ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:-ਦੇਸ਼ ਵਿਚ ਕੋਰੋਨਾ ਵਾਇਰਸ ਲਗਾਤਾਰ ਖਤਰਨਾਕ ਹੁੰਦਾ ਜਾ ਰਿਹਾ ਹੈ। ਹੁਣ ਇਸ ਵਾਇਰਸ ਦੇ ਚਪੇਟ ਵਿਚ ਦੇਸ਼ ਦੀਆਂ ਸਰਹੱਦਾਂ ਦੀ ਰੱਖਿਆ ਕਰਨ ਵਾਲੇ ਜਵਾਨ ਵੀ ਆ ਰਹੇ ਹਨ। ਦਰਅਸਲ ਸੀਮਾ ਸੁਰੱਖਿਆ ਬਲ(ਬੀਐਸਫ) ਦੇ 30 ਹੋਰ ਜਵਾਨਾਂ ਵਿਚ ਕੋਰੋਨਾ ਵਾਇਰਸ ਦੀ ਪੁਸ਼ਟੀ ਹੋਈ ਹੈ ਜੋ ਕਿ ਇਕ ਚਿੰਤਾ ਦਾ ਵਿਸ਼ਾ ਬਣਦਾ ਜਾ ਰਿਹਾ ਹੈ।
30 new cases of #COVID19 among BSF personnel (06 from
Delhi & 24 from Tripura) have been reported from different establishments. All of them are under the best available medical care at AIIMS, Jhajjar & at GB Pant Hospital in Agartala: Border Security Force pic.twitter.com/f8tODMF1X7— ANI (@ANI) May 8, 2020
ਜਾਣਕਾਰੀ ਅਨੁਸਾਰ ਕੋਰੋਨਾ ਦੀ ਚਪੇਟ ਵਿਚ ਆਉਣ ਵਾਲੇ ਬੀਐਸਐਫ ਦੇ 30 ਜਵਾਨਾਂ ਵਿਚੋਂ 6 ਦਿੱਲੀ ਅਤੇ 24 ਤਿਰਪੁਰਾ ਤੋਂ ਹਨ। ਸਾਰੇ ਜਵਾਨਾਂ ਨੂੰ ਝੱਜਰ ਏਮਜ਼ ਅਤੇ ਜੀਬੀ ਪੰਤ ਹਸਪਤਾਲ ਅਗਰਤਲਾ ਵਿਚ ਕੁਆਰੰਟਿਨ ਕੀਤਾ ਗਿਆ ਹੈ। ਹੁਣ ਤੱਕ ਕੁੱਲ 223 ਜਵਾਨ ਕੋਰੋਨਾ ਦੇ ਸੰਕਰਮਨ ਦਾ ਸ਼ਿਕਾਰ ਹੋ ਚੁੱਕੇ ਹਨ ਜਿਨ੍ਹਾਂ ਵਿਚੋਂ 2 ਦੀ ਮੌਤ ਹੋ ਚੁੱਕੀ ਹੈ ਜਦਕਿ 2 ਸਿਹਤਯਾਬ ਹੋ ਚੁੱਕੇ ਹਨ। ਮੀਡੀਆ ਰਿਪੋਰਟਾਂ ਅਨੁਸਾਰ ਦਿੱਲੀ ਵਿਚ ਮਿਲੇ ਛੇ ਜਵਾਨਾਂ ਵਿਚੋਂ ਦੋ ਬੀਐਸਐਫ ਦੇ ਹੈੱਡਕੁਆਰਟਰ ਵਿਚ ਤਾਇਨਾਤ ਸਨ ਅਤੇ ਬਾਕੀ ਚਾਰ ਵੱਖ-ਵੱਖ ਥਾਵਾਂ ਉੱਤੇ ਡਿਊਟੀ ਦੇ ਰਹੇ ਸਨ ਜਿਸ ਤੋਂ ਬਾਅਦ ਲੋਧੀ ਕਲੋਨੀ ਸਥਿਤ ਬੀਐਸਐਫ ਦੇ ਹੈਡਕੁਆਰਟਰ ਵਿਚ ਇਕ ਹੋਰ ਮੰਜਿਲ ਨੂੰ ਸੀਲ ਕਰ ਦਿੱਤਾ ਗਿਆ ਹੈ। ਇਸ ਤੋਂ ਪਹਿਲਾਂ ਵੀ 2 ਮੰਜਿਲਾਂ ਸੀਲ ਕੀਤੀਆਂ ਹੋਈਆਂ ਹਨ। ਕੇਂਦਰੀ ਆਰਮਡ ਪੁਲਿਸ ਫੋਰਸਿਜ (ਸੀਏਪੀਐਫ )ਵਿਚ ਵੀਰਵਾਰ ਨੂੰ ਕੋਰੋਨਾ ਦੇ ਲਗਭਗ 90 ਨਵੇਂ ਕੋਰੋਨਾ ਦੇ ਮਾਮਲੇ ਸਾਹਮਣੇ ਆਏ ਹਨ। ਸੀਏਪੀਐਫ ਵਿਚ ਕੇਂਦਰੀ ਰਿਜ਼ਰਵ ਪੁਲਿਸ ਬਲ,ਬਾਰਡਰ ਸਿਕਿਓਰਿਟੀ ਫੋਰਸ, ਕੇਂਦਰੀ ਉਦਯੋਗਿਕ ਸੁਰੱਖਿਆ ਬਲ, ਇੰਡੋ-ਤਿੱਬਤ ਬਾਰਡਰ ਪੁਲਿਸ ਅਤੇ ਆਰਮਡ ਬਾਰਡਰ ਫੋਰਸ ਸ਼ਾਮਲ ਹਨ ਜਿਸ ਕਰਕੇ ਨੀਮ ਫੌਜੀ ਬਲਾਂ ਵਿਚ ਕੋਰੋਨਾ ਵਾਇਰਸ ਦੇ ਕੇਸ 500 ਦੇ ਨੇੜੇ ਪਹੁੰਚ ਗਏ ਹਨ।