ਦੇਸ਼ ਭਰ 'ਚ ਅੱਜ 3 ਲੋਕ ਸਭਾ ਅਤੇ 29 ਵਿਧਾਨ ਸਭਾ ਸੀਟਾਂ 'ਤੇ ਜ਼ਿਮਨੀ ਚੋਣਾਂ ਲਈ ਵੋਟਿੰਗ ਸ਼ੁਰੂ

ਨਵੀਂ ਦਿੱਲੀ : ਦੇਸ਼ ਦੇ 13 ਰਾਜਾਂ ਦੀਆਂ ਤਿੰਨ ਲੋਕ ਸਭਾ ਸੀਟਾਂ ਅਤੇ 30 ਵਿਧਾਨ ਸਭਾ ਸੀਟਾਂ 'ਤੇ ਹੋਣ ਵਾਲੀਆਂ ਉਪ ਚੋਣਾਂ ਲਈ ਅੱਜ ਵੋਟਿੰਗ ਸ਼ੁਰੂ ਹੋ ਗਈ ਹੈ। ਜ਼ਿਆਦਾਤਰ ਸੀਟਾਂ 'ਤੇ ਮੁੱਖ ਮੁਕਾਬਲਾ ਭਾਜਪਾ ਅਤੇ ਕਾਂਗਰਸ ਦੇ ਉਮੀਦਵਾਰਾਂ ਵਿਚਕਾਰ ਹੈ। ਚੋਣ ਕਮਿਸ਼ਨ ਨੇ ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਮੱਦੇਨਜ਼ਰ ਉਪ ਚੋਣਾਂ ਵਿੱਚ ਕਈ ਪਾਬੰਦੀਆਂ ਲਗਾਈਆਂ ਹਨ। 9 ਲੋਕ ਸਭਾ ਹਲਕਿਆਂ ਵਿੱਚ ਮੌਜੂਦਾ ਮੈਂਬਰਾਂ ਦੀ ਮੌਤ ਹੋ ਚੁੱਕੀ ਹੈ। ਮਾਰਚ ਵਿੱਚ ਰਾਮਸਵਰੂਪ ਸ਼ਰਮਾ (ਭਾਜਪਾ) ਦੀ ਮੌਤ ਤੋਂ ਬਾਅਦ ਮੰਡੀ ਸੀਟ ਖਾਲੀ ਹੋ ਗਈ ਸੀ। ਖੰਡਵਾ ਸੰਸਦੀ ਹਲਕੇ ਲਈ ਉਪ ਚੋਣ ਭਾਜਪਾ ਮੈਂਬਰ ਨੰਦ ਕੁਮਾਰ ਸਿੰਘ ਚੌਹਾਨ ਦੀ ਮੌਤ ਕਾਰਨ ਹੋ ਰਹੀ ਹੈ, ਜਦੋਂ ਕਿ ਦਾਦਰਾ ਅਤੇ ਨਗਰ ਹਵੇਲੀ ਤੋਂ ਆਜ਼ਾਦ ਲੋਕ ਸਭਾ ਮੈਂਬਰ ਮੋਹਨ ਡੇਲਕਰ ਫਰਵਰੀ ਵਿੱਚ ਮੁੰਬਈ ਦੇ ਇੱਕ ਹੋਟਲ ਵਿੱਚ ਮ੍ਰਿਤਕ ਪਾਏ ਗਏ ਸਨ।

Also Read : ਪਾਕਿਸਤਾਨ ਦੇ ਸ਼ਿਵ ਮੰਦਰ 'ਚ ਹੋਈ ਭੰਨਤੋੜ, ਗਹਿਣੇ ਅਤੇ ਹੋਰ ਕੀਮਤੀ ਸਾਮਾਨ ਚੋਰੀ

ਲੋਕ ਸਭਾ ਦੀਆਂ ਇਨ੍ਹਾਂ ਤਿੰਨਾਂ ਸੀਟਾਂ 'ਤੇ ਹੋਣਗੀਆਂ ਚੋਣਾਂ

ਜਿਨ੍ਹਾਂ ਸੀਟਾਂ 'ਤੇ ਲੋਕ ਸਭਾ ਜ਼ਿਮਨੀ ਚੋਣਾਂ ਹੋਣੀਆਂ ਹਨ, ਉਨ੍ਹਾਂ 'ਚ ਦਾਦਰਾ ਅਤੇ ਨਗਰ ਹਵੇਲੀ, ਹਿਮਾਚਲ ਪ੍ਰਦੇਸ਼ 'ਚ ਮੰਡੀ ਅਤੇ ਮੱਧ ਪ੍ਰਦੇਸ਼ 'ਚ ਖੰਡਵਾ ਸ਼ਾਮਲ ਹਨ।

Also Read : ਏਲਨਾਬਾਦ ਵਿਧਾਨ ਸਭਾ ਸੀਟ ਲਈ ਸ਼ੁਰੂ ਹੋਈ ਵੋਟਿੰਗ

30 ਵਿਧਾਨ ਸਭਾ ਸੀਟਾਂ 'ਤੇ ਹੋਣੀਆਂ ਹਨ ਉਪ ਚੋਣਾਂ   

ਅਸਾਮ ਦੀਆਂ 5 ਸੀਟਾਂ -   ਗੁਸਾਈਂਗਾਓਂ, ਭਬਾਨੀਪੁਰ, ਤਾਮੂਲਪੁਰ, ਮਰਿਆਨੀ ਅਤੇ ਥੋਰਾ ਵਿਧਾਨ ਸਭਾ ਸੀਟਾਂ 'ਤੇ ਚੋਣ
ਪੱਛਮੀ ਬੰਗਾਲ ਦੀਆਂ 4 ਸੀਟਾਂ 'ਤੇ ਚੋਣ -   ਦਿਨਹਾਟਾ, ਸ਼ਾਂਤੀਪੁਰ, ਖਰਦਾਹ, ਗੋਸਾਬਾ ਵਿਧਾਨ ਸਭਾ ਸੀਟ।
ਮੱਧ ਪ੍ਰਦੇਸ਼ ਦੀਆਂ 3 ਸੀਟਾਂ -   ਜੋਬਤ, ਰਾਏਗਾਂਵ ਅਤੇ ਪ੍ਰਿਥਵੀਪੁਰ ਵਿਧਾਨ ਸਭਾ ਸੀਟਾਂ 'ਤੇ ਚੋਣਾਂ ਹੋ ਰਹੀਆਂ ਹਨ।
ਹਿਮਾਚਲ ਪ੍ਰਦੇਸ਼ ਦੀਆਂ 3 ਸੀਟਾਂ -   ਅਰਕੀ, ਫਤਿਹਪੁਰ ਅਤੇ ਜੁਬਲ-ਕੋਟਖਾਈ ਵਿਧਾਨ ਸਭਾ ਸੀਟਾਂ 'ਤੇ ਚੋਣ
ਮੇਘਾਲਿਆ ਦੀਆਂ 3 ਸੀਟਾਂ -   ਮਾਵਰਿੰਗਕੇਂਗ, ਮਾਵਫਲਾਂਗ ਅਤੇ ਰਾਜਾਬਾਲਾ ਵਿਧਾਨ ਸਭਾ ਸੀਟਾਂ ਲਈ ਚੋਣ।
ਬਿਹਾਰ ਦੀਆਂ 2 ਸੀਟਾਂ -   ਤਾਰਾਪੁਰ ਅਤੇ ਕੁਸ਼ੇਸ਼ਵਰਸਥਾਨ ਵਿਧਾਨ ਸਭਾ ਸੀਟਾਂ 'ਤੇ ਚੋਣਾਂ ਹੋ ਰਹੀਆਂ ਹਨ।
ਕਰਨਾਟਕ ਦੀਆਂ 2 ਸੀਟਾਂ -   ਸਿੰਗਾਦੀ ਅਤੇ ਹੰਗਲ ਵਿਧਾਨ ਸਭਾ ਸੀਟਾਂ 'ਤੇ ਚੋਣਾਂ।
ਰਾਜਸਥਾਨ ਦੀਆਂ 2 ਸੀਟਾਂ -   ਵੱਲਭਨਗਰ ਅਤੇ ਧਾਰਿਆਵੜ ਵਿਧਾਨ ਸਭਾ ਸੀਟ 'ਤੇ ਚੋਣ
ਆਂਧਰਾ ਪ੍ਰਦੇਸ਼ ਦੀ ਬਡਵੇਲ ਵਿਧਾਨ ਸਭਾ ਸੀਟ
ਹਰਿਆਣਾ ਦੀ ਏਲਨਾਬਾਦ ਵਿਧਾਨ ਸਭਾ ਸੀਟ
ਮਹਾਰਾਸ਼ਟਰ ਦੀ ਦੇਗਲੂਰ ਵਿਧਾਨ ਸਭਾ ਸੀਟ
ਮਿਜ਼ੋਰਮ ਦੀ ਤੁਇਰਾਲ ਵਿਧਾਨ ਸਭਾ ਸੀਟ
ਨਾਗਾਲੈਂਡ ਅਤੇ ਤੇਲੰਗਾਨਾ ਹੁਜ਼ੁਰਾਬਾਦ ਵਿੱਚ ਇੱਕ-ਇੱਕ ਸੀਟ ਹੈ।