ਪੰਜਾਬ ਵਿਚ 65.32 ਫੀਸਦੀ ਵੋਟਿੰਗ, 2017 ਤੋਂ ਘੱਟ ਹੋਈ ਵੋਟਿੰਗ, ਕੀ ਹੈ ਇਸ਼ਾਰਾ?

ਚੰਡੀਗੜ੍ਹ : ਪੰਜਾਬ ਵਿਧਾਨ ਸਭਾ ਚੋਣਾਂ 2022 (Punjab Assembly Elections 2022)  ਬੀਤੀ 20 ਫਰਵਰੀ ਨੂੰ ਮੁਕੰਮਲ ਹੋ ਗਈਆਂ ਹੁਣ ਉਮੀਦਵਾਰਾਂ ਅਤੇ ਵੋਟਰਾਂ ਨੂੰ ਇੰਤਜ਼ਾਰ ਹੈ ਨਤੀਜੇ ਆਉਣ ਦਾ। ਨਤੀਜਿਆਂ ਦੌਰਾਨ ਹੀ ਪਤਾ ਲੱਗੇਗਾ ਕਿ ਕਿਹੜੀ ਪਾਰਟੀ ਸੱਤਾ ‘ਤੇ ਕਾਬਜ਼ ਹੁੰਦੀ ਹੈ। ਪੰਜਾਬ ਵਿਚ ਵੋਟਰਾਂ (Voters in Punjab) ਨੇ ਐਤਵਾਰ ਨੂੰ ਜਮ ਕੇ ਵੋਟਾਂ ਪਾਈਆਂ। ਦੇਰ ਸ਼ਾਮ ਚੋਣ ਕਮਿਸ਼ਨ (Election Commission) ਵਲੋਂ ਜਾਰੀ ਅੰਕੜਿਆਂ ਮੁਤਾਬਕ ਸੂਬੇ ਵਿਚ 65.32 ਫੀਸਦੀ ਵੋਟਿੰਗ ਹੋਈ। ਗ੍ਰਾਮੀਣ ਪੰਜਾਬ ਵਿਚ ਸ਼ਹਿਰੀ ਇਲਾਕਿਆਂ ਦੇ ਮੁਕਾਬਲੇ ਜ਼ਿਆਦਾ ਵੋਟਿੰਗ ਦਰਜ ਕੀਤੀ ਗਈ। ਸੂਬੇ ਵਿਚ ਸਾਰੀਆਂ ਸਿਆਸੀ ਪਾਰਟੀਆਂ (Political parties) ਨਾਲ ਬਹੁਕੋਣੀ ਲਖਾਈ ਦੇਖੀ ਗਈ। ਪੰਜਾਬ ਵਿਧਾਨ ਸਭਾ ਚੋਣਾਂ (Punjab Assembly Elections) ਕਾਂਗਰਸ ਲਈ ਮਾਣ ਦੀ ਲੜਾਈ ਦੇ ਰੂਪ ਵਿਚ ਦੇਖੀ ਜਾ ਰਹੀ ਹੈ। ਕਾਂਗਰਸ ਨੇ 2017 ਦੀਆਂ ਚੋਣਾਂ ਵਿਚ 80 ਸੀਟਾਂ (80 seats) ਜਿੱਤੀਆਂ ਸਨ। ਇਸ ਤੋਂ ਬਾਅਦ ਆਮ ਆਦਮੀ ਪਾਰਟੀ ਨੂੰ 17 ਅਤੇ ਸ਼੍ਰੋਮਣੀ ਅਕਾਲੀ ਦਲ ਨੂੰ 14 ਸੀਟਾਂ ਮਿਲੀਆਂ ਸਨ।
ਪੰਜਾਬ ਦੇ ਲੋਕਾਂ ਨੇ ਐਤਵਾਰ ਨੂੰ ਸਾਰੀਆਂ 117 ਸੰਸਦੀ ਵਿਧਾਨ ਸਭਾ ਲਈ ਵਿਧਾਇਕਾਂ ਨੂੰ ਚੁਣਨ ਲਈ ਵੋਟਿੰਗ ਕੀਤੀ। ਭਾਰਤ ਦੇ ਚੋਣ ਕਮਿਸ਼ਨ (ਈ.ਸੀ.ਆਈ.) ਮੁਤਾਬਕ 2017 ਵਿਚ 77.36 ਦੇ ਮੁਕਾਬਲੇ ਵਿਚ 2022 ਵਿਚ ਸੂਬੇ ਵਿਚ 65.32 ਫੀਸਦੀ ਵੋਟਿੰਗ ਹੋਈ। ਸਾਰੀਆਂ ਪ੍ਰਮੁੱਖ ਸਿਆਸੀ ਪਾਰਟੀਆਂ ਦੇ ਜ਼ੋਰਦਾਰ ਪ੍ਰਚਾਰ ਤੋਂ ਬਾਅਦ ਅੱਜ ਸਵੇਰੇ 8 ਵਜੇ ਵੋਟਿੰਗ ਸ਼ੁਰੂ ਹੋਈ, ਜੋ ਸ਼ਾਮ 6 ਵਜੇ ਤੱਕ ਚੱਲੀ।ਰੁਝਾਨਾਂ ਤੋਂ ਪਤਾ ਚੱਲਦਾ ਹੈ ਕਿ ਸ਼ੁਰੂਆਤੀ ਘੰਟਿਆਂ ਵਿਚ ਵੋਟਿੰਗ ਮੱਧਮ ਸੀ ਪਰ ਸ਼ਾਮ ਹੁੰਦੇ-ਹੁੰਦੇ ਵੋਟਿੰਗ ਪਰਸੈਂਟੇਜ ਵੱਧ ਗਈ। ਦੁਪਹਿਰ 3 ਵਜੇ ਤੱਕ 57.58 ਫੀਸਦੀ ਵੋਟਿੰਗ ਹੋਈ। ਜਿਸ ਨਾਲ ਸ਼ਹਿਰੀ ਇਲਾਕਿਆਂ ਵਿਚ ਪੰਜਾਬ ਦੇ ਪਿੰਡਾਂ ਦੇ ਮੁਕਾਬਲੇ ਵਿਚ ਘੱਟ ਭਾਈਵਾਲੀ ਦੇਖੀ ਗਈ।