ਪਟਨਾ- ਸਿਨੇਮਾ ਪ੍ਰੇਮੀਆਂ ਨੂੰ ਬਾਲੀਵੁੱਡ ਅਭਿਨੇਤਾ ਅਕਸ਼ੈ ਕੁਮਾਰ ਦੀ ਫਿਲਮ ‘ਸਪੈਸ਼ਲ 26’ ਜ਼ਰੂਰ ਯਾਦ ਹੋਵੇਗੀ। ਇਸ ਫਿਲਮ ਵਿੱਚ ਦਿਖਾਇਆ ਗਿਆ ਹੈ ਕਿ ਕਿਵੇਂ ਸੀਬੀਆਈ ਦੀ ਇੱਕ ਫਰਜ਼ੀ ਟੀਮ ਨੇ ਕਈ ਕਾਰੋਬਾਰੀਆਂ ਦੇ ਘਰ ਛਾਪੇਮਾਰੀ ਕੀਤੀ ਅਤੇ ਉਹ ਉਨ੍ਹਾਂ ਦੇ ਘਰੋਂ ਨਕਦੀ ਅਤੇ ਗਹਿਣੇ ਲੈ ਕੇ ਭੱਜ ਗਏ। ਅਜਿਹੀ ਹੀ ਇੱਕ ਘਟਨਾ ਬਿਹਾਰ ਦੇ ਲਖੀਸਰਾਏ ਜ਼ਿਲ੍ਹੇ ਦੇ ਇੱਕ ਰੇਤ ਵਪਾਰੀ ਨਾਲ ਅਸਲ ਜ਼ਿੰਦਗੀ ਵਿੱਚ ਵੀ ਸਾਹਮਣੇ ਆਈ ਹੈ। ਫਰਕ ਇਹ ਹੈ ਕਿ ਫਿਲਮ ‘ਚ ਫਰਜ਼ੀ ਸੀ.ਬੀ.ਆਈ. ਟੀਮ ਸੀ ਅਤੇ ਅਸਲ ਜ਼ਿੰਦਗੀ ‘ਚ ਨਕਲੀ ਇਨਕਮ ਟੈਕਸ ਅਫਸਰ 25 ਲੱਖ ਦੀ ਨਕਦੀ ਅਤੇ 10 ਲੱਖ ਦੇ ਗਹਿਣੇ ਲੈ ਕੇ ਫਰਾਰ ਹੋ ਗਏ।
Also Read: ‘ਪੰਜਾਬ ‘ਚ AAP ਦੀ ਸਰਕਾਰ ਬਣਨ ‘ਤੇ ਮਿਲੇਗਾ ਖ਼ਰਾਬ ਫ਼ਸਲਾਂ ਦਾ ਢੁੱਕਵਾਂ ਮੁਆਵਜ਼ਾ’
ਜਾਣਕਾਰੀ ਮੁਤਾਬਕ ਸੋਮਵਾਰ ਨੂੰ ਫਰਜ਼ੀ ਇਨਕਮ ਟੈਕਸ ਅਫਸਰ ਦੇ ਰੂਪ ‘ਚ ਅਪਰਾਧੀਆਂ ਦੀ ਇਕ ਟੀਮ ਸਕਾਰਪਿਓ ‘ਚ ਸਵਾਰ ਹੋ ਕੇ ਲਖੀਸਰਾਏ ਕਲੈਕਟਰੇਟ ਦੇ ਸਾਹਮਣੇ ਪੀਐੱਨਬੀ ਬੈਂਕ ਦੇ ਪਿੱਛੇ ਨਿਊ ਕੋਰਟ ਖੇਤਰ ‘ਚ ਰਹਿਣ ਵਾਲੇ ਰੇਤ ਕਾਰੋਬਾਰੀ ਸੰਜੇ ਸਿੰਘ ਦੇ ਘਰ ‘ਚ ਦਾਖਲ ਹੋਈ। ਘਰ ਦੇ ਅੰਦਰ ਦਾਖਲ ਹੁੰਦੇ ਹੀ ਬਦਮਾਸ਼ਾਂ ਨੇ ਔਰਤਾਂ ਅਤੇ ਬੱਚਿਆਂ ਨੂੰ ਕਾਬੂ ਕਰ ਲਿਆ ਅਤੇ ਉਨ੍ਹਾਂ ਤੋਂ ਮੋਬਾਈਲ ਖੋਹ ਲਏ। ਇਸ ਤੋਂ ਬਾਅਦ ਘਰ ‘ਚੋਂ 25 ਲੱਖ ਰੁਪਏ ਦੀ ਨਕਦੀ ਅਤੇ 10 ਲੱਖ ਦੇ ਗਹਿਣੇ ਲੈ ਕੇ ਫਰਾਰ ਹੋ ਗਏ।
सम्बंधित ख़बरें
Also Read: ਪੰਜਾਬ ਸਰਕਾਰ ਵਲੋਂ ਸੀਨੀਅਰ ਪੁਲਿਸ ਅਧਿਕਾਰੀਆਂ ਦੇ ਤਬਾਦਲੇ, ਦੇਖੋ ਲਿਸਟ
ਘਰ ‘ਚੋਂ ਪੈਸੇ ਅਤੇ ਗਹਿਣੇ ਲੈ ਕੇ ਕਿਸੇ ਨੇ ਰੇਤ ਕਾਰੋਬਾਰੀ ਸੰਜੇ ਨੂੰ ਫੋਨ ਕੀਤਾ ਤਾਂ ਉਹ ਜਲਦਬਾਜ਼ੀ ‘ਚ ਘਰ ਪਹੁੰਚ ਗਿਆ। ਆਪਣੇ ਆਪ ਨੂੰ ਇਨਕਮ ਟੈਕਸ ਅਧਿਕਾਰੀ ਦੱਸ ਕੇ ਅਪਰਾਧੀਆਂ ਨੇ ਸੰਜੇ ਅਤੇ ਉਸ ਦੇ ਡਰਾਈਵਰ ਨੂੰ ਬਿਠਾ ਲਿਆ। ਪੈਸੇ ਅਤੇ ਗਹਿਣੇ ਲੈ ਕੇ ਅਪਰਾਧੀ ਸੰਜੇ ਨੂੰ ਘਰ ਦੇ ਅੰਦਰ ਲੈ ਗਏ ਅਤੇ ਬਾਹਰੋਂ ਮੇਨ ਗੇਟ ਬੰਦ ਕਰਕੇ ਗੱਡੀ ‘ਚ ਬੈਠ ਕੇ ਫਰਾਰ ਹੋ ਗਏ। ਜਾਂਦੇ ਹੋਏ ਦੋਸ਼ੀਆਂ ਨੇ ਕਿਹਾ ਕਿ ਉਹ ਇਨਕਮ ਟੈਕਸ ਦਫਤਰ ਜਾ ਰਹੇ ਹਨ, ਉਥੇ ਆ ਜਾਓ। ਜਦੋਂ ਸੰਜੇ ਇਨਕਮ ਟੈਕਸ ਦਫਤਰ ਜਾਣ ਲਈ ਘਰ ਤੋਂ ਬਾਹਰ ਨਿਕਲਣ ਲੱਗਾ ਤਾਂ ਗੇਟ ਨੂੰ ਬਾਹਰੋਂ ਤਾਲਾ ਲੱਗਾ ਹੋਇਆ ਸੀ। ਇਸ ਤੋਂ ਬਾਅਦ ਸੰਜੇ ਨੇ ਫੋਨ ਕਰਕੇ ਘਰ ਦਾ ਗੇਟ ਖੁਲਵਾਇਆ ਅਤੇ ਜਦੋਂ ਉਹ ਇਨਕਮ ਟੈਕਸ ਦਫਤਰ ਪਹੁੰਚਿਆਂ ਤਾਂ ਉਨ੍ਹਾਂ ਨੂੰ ਸੂਚਨਾ ਮਿਲੀ ਕਿ ਉਥੋਂ ਕੋਈ ਕਾਰਵਾਈ ਨਹੀਂ ਹੋਈ।
Also Read: ਚੋਰੀ ਹੋਏ ਸਮਾਰਟਫੋਨ ਨੂੰ ਲੱਭਣ ਦੇ ਆਸਾਨ ਤਰੀਕੇ, ਸਵਿੱਚ ਆਫ ਫੋਨ ਵੀ ਹੋਵੇਗਾ ਟਰੈਕ
ਇਨਕਮ ਟੈਕਸ ਦਫਤਰ ਤੋਂ ਨਿਰਾਸ਼ ਹੋ ਕੇ ਸੰਜੇ ਨੇ ਤੁਰੰਤ ਇਸ ਘਟਨਾ ਦੀ ਸੂਚਨਾ ਕਬਾਯਾ ਪੁਲਿਸ ਸਟੇਸ਼ਨ ਨੂੰ ਦਿੱਤੀ। ਥਾਣਾ ਕਬਾਯਾ ਦੇ ਐੱਸਐੱਚਓ ਰਾਜੀਵ ਕੁਮਾਰ ਨੇ ਮੌਕੇ ’ਤੇ ਪਹੁੰਚ ਕੇ ਸੰਜੇ ਅਤੇ ਘਰ ਦੇ ਹੋਰ ਲੋਕਾਂ ਤੋਂ ਘਟਨਾ ਸਬੰਧੀ ਵਿਸਥਾਰਪੂਰਵਕ ਜਾਣਕਾਰੀ ਲਈ। ਇਸ ਦੌਰਾਨ ਘਰ ਵਿੱਚ ਲੱਗੇ ਸੀਸੀਟੀਵੀ ਫੁਟੇਜ ਵਿੱਚ ਮੁਲਜ਼ਮਾਂ ਦੇ ਆਉਣ ਤੋਂ ਲੈ ਕੇ ਗੱਡੀ ਦੀ ਰਿਕਾਰਡਿੰਗ ਸੀ, ਜਿਸ ਨੂੰ ਪੁਲਿਸ ਆਪਣੇ ਨਾਲ ਲੈ ਗਈ। ਪੁਲਿਸ ਸੀਸੀਟੀਵੀ ਫੁਟੇਜ ਦੇ ਆਧਾਰ ‘ਤੇ ਦੋਸ਼ੀਆਂ ਤੱਕ ਪਹੁੰਚਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਸੀਸੀਟੀਵੀ ਫੁਟੇਜ ਵਿੱਚ ਅਪਰਾਧੀ ਇੱਕ ਵਪਾਰਕ ਨੰਬਰ ਸਕਾਰਪੀਓ ਗੱਡੀ ਤੋਂ ਆਉਂਦੇ ਹਨ ਅਤੇ ਘਰ ਵਿੱਚ ਦਾਖਲ ਹੁੰਦੇ ਹਨ ਅਤੇ ਬਾਹਰ ਜਾਂਦੇ ਹਨ। ਅਪਰਾਧੀਆਂ ਦੀ ਟੀਮ ਵਿਚ 5 ਪੁਰਸ਼ ਤੇ 2 ਔਰਤਾਂ ਸ਼ਾਮਲ ਸਨ। ਪੁਰਸ਼ਾਂ ਨੇ ਕੋਟ ਪੈਂਟ ਪਾਈ ਹੋਈ ਸੀ ਅਤੇ ਘਰ ਵਾਲੇ ਨੂੰ ਧੋਖਾ ਦੇਣ ਲਈ ਮੈਟਲ ਡਿਟੈਕਟਰ ਲੈ ਕੇ ਆਏ ਸਨ। ਇਸ ਦੇ ਨਾਲ ਹੀ ਅਪਰਾਧੀਆਂ ਦੀ ਟੀਮ ‘ਚ ਸ਼ਾਮਲ ਦੋ ਔਰਤਾਂ ‘ਚੋਂ ਇਕ ਨੇ ਸਾੜੀ ਪਾਈ ਹੋਈ ਸੀ, ਜਦਕਿ ਦੂਜੀ ਔਰਤ ਨੇ ਜੀਨਸ ਅਤੇ ਕੁਰਤੀ ਦੇ ਉੱਪਰ ਜੈਕੇਟ ਪਾਈ ਹੋਈ ਸੀ। ਸਾਰੇ ਅਪਰਾਧੀਆਂ ਨੇ ਆਪਣੇ ਚਿਹਰਿਆਂ ‘ਤੇ ਮਾਸਕ ਪਹਿਨੇ ਹੋਏ ਸਨ।