Gold Price Today: ਸੋਨਾ ਤੇ ਚਾਂਦੀ ਹੋਇਆ ਸਸਤਾ, ਜਾਣੋ ਨਵੀਆਂ ਕੀਮਤਾਂ

Gold Price Today: ਸ਼ੇਅਰ ਬਾਜ਼ਾਰ 'ਚ ਉਤਰਾਅ-ਚੜ੍ਹਾਅ ਦੇ ਵਿਚਕਾਰ ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਵੀ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਤੁਹਾਡੇ ਕੋਲ ਸੋਨੇ ਤੋਂ ਕਮਾਈ ਕਰਨ ਦਾ ਵਧੀਆ ਮੌਕਾ ਹੈ। ਸਰਕਾਰ ਨੇ ਕਿਹਾ ਹੈ ਕਿ ਉਹ ਕਾਰੋਬਾਰੀ ਸਾਲ 2023-24 ਵਿੱਚ ਦੋ ਵਾਰ ਸਾਵਰੇਨ ਗੋਲਡ ਬਾਂਡ ਜਾਰੀ ਕਰੇਗੀ। ਇਹ ਗੋਲਡ ਬਾਂਡ ਪਹਿਲੀ ਵਾਰ 19-23 ਜੂਨ 2023 ਦਰਮਿਆਨ ਅਤੇ ਦੂਜੀ ਵਾਰ 11-15 ਸਤੰਬਰ 2023 ਦਰਮਿਆਨ ਜਾਰੀ ਕੀਤਾ ਜਾਵੇਗਾ।

ਸਰਕਾਰ ਨੇ ਸੂਚਿਤ ਕੀਤਾ ਹੈ ਕਿ ਇਹ ਗੋਲਡ ਬਾਂਡ ਵਪਾਰਕ ਬੈਂਕਾਂ, SHCIL, CCIL, ਡਾਕਘਰਾਂ ਅਤੇ ਸਟਾਕ ਐਕਸਚੇਂਜਾਂ ਰਾਹੀਂ ਜਾਰੀ ਕੀਤੇ ਜਾਣਗੇ। ਛੋਟੇ ਵਿੱਤ ਬੈਂਕ, ਭੁਗਤਾਨ ਬੈਂਕ ਅਤੇ ਖੇਤਰੀ ਗ੍ਰਾਮੀਣ ਬੈਂਕਾਂ ਨੂੰ ਵਪਾਰਕ ਬੈਂਕਾਂ ਦੀ ਸੂਚੀ ਵਿੱਚ ਸ਼ਾਮਲ ਨਹੀਂ ਕੀਤਾ ਜਾਵੇਗਾ।

ਹੀਰਿਆਂ ਦੀ ਬਰਾਮਦ ਘਟੀ 
ਜੀਜੇਈਪੀਸੀ ਦੇ ਅੰਕੜਿਆਂ ਅਨੁਸਾਰ ਮਈ ਮਹੀਨੇ ਦੌਰਾਨ ਕੱਟੇ ਹੋਏ ਹੀਰਿਆਂ ਦੀ ਕੁੱਲ ਬਰਾਮਦ ਵਿੱਚ ਵੱਡੀ ਗਿਰਾਵਟ ਆਈ ਹੈ। ਮਈ ਮਹੀਨੇ 'ਚ ਇਹ ਬਰਾਮਦ 12.17 ਫੀਸਦੀ ਘਟ ਕੇ 1,723.17 ਮਿਲੀਅਨ ਡਾਲਰ ਯਾਨੀ 14,190.28 ਕਰੋੜ ਰੁਪਏ ਰਹਿ ਗਈ ਹੈ। ਇਸ ਤੋਂ ਠੀਕ ਇੱਕ ਸਾਲ ਪਹਿਲਾਂ ਮਈ 2022 ਵਿੱਚ ਕੱਟੇ ਹੋਏ ਹੀਰਿਆਂ ਦੀ ਬਰਾਮਦ 16,156.04 ਕਰੋੜ ਰੁਪਏ ਸੀ।

ਇਸ ਤੋਂ ਵੀ ਵੱਡੀ ਗਿਰਾਵਟ ਪ੍ਰਯੋਗਸ਼ਾਲਾ 'ਚ ਬਣੇ ਹੀਰਿਆਂ ਦੇ ਮਾਮਲੇ 'ਚ ਦੇਖਣ ਨੂੰ ਮਿਲੀ। ਉਨ੍ਹਾਂ ਦਾ ਨਿਰਯਾਤ ਅਪ੍ਰੈਲ-ਮਈ ਦੌਰਾਨ 20.57 ਫੀਸਦੀ ਘੱਟ ਕੇ 236.08 ਮਿਲੀਅਨ ਡਾਲਰ (ਲਗਭਗ 1,985.83 ਕਰੋੜ ਰੁਪਏ) ਰਹਿ ਗਿਆ। ਇੱਕ ਸਾਲ ਪਹਿਲਾਂ ਭਾਵ ਅਪ੍ਰੈਲ-ਮਈ 2022 ਵਿੱਚ, ਉਨ੍ਹਾਂ ਦਾ ਨਿਰਯਾਤ 325.45 ਮਿਲੀਅਨ ਡਾਲਰ (ਲਗਭਗ 2,499.95 ਕਰੋੜ ਰੁਪਏ) ਸੀ।

ਚਾਂਦੀ ਦੇ ਮਾਮਲੇ 'ਚ ਭਾਰੀ ਗਿਰਾਵਟ
ਚਾਂਦੀ ਦੇ ਗਹਿਣਿਆਂ ਦੀ ਬਰਾਮਦ 'ਚ ਸਭ ਤੋਂ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਅਪ੍ਰੈਲ-ਮਈ ਦੌਰਾਨ ਚਾਂਦੀ ਦੇ ਗਹਿਣਿਆਂ ਦਾ ਨਿਰਯਾਤ 68.54 ਫੀਸਦੀ ਘੱਟ ਕੇ 141.10 ਮਿਲੀਅਨ ਡਾਲਰ ਯਾਨੀ ਲਗਭਗ 1,173.25 ਕਰੋੜ ਰੁਪਏ ਰਹਿ ਗਿਆ ਹੈ। ਇਕ ਸਾਲ ਪਹਿਲਾਂ ਉਨ੍ਹਾਂ ਦਾ ਨਿਰਯਾਤ 485.42 ਮਿਲੀਅਨ ਡਾਲਰ ਯਾਨੀ 3,728.88 ਕਰੋੜ ਰੁਪਏ ਸੀ।

ਸਿਰਫ ਸੋਨੇ ਦੇ ਗਹਿਣਿਆਂ ਦੀ ਉਛਾਲ
ਹਾਲਾਂਕਿ, ਇਸ ਮਿਆਦ ਦੇ ਦੌਰਾਨ ਸੋਨੇ ਦੇ ਗਹਿਣਿਆਂ ਦੇ ਨਿਰਯਾਤ ਵਿੱਚ ਤੇਜ਼ੀ ਆਈ ਅਤੇ ਮਈ ਵਿੱਚ ਇਹਨਾਂ ਦੀ ਕੁੱਲ ਬਰਾਮਦ 7.29 ਪ੍ਰਤੀਸ਼ਤ ਵਧ ਕੇ 693.01 ਮਿਲੀਅਨ ਡਾਲਰ ਯਾਨੀ 5,705.32 ਕਰੋੜ ਰੁਪਏ ਤੱਕ ਪਹੁੰਚ ਗਈ। ਇਹ ਇੱਕ ਸਾਲ ਪਹਿਲਾਂ ਭਾਵ ਮਈ 2022 ਵਿੱਚ 687.1 ਮਿਲੀਅਨ ਡਾਲਰ ਯਾਨੀ 5,317.71 ਕਰੋੜ ਰੁਪਏ ਸੀ।