ਲੰਡਨ : ਬ੍ਰਿਟਿਸ਼ ਅਕੈਡਮੀ ਫਿਲਮ ਅਵਾਰਡਸ (BAFTA) 2026 ਦਾ ਆਯੋਜਨ ਐਤਵਾਰ ਰਾਤ ਲੰਡਨ ਵਿੱਚ ਬਹੁਤ ਹੀ ਸ਼ਾਨੋ-ਸ਼ੌਕਤ ਨਾਲ ਕੀਤਾ ਗਿਆ। ਇਸ ਸਾਲ ਦਾ ਬਾਫਟਾ ਭਾਰਤ ਲਈ ਬੇਹੱਦ ਖ਼ਾਸ ਰਿਹਾ, ਜਿੱਥੇ ਮਣੀਪੁਰੀ ਫਿਲਮ Boong ਨੇ ਕੌਮਾਂਤਰੀ ਮੰਚ ‘ਤੇ ਇਤਿਹਾਸ ਰਚ ਦਿੱਤਾ। ਇਸ ਦੇ ਨਾਲ ਹੀ ਬਾਲੀਵੁੱਡ ਅਦਾਕਾਰਾ ਆਲੀਆ ਭੱਟ ਨੇ ਆਪਣੀ ਖੂਬਸੂਰਤੀ ਅਤੇ ਮਾਂ-ਬੋਲੀ ਹਿੰਦੀ ਰਾਹੀਂ ਵਿਸ਼ਵ ਪੱਧਰ ‘ਤੇ ਸੁਰਖੀਆਂ ਬਟੋਰੀਆਂ।
Boong ਕਈ ਵੱਡੀਆਂ ਫਿਲਮਾਂ ਨੂੰ ਪਛਾੜਿਆ
ਫਰਹਾਨ ਅਖਤਰ ਵੱਲੋਂ ਪ੍ਰੋਡਿਊਸ ਅਤੇ ਲਕਸ਼ਮੀਪ੍ਰਿਆ ਦੇਵੀ ਵੱਲੋਂ ਨਿਰਦੇਸ਼ਿਤ ਫਿਲਮ ‘Boong’ ਨੇ ‘ਬੈਸਟ ਚਿਲਡਰਨ ਐਂਡ ਫੈਮਿਲੀ ਫਿਲਮ’ ਕੈਟੇਗਰੀ ਵਿੱਚ ਸਰਵੋਤਮ ਫਿਲਮ ਦਾ ਐਵਾਰਡ ਜਿੱਤਿਆ। ਇਸ ਰੇਸ ਵਿੱਚ ‘ਬੂੰਗ’ ਨੇ ਫਰੈਂਚ ਫਿਲਮ ‘ਆਰਕੋ’, ਅਮਰੀਕਨ ਫਿਲਮ ‘ਲਿਲੋ ਐਂਡ ਸਟਿੱਚ’ ਅਤੇ ਵਿਸ਼ਵ ਪ੍ਰਸਿੱਧ ‘ਜ਼ੂਟੋਪੀਆ-2’ ਵਰਗੀਆਂ ਵੱਡੀਆਂ ਫਿਲਮਾਂ ਨੂੰ ਮਾਤ ਦਿੱਤੀ। ਫਿਲਮ ਦੇ ਨਿਰਮਾਤਾ ਫਰਹਾਨ ਅਖਤਰ ਵੀ ਇਸ ਇਤਿਹਾਸਕ ਪਲ ਦਾ ਗਵਾਹ ਬਣਨ ਲਈ ਖੁਦ ਉੱਥੇ ਮੌਜੂਦ ਸਨ।
ਆਲੀਆ ਭੱਟ ਨੇ ਇਸ ਤਰ੍ਹਾ ਮੋਹਿਆ ਸਭ ਦਾ ਮਨ
ਭਾਰਤੀ ਸੁਪਰਸਟਾਰ ਆਲੀਆ ਭੱਟ ਇਸ ਵਾਰ ਬਾਫਟਾ ਵਿੱਚ ਬਤੌਰ ‘ਪ੍ਰੈਜ਼ੈਂਟਰ’ ਸ਼ਾਮਲ ਹੋਈ। ਜਦੋਂ ਉਹ ਸਟੇਜ ‘ਤੇ ‘ਸਰਵੋਤਮ ਗੈਰ-ਅੰਗਰੇਜ਼ੀ ਭਾਸ਼ਾ ਦੀ ਫਿਲਮ’ ਦਾ ਐਵਾਰਡ ਦੇਣ ਆਈ, ਤਾਂ ਉਨ੍ਹਾਂ ਨੇ ਆਪਣੀ ਗੱਲ ਦੀ ਸ਼ੁਰੂਆਤ ਹਿੰਦੀ ਵਿੱਚ ਕੀਤੀ। ਅੰਤਰਰਾਸ਼ਟਰੀ ਮੰਚ ‘ਤੇ ਆਲੀਆ ਦਾ ਇਹ ਅੰਦਾਜ਼ ਅਤੇ ਉਨ੍ਹਾਂ ਦੀ ਲੁੱਕ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
सम्बंधित ख़बरें
ਲਿਓਨਾਰਡੋ ਡਿਕੈਪਰੀਓ ਦੀ ਫਿਲਮ ਦਾ ਰਿਹਾ ਦਬਦਬਾ
ਐਵਾਰਡ ਸ਼ੋਅ ਵਿੱਚ ਹਾਲੀਵੁੱਡ ਸਟਾਰ ਲਿਓਨਾਰਡੋ ਡਿਕੈਪਰੀਓ ਦੀ ਐਕਸ਼ਨ ਥ੍ਰਿਲਰ ਫਿਲਮ *‘ਵਨ ਬੈਟਲ ਆਫਟਰ ਅਨਦਰ’* (One Battle After Another) ਸਭ ਤੋਂ ਵੱਡੀ ਜੇਤੂ ਰਹੀ, ਜਿਸ ਨੇ ‘ਸਰਵੋਤਮ ਫਿਲਮ’ ਸਮੇਤ ਕੁੱਲ ਛੇ ਪੁਰਸਕਾਰ ਆਪਣੇ ਨਾਮ ਕੀਤੇ। ਇਸ ਤੋਂ ਇਲਾਵਾ ਸਿਨਰਸ (Sinners) ਅਤੇ ਫ੍ਰੈਂਕਸਟਾਈਨ (Frankenstein) ਦੋਵਾਂ ਨੇ 3-3 ਐਵਾਰਡ ਜਿੱਤੇ।
ਹੋਰ ਖਬਰਾਂ ਪੜ੍ਹਨ ਲਈ ਇੱਥੇ ਕਰੋ ਕਲਿੱਕ
BAFTA 2026 Award : ਮਣੀਪੁਰੀ ਫਿਲਮ ‘Boong’ ਨੇ BAFTA 2026 ਅਵਾਰਡ ਜਿੱਤ ਕੇ ਰਚਿਆ ਇਤਿਹਾਸ
ਖ਼ਬਰਾਂ ਦੇ ਅਪਡੇਟਸ ਲਈ LIVING INDIA NEWS 2 4/7 LIVE ਨਾਲ ਜੁੜੇ ਰਹੋ।