ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:– ਪਾਕਿਸਤਾਨ ’ਚ ਕਰਤਾਰਪੁਰ ਲਾਂਘੇ ਦੇ ਉਦਘਾਟਨ ਸਮਾਰੋਹ ’ਚ ਸ਼ਾਮਲ ਹੋਏ ਨਵਜੋਤ ਸਿੰਘ ਸਿੱਧੂ ਨੇ ਆਪਣੇ ਭਾਸ਼ਣ ਦੌਰਾਨ ਬਿਆਨਬਾਜ਼ੀ ਕੀਤੀ। ਜਿਸ ਕਾਰਨ ਨਵਜੋਤ ਸਿੰਘ ਸਿੱਧੂ ਦੀ ਬਿਆਨਬਾਜ਼ੀ ਬੀਜੇਪੀ ਨੂੰ ਚੰਗੀ ਨਹੀਂ ਲੱਗੀ। ਦਸ ਦਈਏ ਕਿ ਨਵਜੋਤ ਸਿੰਘ ਸਿੱਧੂ ਨੇ ਆਪਣੇ ਭਾਸ਼ਣ ਚ ਸਭ ਤੋਂ ਪਹਿਲਾ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਦੀ ਬੇਹੱਦ ਤਾਰੀਫ ਕੀਤੀ। ਜਿਸ ਕਾਰਨ ਬੀਜੇਪੀ ਕਾਫੀ ਭੜਕ ਗਈ ਹੈ। ਬੀਜੇਪੀ ਦਾ ਕਹਿਣਾ ਹੈ ਕਿ ਰਾਮ ਜਨਮ ਭੂਮੀ ਹੋਵੇ ਜਾਂ ਫਿਰ ਕਰਤਾਰਪੁਰ ਲਾਂਘਾ ਇਹਨਾਂ ਤੇ ਕਾਂਗਰਸ ਦਾ ਰਵੱਈਆ ਹੁਣ ਸਾਰਿਆਂ ਦੇ ਸਾਹਮਣੇ ਆ ਗਿਆ ਹੈ।
ਨਵਜੋਤ ਸਿੱਧੂ ਨੂੰ ਆੜੇ ਹੱਥੀ ਲੈਂਦੇ ਕਿਹਾ ਕਿ ਸਿੱਧੂ ਪਾਕਿਸਤਾਨ ਮੁੱਖ ਮਹਿਮਾਨ ਵੱਜੋ ਗਏ ਪਰ ਉਹ ਪਹਿਲੇ ਜਥੇ ਦੇ ਨਾਲ ਨਹੀਂ ਗਏ। ਨਾਲ ਹੀ ਬੀਜੇਪੀ ਬੁਲਾਰੇ ਦਾ ਇਹ ਵੀ ਕਹਿਣਾ ਹੈ ਕਿ ਪਾਕਿਸਤਾਨ ਜਾ ਕੇ ਉਹ ਖੁਦ ਨੂੰ ਸਮੂਹ ਸਿੱਖ ਸੰਗਤ ਦਾ ਨੁਮਾਇੰਦਾ ਦੱਸਦੇ ਹਨ ਤੇ ਇਮਰਾਨ ਖਾਨ ਦੀ ਲਾਂਘਾ ਖੋਲਣ ਤੇ ਖੂਬ ਤਾਰੀਫ ਵੀ ਕਰਦੇ ਹਨ।
ਆਪਣੇ ਗੱਲ ਜਾਰੀ ਰੱਖਦੇ ਹੋਏ ਬੀਜੇਪੀ ਦਾ ਇਹ ਵੀ ਕਹਿਣਾ ਹੈ ਕਿ ਨਵਜੋਤ ਸਿੱਧੂ ਨੇ ਇਮਰਾਨ ਖਾਨ ਨੂੰ ਸਿੰਕਦਰ ਦੱਸਿਆ ਜਿਸ ਤੋਂ ਸਾਫ ਪਤਾ ਲੱਗ ਰਿਹਾ ਹੈ ਕਿ ਸਿੱਧੂ ਦਾ ਕਹਿਣ ਦਾ ਮਤਲਬ ਹੈ ਕਿ ਉਹ ਮਾਰ ਰਹੇ ਹਾਂ ਤੇ ਪਾਕਿਸਤਾਨ ਉਹਨਾਂ ਨੂੰ ਬਚਾ ਰਿਹਾ ਹੈ। ਜਿਸ ਤੋਂ ਬਾਅਦ ਕਾਂਗਰਸ ਦੀ ਮਨੋਸਥਿਤੀ ਸਾਫ ਪਤਾ ਚੱਲ ਰਹੀ ਹੈ। ਜਿਸ ਤੇ ਬੀਜੇਪੀ ਨੇ ਸੋਨਿਆ ਗਾਂਧੀ ਨੂੰ ਮੁਆਫੀ ਮੰਗਣ ਦੀ ਕਿਹਾ ਹੈ।