ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:– ਪੰਜਾਬ ਪੁਲਿਸ ਲਗਾਤਾਰ ਗੈਂਗਸਟਰਾਂ ਤੇ ਆਪਣਾ ਸ਼ਿਕੰਜਾ ਕੱਸ ਰਹੀ ਹੈ। ਪੰਜਾਬ ਦੇ ਮਸ਼ਹੁਰ ਗੈਂਗਸਟਰ ਵਿੱਕੀ ਗੌਂਡਰ ਦੇ ਅਕਾਉਂਟਰ ਤੋਂ ਬਾਅਦ ਹਰ ਇਕ ਗੈਂਗਸਟਰ ਦੀ ਜਾਨ ਨੂੰ ਸਿਆਪਾ ਪਇਆ ਹੋਇਆ ਹੈ। ਜਿਸ ਕਾਰਨ ਪੰਜਾਬ ਪੁਲਿਸ ਦੀ ਗੋਲੀ ਤੋਂ ਬਚਣ ਲਈ ਗੈਂਗਸਟਰ ਆਪਣੇ ਹਥਿਆਰ ਪੁਲਿਸ ਅੱਗੇ ਸੁੱਟ ਰਹੇ ਹਨ ਜਾਂ ਫਿਰ ਪੁਲਿਸ ਦੀ ਗ੍ਰਿਫਤ ਚ ਆ ਰਹੇ ਹਨ।
ਗੈਂਗਸਟਰ ਵਿੱਕੀ ਗੌਂਡਰ ਦੇ ਅਕਾਉਂਟਰ ਤੋਂ ਬਾਅਦ ਦੂਜੇ ਗੈਂਗਸਟਰਾਂ ਤੇ ਹੱਥ ਪੈਰ ਫੁਲ ਰਹੇ ਹਨ ਜਿਸ ਕਾਰਨ ਉਹ ਕੁਝ ਇਸ ਤਰ੍ਹਾਂ ਦਾ ਕੰਮ ਕਰ ਰਹੇ ਹਨ ਜਿਸ ਕਾਰਨ ਉਹ ਪੁਲਿਸ ਦੇ ਸ਼ਿਕਜੇ ਚ ਆ ਰਹੇ ਹਨ। ਇਸੇ ਤਰ੍ਹਾਂ ਹੀ ਪੰਜਾਬ ਪੁਲਿਸ ਨੇ ਇਕ ਹੋਰ ਗੈਂਗਸਟਰ ਗਰੁੱਪ ਦੇ 5 ਮੈਂਬਰਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਦਸ ਦਈਏ ਕਿ ਪੰਜਾਬ ਪੁਲਿਸ ਨੇ ਭੋਲਾ ਸ਼ੂਟਰ ਗੈਂਗ ਦੇ 5 ਮੈਂਬਰ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਸ ਤੋਂ ਇਲਾਵਾ ਗੈਂਗਸਟਰ ਤੋਂ ਵੱਡੀ ਗਿਣਤੀ ‘ਚ ਹਥਿਆਰ ਵੀ ਬਰਾਮਦ ਕੀਤੇ ਗਏ ਹਨ।