ਚੰਡੀਗੜ੍ਹ : ਸਵੇਰੇ ਨੀਂਦ ਖੁੱਲ੍ਹਣ ਤੋਂ ਬਾਅਦ ਜਦੋਂ ਤੁਸੀਂ ਬਿਸਤਰੇ ਤੋਂ ਹੇਠਾਂ ਪੈਰ ਰੱਖਦੇ ਹੋ, ਤਾਂ ਤਲਵਿਆਂ ਵਿੱਚ ਤੇਜ਼ ਦਰਦ ਹੋਣਾ ਇੱਕ ਆਮ ਸਮੱਸਿਆ ਬਣ ਗਈ ਹੈ। ਬਹੁਤ ਸਾਰੇ ਲੋਕਾਂ ਨੂੰ ਸਵੇਰੇ ਉੱਠਦਿਆਂ ਹੀ ਐੜੀ ਵਿੱਚ ਸੂਈਆਂ ਚੁਭਣ ਵਰਗਾ ਮਹਿਸੂਸ ਹੁੰਦਾ ਹੈ, ਜਦੋਂ ਕਿ ਕੁਝ ਲੋਕਾਂ ਨੂੰ ਤਲਵਿਆਂ ਵਿੱਚ ਖਿੱਚ ਜਾਂ ਜਕੜਨ ਦੀ ਸ਼ਿਕਾਇਤ ਰਹਿੰਦੀ ਹੈ।
ਸ਼ੁਰੂਆਤ ਵਿੱਚ ਕੁਝ ਕਦਮ ਚੱਲਣ ਤੋਂ ਬਾਅਦ ਇਹ ਦਰਦ ਘੱਟ ਹੋ ਜਾਂਦਾ ਹੈ, ਪਰ ਲੰਮਾ ਸਮਾਂ ਖੜ੍ਹੇ ਰਹਿਣ ਜਾਂ ਤੁਰਨ ਨਾਲ ਇਹ ਦੁਬਾਰਾ ਵੱਧ ਜਾਂਦਾ ਹੈ। ਆਓ ਜਾਣਦੇ ਹਾਂ ਇਸ ਸਮੱਸਿਆ ਦੇ ਮੁੱਖ ਕਾਰਨ ਅਤੇ ਇਸ ਤੋਂ ਬਚਣ ਦੇ ਉਪਾਵਾਂ ਬਾਰੇ।
Plantar Fasciitis ਹੋ ਸਕਦੈ ਮੁੱਖ ਕਾਰਨ
ਪੈਰਾਂ ਦੇ ਤਲਵੇ ਵਿੱਚ ਇੱਕ ਮਜ਼ਬੂਤ ਫਾਈਬਰ ਟਿਸ਼ੂ ਹੁੰਦਾ ਹੈ, ਜਿਸ ਨੂੰ ‘ਪਲਾਂਟਰ ਫੈਸਿਆ’ ਕਿਹਾ ਜਾਂਦਾ ਹੈ। ਇਹ ਟਿਸ਼ੂ ਐੜੀ ਦੀ ਹੱਡੀ ਨੂੰ ਪੈਰਾਂ ਦੀਆਂ ਉਂਗਲਾਂ ਨਾਲ ਜੋੜਦਾ ਹੈ ਅਤੇ ਤੁਰਨ ਵੇਲੇ ਸਰੀਰ ਦਾ ਭਾਰ ਸੰਭਾਲਣ ਵਿੱਚ ਮਦਦ ਕਰਦਾ ਹੈ। ਜਦੋਂ ਇਸ ਟਿਸ਼ੂ ਉੱਤੇ ਵਾਰ-ਵਾਰ ਜ਼ਿਆਦਾ ਦਬਾਅ ਪੈਂਦਾ ਹੈ, ਤਾਂ ਇਸ ਵਿੱਚ ਸੋਜ ਅਤੇ ਛੋਟੇ-ਛੋਟੇ ਨੁਕਸਾਨ ਹੋ ਜਾਂਦੇ ਹਨ।
सम्बंधित ख़बरें
ਇਸ ਸਥਿਤੀ ਨੂੰ ਮੈਡੀਕਲ ਭਾਸ਼ਾ ਵਿੱਚ ਪਲਾਂਟਰ ਫੈਸਿਏਟਿਸ ਆਖਿਆ ਜਾਂਦਾ ਹੈ। ਇਸ ਬਿਮਾਰੀ ਵਿੱਚ ਸਵੇਰੇ ਉੱਠ ਕੇ ਪਹਿਲਾ ਕਦਮ ਰੱਖਦਿਆਂ ਹੀ ਐੜੀ ਜਾਂ ਤਲਵੇ ਦੇ ਹੇਠਲੇ ਹਿੱਸੇ ਵਿੱਚ ਤੇਜ਼ ਦਰਦ ਹੁੰਦਾ ਹੈ।
ਗਲਤ ਜੁੱਤੇ ਅਤੇ ਜੀਵਨ ਸ਼ੈਲੀ ਵੀ ਹੈ ਜ਼ਿੰਮੇਵਾਰ
ਪੈਰਾਂ ਵਿੱਚ ਦਰਦ ਦਾ ਇੱਕ ਵੱਡਾ ਕਾਰਨ ਗਲਤ ਫੁਟਵੀਅਰ ਵੀ ਹੋ ਸਕਦਾ ਹੈ। ਬਹੁਤ ਸਖ਼ਤ ਤਲਵਿਆਂ ਵਾਲੀਆਂ ਚੱਪਲਾਂ, ਲੋੜੀਂਦੀ ਕੁਸ਼ਨਿੰਗ ਤੋਂ ਬਿਨਾਂ ਜੁੱਤੇ ਜਾਂ ਪੈਰਾਂ ਨੂੰ ਸਹੀ ਸਹਾਰਾ ਨਾ ਦੇਣ ਵਾਲੇ ਜੁੱਤੇ ਤਲਵਿਆਂ ‘ਤੇ ਦਬਾਅ ਵਧਾਉਂਦੇ ਹਨ।
ਖਾਸ ਕਰਕੇ ਜੇਕਰ ਤੁਸੀਂ ਲੰਮਾ ਸਮਾਂ ਸਖ਼ਤ ਫਰਸ਼ ‘ਤੇ ਖੜ੍ਹੇ ਰਹਿੰਦੇ ਹੋ, ਤਾਂ ਪਰੇਸ਼ਾਨੀ ਹੋਰ ਗੰਭੀਰ ਹੋ ਸਕਦੀ ਹੈ।ਇਸ ਤੋਂ ਇਲਾਵਾ, ਸਰੀਰ ਦਾ ਭਾਰ ਵਧਣ ਨਾਲ ਵੀ ਪੈਰਾਂ ਨੂੰ ਵਾਧੂ ਭਾਰ ਚੁੱਕਣਾ ਪੈਂਦਾ ਹੈ, ਜਿਸ ਨਾਲ ਐੜੀ ਅਤੇ ਤਲਵਿਆਂ ਦੇ ਟਿਸ਼ੂਆਂ ‘ਤੇ ਤਣਾਅ ਵਧ ਜਾਂਦਾ ਹੈ।
ਅਚਾਨਕ ਦੌੜਨਾ ਸ਼ੁਰੂ ਕਰਨਾ, ਔਖੀ ਕਸਰਤ ਕਰਨਾ ਜਾਂ ਲੰਮੇ ਸਮੇਂ ਤੱਕ ਸਰੀਰਕ ਗਤੀਵਿਧੀਆਂ ਤੋਂ ਦੂਰ ਰਹਿਣ ਤੋਂ ਬਾਅਦ ਇਕਦਮ ਜ਼ਿਆਦਾ ਤੁਰਨਾ ਵੀ ਇਸ ਦਰਦ ਦਾ ਕਾਰਨ ਬਣਦਾ ਹੈ।
ਬਚਾਅ ਲਈ ਅਪਣਾਓ ਇਹ ਖਾਸ ਗੱਲਾਂ
Do stretching.: ਬਿਸਤਰੇ ਤੋਂ ਉੱਠਣ ਤੋਂ ਪਹਿਲਾਂ ਹਲਕੀ ਸਟ੍ਰੈਚਿੰਗ ਕਰੋ। ਪੈਰਾਂ ਦੀਆਂ ਉਂਗਲਾਂ ਨੂੰ ਹੌਲੀ -ਹੌਲੀ ਆਪਣੀ ਵੱਲ ਖਿੱਚੋ ਅਤੇ ਕੁਝ ਸਕਿੰਟਾਂ ਲਈ ਰੋਕੋ।
Wear comfortable footwear.: ਘਰ ਦੇ ਅੰਦਰ ਵੀ ਸਖ਼ਤ ਫਰਸ਼ ‘ਤੇ ਨੰਗੇ ਪੈਰ ਤੁਰਨ ਤੋਂ ਪਰਹੇਜ਼ ਕਰੋ ਅਤੇ ਹਮੇਸ਼ਾ ਸੌਫਟ ਕੁਸ਼ਨਿੰਗ ਵਾਲੇ ਜੁੱਤੇ ਚੁਣੋ।
Ice cold pack: ਜੇਕਰ ਦਰਦ ਜ਼ਿਆਦਾ ਹੋਵੇ, ਤਾਂ ਕਿਸੇ ਕੱਪੜੇ ਵਿੱਚ ਬਰਫ਼ ਲਪੇਟ ਕੇ ਦਰਦ ਵਾਲੇ ਹਿੱਸੇ ‘ਤੇ 15 ਤੋਂ 20 ਮਿੰਟ ਤੱਕ ਸੇਕ ਕਰੋ।
ਡਾਕਟਰ ਨਾਲ ਕਦੋਂ ਸੰਪਰਕ ਕਰਨਾ ਜ਼ਰੂਰੀ ਹੈ?
ਜੇਕਰ ਤੁਹਾਡੇ ਪੈਰਾਂ ਦਾ ਦਰਦ ਲਗਾਤਾਰ ਬਣਿਆ ਰਹਿੰਦਾ ਹੈ ਅਤੇ ਤੁਰਨ ਵਿੱਚ ਵੀ ਗੰਭੀਰ ਪਰੇਸ਼ਾਨੀ ਆ ਰਹੀ ਹੈ, ਤਾਂ ਸਮਾਂ ਖਰਾਬ ਕੀਤੇ ਬਿਨਾਂ ਡਾਕਟਰ ਨੂੰ ਦਿਖਾਉਣਾ ਚਾਹੀਦਾ ਹੈ। ਜੇਕਰ ਘਰੇਲੂ ਨੁਸਖ਼ਿਆਂ ਨਾਲ ਵੀ ਕੋਈ ਰਾਹਤ ਨਹੀਂ ਮਿਲ ਰਹੀ ਅਤੇ ਪੈਰਾਂ ਵਿੱਚ ਸੋਜ ਜਾਂ ਕੋਈ ਹੋਰ ਬਦਲਾਅ ਨਜ਼ਰ ਆਉਣ, ਤਾਂ ਤੁਰੰਤ ਮਾਹਰ ਡਾਕਟਰ ਦੀ ਸਲਾਹ ਲਵੋ।
ਹੋਰ ਖਬਰਾਂ ਪੜ੍ਹਨ ਲਈ ਇੱਥੇ ਕਰੋ ਕਲਿੱਕ
ਖ਼ਬਰਾਂ ਦੇ ਅਪਡੇਟਸ ਲਈ LIVING INDIA NEWS 2 4/7 LIVE ਨਾਲ ਜੁੜੇ ਰਹੋ।