ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:-ਦਿੱਲੀ ਪੁਲਿਸ ਦੀ ਸਪੈਸ਼ਲ ਸੈੱਲ ਨੇ ਗਿਰਫਤਾਰ ਕੀਤੇ ਆਈਐਸਆਈਐਸ ਦੇ ਅੱਤਵਾਦੀ ਅਬੂ ਯੂਸੁਫ ਦੀ ਨਿਸ਼ਾਨਦੇਹੀ ਉੱਤੇ ਉਸ ਦੇ ਯੂਪੀ ਸਥਿਤ ਘਰ ਵਿਚ ਛਾਪੇਮਾਰੀ ਕੀਤੀ ਹੈ ਜਿਸ ਦੌਰਾਨ ਪੁਲਿਸ ਨੂੰ ਬੰਬ ਬਣਾਉਣ ਦਾ ਸਮਾਨ, ਵਿਸਫੋਟਕ ਸਮੱਗਰੀ ਅਤੇ ਕਈ ਹੋਰ ਖਤਰਨਾਕ ਚੀਜ਼ਾਂ ਬਰਾਮਦ ਹੋਈਆਂ ਹਨ। ਉੱਥੇ ਹੀ ਯੂਸੁਫ ਦੀ ਪਤਨੀ ਨੇ ਵੀ ਮੰਨਿਆ ਹੈ ਕਿ ਉਹ ਬੰਬ ਆਦਿ ਬਣਾਉਣ ਲਈ ਬਾਰੁਦ ਅਤੇ ਹੋਰ ਸਮਗਰੀ ਘਰ ਲਿਆਉਂਦਾ ਸੀ।
Balrampur: Incriminating materials recovered from the residence of ISIS operative Abu Yusuf who was arrested yesterday in Delhi. pic.twitter.com/GiKPsoM7Dg
— ANI UP/Uttarakhand (@ANINewsUP) August 23, 2020
ਦਰਅਸਲ ਬੀਤੇ ਸ਼ਨੀਵਾਰ ਨੂੰ ਦਿੱਲੀ ਪੁਲਿਸ ਦੀ ਸਪੈਸ਼ਲ ਸੈੱਲ ਨੇ ਯੁਸੂਫ ਨੂੰ ਇਕ ਮੁਠਭੇੜ ਤੋਂ ਬਾਅਦ ਗਿਰਫਤਾਰ ਕੀਤਾ ਸੀ ਅਤੇ ਪੁੱਛਗਿੱਛ ਦੌਰਾਨ ਪੁਲਿਸ ਅਤੇ ਐਸਟੀਐਫ ਦੀ ਟੀਮ ਯੂਪੀ ਦੇ ਬਲਰਾਮਪੁਰ ਸਥਿਤ ਉਸ ਦੇ ਘਰ ਪਹੁੰਚੀ। ਪੁਲਿਸ ਨੇ ਘਰ ਵਿਚ ਛਾਪੇਮਾਰੀ ਕੀਤੀ ਅਤੇ ਵੱਡੀ ਮਾਤਰਾ ਵਿਚ ਵਿਸਫੋਟਕ ਸਮੱਗਰੀ ਨੂੰ ਬਰਾਮਦ ਕੀਤਾ ਹੈ। ਪੁਲਿਸ ਨੂੰ ਯੁਸੂਫ ਦੇ ਘਰੋਂ 9 ਕਿਲੋ ਵਿਸਫੋਟਕ ਬਾਰੂਦ, ਇਕ ਲੈਦਰ ਬੈਲਟ, ਤਿੰਨ ਵਿਸਫੋੋਟਕਾਂ ਦੇ ਪੈਕੇਟਾਂ ਨਾਲ ਲੈੱਸ ਜੈਕੇਟਾਂ, 3 ਸਿਲੰਡਰ ਮੈਟਲ ਬੋਕਸ, ਟਾਰਗੇਟ ਅਭਿਆਸ ਲਈ ਵੁੱਡਨ ਕਾਰਡ, 30 ਤੋਂ ਜ਼ਿਆਦਾ ਬਾਲ ਬੀਅਰਿੰਗ, ਤਿੰਨ ਲਿਥੀਅਮ ਬੈਟਰੀਆਂ, ਇਕ ਵਾਇਰ ਕੱਟਰ, ਟੇਬਲ ਅਲਾਰਮ ਅਤੇ ਇਕ ਆਈਐਸਆਈਐਸ ਦਾ ਝੰਡਾ ਬਰਾਮਦ ਹੋਇਆ ਹੈ।
He had stored gunpowder & other materials at home here. When I told him he should not do such things, he told me that I should not stop him. I wish he could be forgiven. I have four kids. Where will I go?: Wife of Abu Yusuf (ISIS operative arrested from Delhi y'day) in Balrampur pic.twitter.com/BKEmPHiO3I
— ANI UP/Uttarakhand (@ANINewsUP) August 23, 2020
ਖਬਰ ਏਜੰਸੀ ਏਐਨਆਈ ਦੇ ਟਵਿੱਟ ਅਨੁਸਾਰ ਯੂਸੁਫ ਦੀ ਪਤਨੀ ਨੇ ਦੱਸਿਆ ਹੈ ਕਿ ”ਉਸ ਦੇ ਪਤੀ ਨੇ ਵਿਚ ਬਾਰੂਦ ਅਤੇ ਹੋਰ ਸਮੱਗਰੀ ਜਮ੍ਹਾ ਕਰਕੇ ਰੱਖੀ ਸੀ, ਜਦੋਂ ਮੈ ਉਸ ਨੂੰ ਅਜਿਹਾ ਕੰਮ ਕਰਨ ਤੋਂ ਰੋਕਿਆ ਤਾਂ ਉਸ ਨੇ ਮੈਨੂੰ ਕਿਹਾ ਕਿ ਕੰਮ ਵਿਚ ਦਖਲ ਨਾ ਦੇਵੇ। ਮੈ ਚਾਹੁੰਦੀ ਹਾਂ ਕਿ ਉਸ ਨੂੰ ਮੁਆਫ ਕਰ ਦੇਣਾ ਚਾਹੀਦਾ ਹੈ, ਕਿਉਂਕਿ ਸਾਡੇ 4 ਬੱਚੇ ਹਨ ਅਤੇ ਅਸੀ ਆਖਰ ਕਿੱਥੇ ਜਾਵਾਂਗੇ”। ਦੱਸਿਆ ਇਹ ਵੀ ਜਾ ਰਿਹਾ ਹੈ ਕਿ ਉਸ ਦੇ ਘਰੋਂ ਕਈ ਹੋਰ ਅਹਿਮ ਦਸਤਾਵੇਜ਼ ਵੀ ਮਿਲੇ ਹਨ ਜਿਸ ਨਾਲ ਉਸ ਦੇ ਖਤਰਨਾਕ ਅੱਤਵਾਦੀ ਹੋਣ ਦੀ ਪੁਸ਼ਟੀ ਹੁੰਦੀ ਹੈ।