ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:– ਕੋਵਿਡ -19 ਦੇ ਸੰਕਰਮਣ ਦਾ ਜੋਖਮ ਮੌਤ ਤੋਂ ਵੀ ਜ਼ਿਆਦਾ ਹੈ। ਇਸ ਕਾਰਨ ਇਕ ਬਜ਼ੁਰਗ ਵਿਅਕਤੀ ਦਾ ਅੰਤਮ ਸੰਸਕਾਰ ਵੀ ਪੰਜ ਦਿਨਾਂ ਬਾਅਦ ਪੂਰਾ ਹੋਇਆ ਹੈ। ਇਟਲੀ ਦਾ ਰਹਿਣ ਵਾਲਾ ਪੁੱਤਰ ਆਪਣੇ ਪਿਤਾ ਦੀ ਮੌਤ ਦੀ ਖ਼ਬਰ ਮਿਲਦਿਆਂ ਹੀ ਜਦੋਂ ਦਿੱਲੀ ਪਰਤਿਆਂ ਤਾਂ ਉਸ ਨੂੰ ਉੱਥੇ ਹੀ ਰੋਕ ਦਿੱਤਾ ਗਿਆ।
ਚਾਰ ਦਿਨਾਂ ਤੱਕ ਆਇਸੋਲੇਸ਼ਨ ‘ਚ ਰੱਖੇ ਜਾਣ ਤੋਂ ਬਾਅਦ ਉਸ ਨੂੰ ਪਿਤਾ ਦੇ ਸੰਸਕਾਰ ਦੀ ਆਗਿਆ ਮਿਲੀ। ਇਨ੍ਹਾਂ ਚਾਰ ਦਿਨਾਂ ‘ਚ ਨੌਜਵਾਨ ਦੇ ਖੂਨ ਦੇ ਨਮੂਨੇ ਦੀ ਜਾਂਚ ਕੀਤੀ ਗਈ ਤੇ ਟੈਸਟ ਨੈਗੇਟਿਵ ਆਉਂਣ ‘ਤੇ ਹੀ ਪਿਤਾ ਦੇ ਅੰਤਿਮ ਸੰਸਕਾਰ ਦੀ ਆਗਿਆ ਮਿਲੀ। ਨੌਜਵਾਨ ਨੇ ਪੰਜਾਬ ਦੇ ਖੰਨਾ ਸ਼ਹਿਰ ‘ਚ ਪੁਲਿਸ ਦੀ ਨਿਗਰਾਨੀ ਹੇਠ ਪਿਤਾ ਦਾ ਦਾਹ ਸੰਸਕਾਰ ਕੀਤਾ। ਪ੍ਰਸ਼ਾਸਨ ਦੀ ਹਿਦਾਇਤਾਂ ਮੁਤਾਬਿਕ ਅੰਤਿਮ ਯਾਤਰਾ ‘ਚ ਸ਼ਾਮਿਲ ਲੋਕਾਂ ਨੇ ਮੁੰਹ ‘ਤੇ ਮਾਸਕ ਲਗਾਇਆ ਹੋਇਆ ਸੀ। ਉੱਥੇ ਹੀ ਬੇਟੇ ਕੋਲ ਕਿਸੇ ਨੂੰ ਵੀ ਜਾਣ ਦੀ ਆਗਿਆ ਨਹੀਂ ਸੀ।
ਇਸ ਬਾਰੇ ਜਦੋਂ ਮ੍ਰਿਤਕ ਦੇ ਰਿਸ਼ਤੇਦਾਰਾਂ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਦੱਸਿਆ ਕਿ, ਪੰਜ ਦਿਨਾਂ ਪਹਿਲਾਂ ਦਿਲ ਦਾ ਦੌਰਾ ਪੈਣ ਨਾਲ ਉਨ੍ਹਾਂ ਦੀ ਮੌਤ ਹੋਈ ਸੀ। ਬੇਟੇ ਦੇ ਦੇਸ਼ ਬੇਟੇ ਦੇ ਦੇਸ਼ ‘ਚ ਨਾ ਹੋਣ ਕਾਰਨ ਪੰਜ ਦਿਨਾਂ ਤੱਕ ਅੰਤਿਮ ਸੰਸਕਾਰ ਰੋਕਣਾ ਪਿਆ। ਦਿੱਲੀ ‘ਚ ਕੋਰੋਨਾ ਦੇ ਟੈਸਟ ਨੈਗੇਟਿਵ ਆਉਂਣ ‘ਤੇ ਬੇਟੇ ਨੂੰ ਪਿਤਾ ਦੇ ਦਾਹ ਸੰਸਕਾਰ ਲਈ ਭੇਜਿਆ ਗਿਆ।
14 ਦਿਨਾਂ ਤੱਕ ਨੌਜਵਾਨ ਨੂੰ ਰੱਖਿਆ ਜਾਵੇਗਾ ਆਇਸੋਲੇਸ਼ਨ ਵਾਰਡ ‘ਚ
ਐਸਐਮਓ ਰਜਿੰਦਰ ਗੁਲਾਟੀ ਨੇ ਲੋਕਾਂ ਤੋਂ ਅਪੀਲ ਕੀਤੀ ਕਿ, ਨੌਜਵਾਨ ਦੇ ਸਾਰੇ ਲਾਜ਼ਮੀ ਟੈਸਟ ਕੀਤੇ ਜਾ ਚੁੱਕੇ ਹਨ ਅਤੇ ਉਹ ਸਵੱਸਥ ਹੈ। ਸਾਰੇ ਪ੍ਰਬੰਧ ਇਕ ਸਾਵਧਾਨੀ ਵਜੋਂ ਕੀਤੇ ਜਾ ਰਹੇ ਹਨ। ਨੌਜਵਾਨਾਂ ਨੂੰ 14 ਦਿਨਾਂ ਲਈ ਵੱਖਰੇ ਕਮਰੇ ਵਿ$ਚ ਰਹਿਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਉਨ੍ਹਾਂ ਨੂੰ ਇਹ ਵੀ ਕਿਹਾ ਗਿਆ ਹੈ ਕਿ, ਉਹ ਕਿਸੇ ਨਾਲ ਗੱਲ ਨਾ ਕਰਨ। ਕਿਉਂਕਿ ਉਹ ਸ਼ਾਦੀਸ਼ੁਦਾ ਹੈ ਅਤੇ ਦੋ ਬੱਚਿਆਂ ਦਾ ਪਿਤਾ ਹੈ, ਉਸਨੂੰ ਵੀ ਉਸ ਤੋਂ ਦੂਰ ਰਹਿਣ ਲਈ ਕਿਹਾ ਗਿਆ ਹੈ। ਦੂਜੇ ਪਾਸੇ, ਸਰਕਾਰੀ ਹਸਪਤਾਲ ਦਾ ਇੱਕ ਡਾਕਟਰ ਹਰ ਦਿਨ ਪਰਿਵਾਰਕ ਮੈਂਬਰਾਂ ਨਾਲ ਗੱਲਬਾਤ ਕਰੇਗਾ।