂੰਹ ਨੂੰ ਨਾ ਲਗਾਓਸਰਵਜਨਕ ਟ੍ਰਾਂਸਪੋਰਟ ਵਿੱਚ ਕਿਸੇ ਵੀ ਚੀਜ਼ ਨੂੰ ਛੂਹਣ ਜਾਂ ਹੱਥ ਮਿਲਾਉਣ ਤੋਂ ਪਰਹੇਜ਼ ਕਰੋਚੀਨ ਤੋਂ ਆਉਣ ਵਾਲੇ ਨਾਗਰਿਕਾਂ ‘ਤੇ ਵਿਸ਼ੇਸ਼ ਨਿਗਰਾਨੀ ਰੱਖਣ ਦੀ ਲੋੜ
ਚੰਡੀਗੜ੍ਹ ਪ੍ਰਸ਼ਾਸਨ ਸੁਚੇਤ
ਚੰਡੀਗੜ੍ਹ ਪ੍ਰਸ਼ਾਸਨ ਵਾਇਰਸ ਪ੍ਰਤੀ ਬਹੁਤ ਸੁਚੇਤ ਹੈ। ਯੂਟੀ ਪ੍ਰਸ਼ਾਸਨ ਨੇ ਹੋਟਲ ਸੰਚਾਲਕਾਂ ਨੂੰ ਸਲਾਹਕਾਰੀ ਜਾਰੀ ਕਰਦਿਆਂ ਕਿਹਾ ਕਿ, ਜੇਕਰ ਕੋਈ ਚੀਨ ਤੋਂ ਆਵੇਗਾ ਤਾਂ ਸਿਹਤ ਵਿਭਾਗ ਨੂੰ ਤੁਰੰਤ ਸੂਚਤ ਕੀਤਾ ਜਾਵੇ ।