ਗਣਤੰਤਰ ਦਿਵਸ ਤੋਂ ਪਹਿਲੀ ਸ਼ਾਮ ਰਾਸ਼ਟਰਪਤੀ ਨੇ ਦੇਸ਼ ਨੂੰ ਕੀਤਾ ਸੰਬੋਧਿਤ

ਨਵੀਂ ਦਿੱਲੀ : 73ਵੇਂ ਗਣਤੰਤਰ ਦਿਵਸ (73rd Republic Day) ਤੋਂ ਪਹਿਲੀ ਸ਼ਾਮ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ (President Ramnath Kovind) ਦੇਸ਼ ਨੂੰ ਸੰਬੋਧਿਤ ਕਰ ਰਹੇ ਹਨ। ਰਾਸ਼ਟਰਪਤੀ ਨੇ ਆਪਣੇ ਸੰਬੋਧਨ ਵਿਚ ਕਿਹਾ ਕਿ 73ਵੇਂ ਗਣਤੰਤਰ ਦਿਵਸ (73rd Republic Day) ਦੀ ਪਹਿਲੀ ਸ਼ਾਮ ਦੇਸ਼ ਅਤੇ ਵਿਦੇਸ਼ ਵਿਚ ਰਹਿਣ ਵਾਲੇ ਤੁਸੀਂ ਸਾਰੇ ਭਾਰਤ ਦੇ ਲੋਕਾਂ ਨੂੰ ਮੇਰੀ ਹਾਰਦਿਕ ਵਧਾਈ। ਇਹ ਸਾਨੂੰ ਸਭ ਨੂੰ ਇਕ ਸੂਤਰ ਵਿਚ ਬੰਨ੍ਹਣ ਵਾਲੀ ਭਾਰਤੀਯਤਾ ਦੇ ਮਾਣ ਦਾ ਉਤਸਵ ਹੈ। ਸਾਲ 1950 ਵਿਚ ਅੱਜ ਹੀ ਦੇ ਦਿਨ ਸਾਡੀ ਸਭ ਦੀ ਇਸ ਮਾਣਮੱਤੀ ਪਛਾਣ ਨੂੰ ਰਸਮੀ ਰੂਪ ਪ੍ਰਾਪਤ ਹੋਇਆ ਸੀ। Also Read : ਪੰਜਾਬ ਪੁਲਿਸ ਦੀਆਂ ਸੇਵਾਵਾਂ ਨੂੰ ਸਨਮਾਨ, 2 ਏ.ਡੀ.ਜੀ.ਪੀ ਨੂੰ ਰਾਸ਼ਟਰਪਤੀ ਪੁਲਿਸ ਮੈਡਲ 

ਹਰ ਸਾਲ ਗਣਤੰਤਰ ਦਿਵਸ ਵਾਲੇ ਦਿਨ ਅਸੀਂ ਆਪਣੇ ਗਤੀਸ਼ੀਲ ਲੋਕਤੰਤਰ ਅਤੇ ਰਾਸ਼ਟਰੀ ਏਕਤਾ ਦੀ ਭਾਵਨਾ ਦਾ ਤਿਓਹਾਰ ਮਨਾਉਂਦੇ ਹਾਂ। ਮਹਾਮਾਰੀ ਕਾਰਣ ਇਸ ਸਾਲ ਦੇ ਉਤਸਵ ਵਿਚ ਧੂਮਧਾਮ ਭਾਵੇਂ ਹੀ ਕੁਝ ਘੱਟ ਹੋਵੇ, ਪਰ ਸਾਡੀ ਭਾਵਨਾ ਹਮੇਸ਼ਾ ਦੀ ਤਰ੍ਹਾਂ ਮਜ਼ਬੂਤ ਹੈ। ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਨੇ ਕਿਹਾ ਕਿ ਗਣਤੰਤਰ ਦਿਵਸ ਦਾ ਇਹ ਦਿਨ ਉਨ੍ਹਾਂ ਮਹਾਨਾਇਕਾਂ ਨੂੰ ਯਾਦ ਕਰਨ ਦਾ ਮੌਕਾ ਵੀ ਹੈ ਜਿਨ੍ਹਾਂ ਨੇ ਸਵਰਾਜ ਦੇ ਸਪਨੇ ਨੂੰ ਸਾਕਾਰ ਕਰਨ ਲਈ ਅਤੁਲਨੀ ਸਾਹਸ ਦੀ ਪਛਾਣ ਦਿੱਤੀ ਅਤੇ ਉਸ ਦੇ ਲਈ ਦੇਸ਼ਵਾਸੀਆਂ ਵਿਚ ਸੰਘਰਸ਼ ਕਰਨ ਦਾ ਉਤਸ਼ਾਹ ਜਗਾਇਆ।
ਰਾਸ਼ਟਰਪਤੀ ਨੇ ਕਿਹਾ ਕਿ ਪੂਰੇ ਵਿਸ਼ਵ ਦੀ ਅਰਥਵਿਵਸਥਾ ‘ਤੇ ਸੱਟ ਵੱਜੀ ਹੈ। ਵਿਸ਼ਵ ਭਾਈਚਾਰੇ ਨੂੰ ਵੱਡੀ ਵਿਪਦਾ ਦਾ ਸਾਹਮਣਾ ਕਰਨਾ ਪਿਆ ਹੈ। ਨਿੱਤ ਨਵੇਂ ਰੂਪਾਂ ਵਿਚ ਇਹ ਵਾਇਰਸ ਨਵੇਂ ਸੰਕਟ ਪੇਸ਼ ਕਰਦਾ ਰਿਹਾ ਹੈ। ਮੈਨੂੰ ਇਹ ਕਹਿੰਦੇ ਹਓਏ ਮਾਣ ਮਹਿਸੂਸ ਹੁੰਦਾ ਹੈ ਕਿ ਅਸੀਂ ਕੋਰੋਨਾ ਦੇ ਖਿਲਾਫ ਅਸਾਧਾਰਣ ਦ੍ਰਿੜ-ਸੰਕਲਪ ਅਤੇ ਕਾਰਜ ਸਮਰੱਥਾ ਦਾ ਪ੍ਰਦਰਸ਼ਨ ਕੀਤਾ।
ਮਨੁੱਖੀ ਭਾਈਚਾਰੇ ਨੂੰ ਇਕ-ਦੂਜੇ ਦੀ ਸਹਾਇਤਾ ਦੀ ਇੰਨੀ ਲੋੜ ਕਦੇ ਨਹੀਂ ਪਈ ਸੀ ਜਿੰਨੀ ਕਿ ਅੱਜ ਹੈ। ਹੁਣ ਦੋ ਸਾਲ ਤੋਂ ਵੀ ਜ਼ਿਆਦਾ ਸਮਾਂ ਬੀਤ ਗਿਆ ਹੈ ਪਰ ਮਨੁੱਖਤਾ ਦਾ ਕੋਰੋਨਾ ਵਾਇਰਸ ਵਿਰੁੱਧ ਸੰਘਰਸ਼ ਅਜੇ ਵੀ ਜਾਰੀ ਹੈ। ਇਸ ਮਹਾਮਾਰੀ ਵਿਚ ਹਜ਼ਾਰਾਂ ਲੋਕਾਂ ਨੂੰ ਜਾਨ ਤੋਂ ਹੱਥ ਧੋਣਾ ਪਿਆ।