ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:– ਦਿੱਲੀ ਦੇ ਨਜਰਫਗੜ੍ਹ ਇਲਾਕੇ ਚ ਇਕ ਨੌਜਵਾਨ ਨੂੰ ਦਿਨ ਦਿਹਾੜੇ ਗੋਲੀ ਮਾਰ ਕੇ ਹੱਤਿਆ ਕਰ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮਿਲੀ ਜਾਣਕਾਰੀ ਦੇ ਅਨੁਸਾਰ ਨੌਜਵਾਨ ਦਾ ਨਾ ਮੋਹਿਤ ਮੋਰ ਹੈ ਤੇ ਉਸਨੂੰ ਕੁਝ ਅਣਪਛਾਤੇ ਵਿਅਕਤੀਆਂ ਨੇ 13 ਗੋਲਿਆਂ ਮਾਰ ਕੇ ਹੱਤਿਆ ਕਰ ਦਿੱਤੀ। ਦੱਸ ਦਈਏ ਕਿ ਮੋਹਿਤ ਮੋਰ ਟਿਕ ਟੌਕ ਦਾ ਸਟਾਰ ਮੰਨਿਆ ਜਾਂਦਾ ਸੀ।
ਟਿਕ ਟੌਕ ਤੇ ਮੋਹਿਤ ਮੋਰ ਦੇ ਪੰਜ ਲੱਖ ਤੋਂ ਵੀ ਵੱਧ ਲੋਕ ਫੋਲੋਅ ਕਰਦੇ ਹਨ। ਜਦਕਿ ਮੋਹਿਤ ਮੋਰ ਨੂੰ ਇੰਸਟਾਗ੍ਰਾਮ ਤੇ 3 ਹਜਾਰ ਲੋਕ ਫੋਲੋਅ ਕਰਦੇ ਹਨ। ਮੋਹਿਤ ਮੋਰ ਟਿਕ ਟੌਕ ਸਟਾਰ ਹੋਣ ਦੇ ਨਾਲ ਨਾਲ ਜਿਮ ਟ੍ਰੇਨਰ ਵੀ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਮੋਹਿਤ ਮੋਰ ਨੂੰ ਉਸ ਵੇਲੇ ਗੋਲੀਆਂ ਨਾਲ ਭੁੰਨਿਆ ਗਿਆ ਜਦੋ ਉਹ ਇਕ ਫੋਟੋ ਸਟੇਟ ਦੀ ਦੁਕਾਨ ਤੇ ਗਿਆ ਸੀ।
ਫਿਲਹਾਲ ਗੋਲੀ ਮਾਰਨ ਦੀ ਕੀ ਵਜ੍ਹਾ ਸੀ ਤੇ ਇਹ ਹਮਲਾ ਕਿਹਨੇ ਕੀਤਾ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਫਿਲਹਾਲ ਮੌਕੇ ਤੇ ਪਹੁੰਚੀ ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਤੇ ਮਾਮਲੇ ਦੀ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।