ਕੀਵ : ਯੁਕਰੇਨ (Ukraine) ਵਿਚ ਫਸੇ ਹੋਏ ਭਾਰਤੀਆਂ ਨੂੰ ਵਾਪਸ ਲਿਆਉਣ ਲਈ ਏਅਰ ਇੰਡੀਆ (Air India) ਦਾ ਜਹਾਜ਼ ਅੱਜ ਸਵੇਰੇ 10 ਤੋਂ ਸਾਢੇ 10 ਵਜੇ ਵਿਚਾਲੇ ਬੁਖਾਰੈਸਟ ਵਿਚ ਉਤਰਿਆ, ਸਫਾਰਤਖਾਨੇ ਨਾਲ ਜੁੜੇ ਇਕ ਅਧਿਕਾਰੀ ਇਹ ਜਾਣਕਾਰੀ ਦਿੱਤੀ ਹੈ। ਸੀਨੀਅਰ ਸਰਕਾਰੀ ਅਧਿਕਾਰੀਆਂ ਨੇ ਦੱਸਿਆ ਕਿ ਉਡਾਣ ਨੰਬਰ ਏ.ਆੀ. 1943 ਨੇ ਤੜਕੇ ਤਕਰੀਬਨ 3-40 ਵਜੇ ਮੁੰਬਈ ਹਵਾਈ ਅੱਡੇ ਤੋਂ ਉਡਾਣ ਭਰੀ ਅਤੇ ਉਸ ਦੇ ਭਾਰਤੀ ਸਮੇਂ ਅਨੁਸਾਰ ਸਵੇਰੇ ਤਕਰੀਬਨ ਸਾਢੇ 10 ਵਜੇ ਬੁਖਾਰੈਸਟ ਹਵਾਈ ਅੱਡੇ (Bucharest Airport) ‘ਤੇ ਪਹੁੰਚੀ। ਜੇਕਰ ਸਭ ਕੁਝ ਠੀਕ ਰਿਹਾ ਤਾਂ ਇਹ ਫਲਾਈਟ (Flight) ਦੁਪਹਿਰ 2 ਵਜੇ ਤੱਕ ਦਿੱਲੀ ਲੈਂਡ ਕਰ ਜਾਵੇਗੀ ਜੋ ਵੀ ਭਾਰਤੀ ਨਾਗਰਿਕ ਸੜਕੀ ਰਸਤੇ ਜ਼ਰੀਏ ਯੁਕਰੇਨ-ਰੋਮਾਨੀਆ (Ukraine-Romania) ਸਰਹੱਦ ‘ਤੇ ਪਹੁੰਚ ਗਏ ਹਨ। ਉਨ੍ਹਾਂ ਨੂੰ ਭਾਰਤ ਸਰਕਾਰ ਦੇ ਅਧਿਕਾਰੀ ਬੁਖਾਰੇਸਟ ਲੈ ਕੇ ਪਹੁੰਚੇ ਹਨ ਅਤੇ ਇਥੋਂ ਉਨ੍ਹਾਂ ਨੂੰ ਏਅਰ ਇੰਡੀਆ ਦੀਆਂ ਉਡਾਣਾਂ ਰਾਹੀਂ ਵਾਪਸ ਇੰਡੀਆ ਲਿਆਂਦਾ ਜਾਵੇਗਾ। Also Read : ਰੂਸ ਦੇ ਹਮਲੇ ਪਿੱਛੋਂ ਨਾਟੋ ਦਾ ਵੱਡਾ ਐਲਾਨ, ਯੁਕਰੇਨ ਦੇ ਗੁਆਂਢੀ ਦੇਸ਼ਾਂ ‘ਚ ਫੌਜ ਦੀ ਕੀਤੀ ਜਾਵੇਗੀ ਤਾਇਨਾਤੀ
ਏਅਰ ਇੰਡੀਆ ਯੁਕਰੇਨ ਵਿਚ ਫਸੇ ਭਾਰਤੀ ਨਾਗਰਿਕਾਂ ਨੂੰ ਵਾਪਸ ਹਿੰਦੁਸਤਾਨ ਲਿਆਉਣ ਲਈ ਬੁਖਾਰੈਸਟ ਅਤੇ ਹੰਗਰੀ ਦੀ ਰਾਜਧਾਨੀ ਬੁਡਾਪੈਸਟ ਲਈ ਸ਼ਨੀਵਾਰ ਨੂੰ ਹੋਰ ਉਡਾਣਾਂ ਦੀ ਵਿਵਸਥਾ ਕੀਤੀ ਜਾ ਰਹੀ ਹੈ। ਦੱਸ ਦੱਈਏ ਕਿ ਵੀਰਵਾਰ ਨੂੰ ਯੁਕਰੇਨ ਦੇ ਅਧਿਕਾਰੀਆਂ ਨੇ ਪੈਸੇਂਜਰ ਫਲਾਈਟਸ (Passenger flights) ਲਈ ਆਪਣੇ ਦੇਸ਼ ਦਾ ਏਅਰ ਸਪੇਸ ਬੰਦ ਕਰ ਦਿੱਤਾ ਸੀ। ਇਸ ਲਈ ਭਾਰਤੀਆਂ ਨੂੰ ਵਾਪਸ ਦੇਸ਼ ਲਿਆਉਣ ਲਈ ਇਹ ਉਡਾਣਾਂ ਬੁਡਾਪੈਸਟ ਤੋਂ ਚਲਾਈਆਂ ਜਾ ਰਹੀਆਂ ਹਨ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਯੁਕਰੇਨ ਵਿਚ ਫਿਲਹਾਲ ਤਕਰੀਬਨ 20 ਹਜ਼ਾਰ ਇੰਡੀਅਨਸ ਫੱਸੇ ਹੋਏ ਹਨ। ਜਿਨ੍ਹਾਂ ਵਿਚ ਜ਼ਿਆਦਾਤਰ ਸਟੂਡੈਂਟ ਹਨ। ਯੁਕਰੇਨ ਦਾ ਏਅਰਸਪੇਸ ਬੰਦ ਹੋਣ ਨਾਲ ਪਹਿਲਾਂ ਏਅਰ ਇੰਡੀਆ ਨੇ 22 ਫਰਵਰੀ ਨੂੰ ਯੁਕਰੇਨ ਦੀ ਰਾਜਧਾਨੀ ਕੀਵ ਦੇ ਲਈ ਇਕ ਜਹਾਜ਼ ਭੇਜਿਆ ਸੀ ਜਿਸ ਵਿਚ 240 ਲੋਕਾਂ ਨੂੰ ਭਾਰਤ ਵਾਪਸ ਲਿਆਂਦਾ ਗਿਆ ਸੀ। ਉਸ ਨੇ 24 ਅਤੇ 26 ਫਰਵਰੀ ਨੂੰ ਦੋ ਹੋਰ ਉਡਾਣਾਂ ਦੀ ਤਿਆਰੀ ਰੱਖੀ ਪਰ ਰੂਸ ਦੇ 24 ਫਰਵਰੀ ਨੂੰ ਹਮਲਾ ਸ਼ੁਰੂ ਕਰਨ ਅਤੇ ਇਸ ਤੋਂ ਬਾਅਦ ਯੁਕਰੇਨ ਦਾ ਏਅਰ ਸਪੇਸ ਬੰਦ ਹੋਣ ਕਾਰਣ ਅਜਿਹਾ ਨਹੀਂ ਕੀਤਾ ਜਾ ਸਕਿਆ। Also Read : ਦੇਸ਼ ‘ਚ ਲੰਘੇ 24 ਘੰਟਿਆਂ ‘ਚ ਆਏ ਕੋਰੋਨਾ ਦੇ ਇੰਨੇ ਮਾਮਲੇ, 255 ਲੋਕਾਂ ਨੇ ਤੋੜਿਆ ਦਮ
सम्बंधित ख़बरें
)
ਯੁਕਰੇਨ ਵਿਚ ਭਾਰਤੀ ਸਫਾਰਤਖਾਨੇ ਨੇ ਕਿਹਾ ਕਿ ਉਹ ਰੋਮਾਨੀਆ ਅਤੇ ਹੰਗਰੀ ਤੋਂ ਆਉਣ ਵਾਲੇ ਰਸਤਿਆਂ ਨੂੰ ਤੈਅ ਕਰਨ ਦਾ ਕੰਮ ਕਰ ਰਿਹਾ ਹੈ। ਮੌਜੂਦਾ ਸਮੇਂ ਵਿਚ ਅਧਿਕਾਰੀਆਂ ਦੀ ਟੀਮ ਉਝੋਰੋਦ ਦੇ ਨੇੜੇ ਚੋਪ-ਜਾਹੋਨੀ (ਹੰਗਰੀ ਹੱਦ) ਅਤੇ ਚੇਰਨੀਵਤਸੀ ਦੇ ਨੇੜੇ ਪੋਰਬ੍ਰੇ-ਸੀਰੇਤ (ਰੋਮਾਨੀਆਈ ਸਰਹੱਦ) ਚੌਕੀਆਂ ‘ਤੇ ਪਹੁੰਚ ਰਹੀ ਹੈ। ਸਫਾਰਤਖਾਨੇ ਨੇ ਭਾਰਤੀਆਂ ਨੂੰ ਆਪਣਾ ਪਾਸਪੋਰਟ, ਨਕਦੀ ਹੋਰ ਜ਼ਰੂਰੀ ਦਸਤਾਵੇਜ਼ ਅਤੇ ਕੋਵਿਡ ਵੈਕਸੀਨੇਸ਼ਨ ਸਰਟੀਫਿਕੇਟ ਸਰਹੱਦੀ ਜਾਂਚ ਚੌਕੀਆਂ ‘ਤੇ ਆਪਣੇ ਕੋਲ ਰੱਖਣ ਦੀ ਸਲਾਹ ਦਿੱਤੀ ਹੈ। ਸਫਾਰਤਖਾਨੇ ਨੇ ਕਿਹਾ ਹੈ ਕਿ ਭਾਰਤੀ ਝੰਡੇ ਦਾ ਪ੍ਰਿੰਟ ਕੱਢ ਲੈਣ ਅਤੇ ਯਾਤਰਾ ਦੌਰਾਨ ਵਾਹਨਾਂ ਅਤੇ ਬੱਸਾਂ ‘ਤੇ ਉਨ੍ਹਾਂ ਨੂੰ ਚਿਪਕਾ ਦੇਣ। ਯੁਕਰੇਨ ਦੀ ਰਾਜਧਾਨੀ ਕੀਵ ਅਤੇ ਰੋਮਾਨੀਆ ਦੇ ਬਾਰਡਰ ਵਿਚਾਲੇ ਤਕਰੀਬਨ 600 ਕਿਲੋਮੀਟਰ ਦਾ ਫਾਸਲਾ ਹੈ ਅਤੇ ਸੜਕ ਰਸਤੇ ਤੋਂ ਇਹ ਦੂਰੀ ਤੈਅ ਕਰਨ ਵਿਚ ਸਾਢੇ 8 ਤੋਂ 11 ਘੰਟੇ ਲੱਗਦੇ ਹਨ। ਇਸ ਤਰ੍ਹਾਂ ਰੋਮਾਨੀਆਈ ਸਰਹੱਦ ਜਾਂਚ ਚੌਕੀ ਤੋਂ ਬੁਖਾਰੈਸਟ ਤਕਰੀਬਨ 500 ਕਿਲੋਮੀਟਰ ਦੀ ਦੂਰੀ ‘ਤੇ ਹੈ ਅਤੇ ਸੜਕ ਰਾਸਤੇ ਤੋਂ ਉਸ ਨੂੰ ਤੈਅ ਕਰਨ ਵਿਚ ਤਕਰੀਬਨ 7 ਤੋਂ 9 ਘੰਟੇ ਲੱਗਦੇ ਹਨ। ਉਥੇ ਹੀ ਕੀਵ ਅਤੇ ਹੰਗਰੀ ਦੀ ਸਰਹੱਦ ਵਿਚਾਲੇ ਤਕਰੀਬਨ 820 ਕਿਮੀ ਦੀ ਦੂਰੀ ਹੈ ਅਤੇ ਇਸ ਨੂੰ ਸੜਕੀ ਰਸਤੇ ਤੋਂ ਤੈਅ ਕਰਨ ਵਿਚ 12-13 ਘੰਟੇ ਲੱਗਦੇ ਹਨ।