ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:– ਪੰਜਾਬ ਪੁਲਿਸ ਚੋਂ ਇਕ ਅਜਿਹਾ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ ਜਿਸਨੇ ਪੰਜਾਬ ਪੁਲਿਸ ਦੀਆਂ ਅੱਖਾਂ ਚ ਸ਼ਰੇਆਮ ਧੁੜ ਪਾਈ। ਮਿਲੀ ਜਾਣਕਾਰੀ ਦੇ ਅਨੁਸਾਰ ਇਕ ਵਿਅਕਤੀ ਨਕਲੀ ਡੀਐਸਪੀ ਬਣਕੇ ਪੁਲਿਸ ਦੀਆਂ ਅੱਖਾਂ ‘ਚ ਸ਼ਰੇਆਮ ਘੱਟਾ ਪਾ ਰਿਹਾ ਸੀ ਇਹਨਾਂ ਹੀ ਨਹੀਂ ਇਸ ਵਿਅਕਤੀ ਦੇ ਨਾਲ ਉਸਦੇ ਬਾਡੀਗਾਰਡ ਵੀ ਮਿਲੇ ਹੋਏ ਸੀ। ਇਸ ਨਕਲੀ ਡੀਐੱਸਪੀ ਦਾ ਭਾਂਡਾ ਖੁਦ ਉਸਦੀ ਪਤਨੀ ਨੇ ਫੋੜਿਆ ਹੈ।
ਮਿਲੀ ਜਾਣਕਾਰੀ ਦੇ ਅਨੁਸਾਰ ਨਕਲੀ ਡੀਐੱਸਪੀ ਨੇ ਇਕ ਇੰਸਪੈਕਟਰ ਰੈਂਕ ਦੀ ਮਹਿਲਾ ਦੇ ਨਾਲ ਵਿਆਹ ਵੀ ਕਰਵਾ ਲਿਆ ਸੀ ਤੇ ਵਿਆਹ ਤੋਂ ਬਾਅਦ ਉਸਨੇ ਕਿਹਾ ਕਿ ਉਹ ਸਸਪੈਂਡ ਹੋ ਗਿਆ ਜਦੋ ਉਸਦੀ ਪਤਨੀ ਨੇ ਕਿਹਾ ਕਿ ਉਹ ਕਿਸੇ ਵੱਡੇ ਅਫਸਰ ਦੇ ਨਾਲ ਗੱਲ ਕਰੇ ਪਰ ਉਹ ਇਸ ਮਾਮਲੇ ਤੇ ਹਮੇਸ਼ਾ ਨਾ ਨੁਕਰ ਕਰਦਾ ਸੀ ਜਿਸ ਕਾਰਨ ਉਸਦੀ ਪਤਨੀ ਦਾ ਸ਼ੱਕ ਵਧਦਾ ਚਲਾ ਗਿਆ। ਇਸ ਤੋਂ ਬਾਅਦ ਜਦੋ ਇਸਦੀ ਜਾਂਚ ਕੀਤੀ ਗਈ ਤਾਂ ਪਤਾ ਚਲਿਆ ਕਿ ਇਹ ਨਕਲੀ ਡੀਐੱਸਪੀ ਬੀਏ ਫੇਲ ਹੈ ਤੇ ਘਰੋ ਕੱਢਿਆ ਹੋਇਆ। ਫਿਲਹਾਲ ਉਹ ਨਕਲੀ ਡੀਐੱਸਪੀ ਨੂੰ ਗ੍ਰਿਫਤਾਰ ਕਰ ਲਿਆ ਤੇ ਨਾਲ ਹੀ ਇਸਦੇ ਨਾਲ ਮਿਲੇ ਹੋਏ ਅਫਸਰ ਤੇ ਕਰਮਚਾਰੀਆਂ ਦੇ ਖਿਲਾਫ ਵੀ ਮਾਮਲਾ ਦਰਜ ਕੀਤਾ ਗਿਆ ਹੈ।