ਮੁੰਬਈ : ਬਾਲੀਵੁੱਡ ਅਦਾਕਾਰਾ ਤਾਰਾ ਸੁਤਾਰੀਆ ਅਤੇ ਵੀਰ ਪਹਾੜੀਆ ਪਿਛਲੇ ਕੁਝ ਦਿਨਾਂ ਤੋਂ ਸੋਸ਼ਲ ਮੀਡੀਆ ‘ਤੇ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ। ਹਾਲ ਹੀ ਵਿੱਚ ਮੁੰਬਈ ਵਿੱਚ ਹੋਏ ਮਸ਼ਹੂਰ ਪੰਜਾਬੀ ਗਾਇਕ ਏਪੀ ਢਿੱਲੋਂ ਦੇ ਕੰਸਰਟ ਦੌਰਾਨ ਇੱਕ ਵੀਡੀਓ ਵਾਇਰਲ ਹੋਈ ਸੀ, ਜਿਸ ਤੋਂ ਬਾਅਦ ਤਾਰਾ ਅਤੇ ਵੀਰ ਦੇ ਰਿਸ਼ਤੇ ਨੂੰ ਲੈ ਕੇ ਕਈ ਤਰ੍ਹਾਂ ਦੀਆਂ ਅਫ਼ਵਾਹਾਂ ਉੱਡਣ ਲੱਗੀਆਂ। ਹੁਣ ਇਸ ਪੂਰੇ ਮਾਮਲੇ ‘ਤੇ ਸੱਚਾਈ ਸਾਹਮਣੇ ਆ ਗਈ ਹੈ।
Orry ਨੇ ਦਿਖਾਇਆ ਅਸਲੀ ਮੰਜ਼ਰ
ਸੋਸ਼ਲ ਮੀਡੀਆ ਸਟਾਰ Orry ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ ‘ਤੇ ਕੰਸਰਟ ਦੀ ਇੱਕ ‘ਰੀਅਲ-ਟਾਈਮ’ ਫੁਟੇਜ ਸਾਂਝੀ ਕੀਤੀ ਹੈ। ਇਸ ਵੀਡੀਓ ਵਿੱਚ ਸਾਫ਼ ਦੇਖਿਆ ਜਾ ਸਕਦਾ ਹੈ ਕਿ ਜਦੋਂ ਤਾਰਾ ਸੁਤਾਰੀਆ ਸਟੇਜ ‘ਤੇ ਏਪੀ ਢਿੱਲੋਂ ਨਾਲ ਡਾਂਸ ਕਰ ਰਹੀ ਸੀ, ਉਸ ਸਮੇਂ ਵੀਰ ਪਹਾੜੀਆ ਪਰੇਸ਼ਾਨ ਨਹੀਂ ਬਲਕਿ ਬੇਹੱਦ ਖੁਸ਼ ਸਨ। ਉਹ ਆਪਣੀ ਗਰਲਫ੍ਰੈਂਡ ਨੂੰ ਸਟੇਜ ‘ਤੇ ਪਰਫਾਰਮ ਕਰਦੇ ਦੇਖ ਕੇ ਖੁਦ ਵੀ ਡਾਂਸ ਕਰ ਰਹੇ ਸਨ ਅਤੇ ਉਸ ਪਲ ਦਾ ਆਨੰਦ ਮਾਣ ਰਹੇ ਸਨ। Orry ਨੇ ਸਪੱਸ਼ਟ ਕੀਤਾ ਕਿ ਪਹਿਲਾਂ ਵਾਇਰਲ ਹੋਈ ਵੀਡੀਓ ਗਲਤ ਤਰੀਕੇ ਨਾਲ ਐਡਿਟ ਕੀਤੀ ਗਈ ਸੀ।
View this post on Instagram
सम्बंधित ख़बरें
ਤਾਰਾ ਸੁਤਾਰੀਆ ਨੇ ‘ Paid PR’ ‘ਤੇ ਕੱਢੀ ਭੜਾਸ
ਇਸ ਵਿਵਾਦ ਤੋਂ ਬਾਅਦ ਤਾਰਾ ਸੁਤਾਰੀਆ ਨੇ ਵੀ ਚੁੱਪੀ ਤੋੜੀ ਹੈ। ਉਸਨੇ ਸੋਸ਼ਲ ਮੀਡੀਆ ‘ਤੇ ਨਾਰਾਜ਼ਗੀ ਜ਼ਾਹਿਰ ਕਰਦਿਆਂ ਲਿਖਿਆ ਕਿ ‘ਚਲਾਕ ਐਡੀਟਿੰਗ’ ਅਤੇ ਪੈਸੇ ਦੇ ਕੇ ਚਲਾਏ ਗਏ ‘ਪੇਡ ਪੀਆਰ’ (Paid PR) ਮੁਹਿੰਮਾਂ ਉਨ੍ਹਾਂ ਦੇ ਰਿਸ਼ਤੇ ਨੂੰ ਪ੍ਰਭਾਵਿਤ ਨਹੀਂ ਕਰ ਸਕਦੀਆਂ। ਤਾਰਾ ਨੇ ਏਪੀ ਢਿੱਲੋਂ ਦੀ ਤਾਰੀਫ਼ ਕਰਦੇ ਹੋਏ ਕਿਹਾ ਕਿ ਉਹ ਕਾਂਸਰਟ ਬਹੁਤ ਸ਼ਾਨਦਾਰ ਸੀ ਅਤੇ ਅਖੀਰ ਵਿੱਚ ਜਿੱਤ ਹਮੇਸ਼ਾ ਪਿਆਰ ਅਤੇ ਸੱਚਾਈ ਦੀ ਹੀ ਹੁੰਦੀ ਹੈ। ਉਸਨੇ ਅਫ਼ਵਾਹਾਂ ਫੈਲਾਉਣ ਵਾਲਿਆਂ ਨੂੰ ਕਰਾਰਾ ਜਵਾਬ ਦਿੰਦੇ ਹੋਏ ਕਿਹਾ ਕਿ ਮਜ਼ਾਕ ਤਾਂ ਉਨ੍ਹਾਂ ਦਾ ਹੀ ਬਣਿਆ ਹੈ।
View this post on Instagram
ਕਿੱਥੋਂ ਸ਼ੁਰੂ ਹੋਇਆ ਸੀ ਵਿਵਾਦ?
ਦਰਅਸਲ, ਇੱਕ ਐਡਿਟ ਕੀਤੀ ਵੀਡੀਓ ਸਾਹਮਣੇ ਆਈ ਸੀ ਜਿਸ ਵਿੱਚ ਦਿਖਾਇਆ ਗਿਆ ਸੀ ਕਿ ਜਦੋਂ ਏਪੀ ਢਿੱਲੋਂ ਨੇ ਸਟੇਜ ‘ਤੇ ਤਾਰਾ ਨੂੰ ‘ਕਿਸ’ (Kiss) ਕੀਤਾ ਅਤੇ ਗਲੇ ਲਗਾਇਆ, ਤਾਂ ਸਾਹਮਣੇ ਖੜ੍ਹੇ ਵੀਰ ਪਹਾੜੀਆ ਤਣਾਅ ਵਿੱਚ ਨਜ਼ਰ ਆ ਰਹੇ ਸਨ। ਇਸ ਵੀਡੀਓ ਦੇ ਆਧਾਰ ‘ਤੇ ਲੋਕਾਂ ਨੇ ਦੋਵਾਂ ਦੇ ਬ੍ਰੇਕਅੱਪ ਦੀਆਂ ਗੱਲਾਂ ਸ਼ੁਰੂ ਕਰ ਦਿੱਤੀਆਂ ਸਨ। ਪਰ ਹੁਣ ਨਵੇਂ ਸਾਲ ਦੇ ਮੌਕੇ ‘ਤੇ ਤਾਰਾ ਅਤੇ ਵੀਰ ਦਾ ਇਕੱਠੇ ਛੁੱਟੀਆਂ ਮਨਾਉਣ ਲਈ ਨਿਕਲਣਾ ਅਤੇ ਓਰੀ ਵੱਲੋਂ ਸਾਂਝੀ ਕੀਤੀ ਵੀਡੀਓ ਨੇ ਸਭ ਕੁਝ ਸਾਫ਼ ਕਰ ਦਿੱਤਾ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਇੱਥੇ ਕਰੋ ਕਲਿੱਕ : https://livingindianews.co.in/deepika-padukone-arrives-in-las-vegas-has-fun-with-her-friend-at-the-backstreet-boys-concert/
ਖ਼ਬਰਾਂ ਲਈ ਲਿਵਿੰਗ ਇੰਡੀਆ ਨਿਊਜ਼ 24/7 ਲਾਈਵ ਨਾਲ ਜੁੜੇ ਰਹੋ