ਰੂਸ ਨੇ ਯੂਕਰੇਨ 'ਤੇ ਕੀਤੇ ਹਵਾਈ ਹਮਲੇ ਤੇਜ਼, 9 ਦੀ ਮੌਤ ਤੇ 57 ਜ਼ਖਮੀ 

ਕੀਵ- ਅੱਜ ਰੂਸ ਯੂਕਰੇਨ ਯੁੱਧ ਦਾ 18ਵਾਂ ਦਿਨ ਹੈ। ਰੂਸ-ਯੂਕਰੇਨ ਜੰਗ ਰੁਕਣ ਦੀ ਬਜਾਏ ਵਧਦੀ ਜਾ ਰਹੀ ਹੈ। ਜੰਗ ਦੇ 18ਵੇਂ ਦਿਨ ਰੂਸੀ ਫ਼ੌਜ ਲਗਾਤਾਰ ਹਮਲੇ ਕਰ ਰਹੀ ਹੈ। ਯੂਕਰੇਨ ਦੇ ਜ਼ਿਆਦਾਤਰ ਸ਼ਹਿਰ ਸੜ ਰਹੇ ਹਨ। ਸਥਿਤੀ ਇਹ ਹੈ ਕਿ ਲਗਾਤਾਰ ਗੋਲਾਬਾਰੀ ਕਾਰਨ ਸਰਕਾਰੀ ਇਮਾਰਤਾਂ ਅਤੇ ਘਰ ਤਬਾਹ ਹੋ ਗਏ ਹਨ।

Also Read: ਅੰਮ੍ਰਿਤਸਰ 'ਚ ਰੋਡ ਸ਼ੋਅ 'ਚ ਸੁਣੋ ਕੀ ਬੋਲੇ ਭਗਵੰਤ ਮਾਨ

ਕੀਵ ਇੰਡੀਪੈਂਡੈਂਟ ਨੇ ਮੇਅਰ ਰੁਸਲਾਨ ਮਾਰਟਸਿੰਕੀਵ ਦੇ ਹਵਾਲੇ ਨਾਲ ਕਿਹਾ ਕਿ ਰੂਸੀ ਬਲਾਂ ਨੇ 13 ਮਾਰਚ ਨੂੰ ਇਵਾਨੋ-ਫ੍ਰੈਂਕਿਵਸਕ ਏਅਰਬੇਸ 'ਤੇ ਹਮਲਾ ਕੀਤਾ ਸੀ। ਮਾਰਟਸਿੰਕੀਵ ਨੇ ਕਿਹਾ ਕਿ ਰੂਸ ਵੱਲੋਂ ਲਗਾਤਾਰ ਦੂਜੇ ਦਿਨ ਏਅਰਬੇਸ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ। ਉਸ ਨੇ ਏਅਰਬੇਸ ਦੇ ਨੇੜੇ ਰਹਿਣ ਵਾਲੇ ਲੋਕਾਂ ਨੂੰ ਜਾਣ ਦੀ ਅਪੀਲ ਕੀਤੀ ਹੈ। ਇਸ ਦੇ ਨਾਲ ਹੀ ਰੂਸੀ ਸੈਨਿਕਾਂ ਨੇ ਕੀਵ ਵਿਚ ਗ੍ਰੀਨ ਕੋਰੀਡੋਰ ਰਾਹੀਂ ਬਚਾਅ ਕਰ ਰਹੀਆਂ ਔਰਤਾਂ ਅਤੇ ਬੱਚਿਆਂ 'ਤੇ ਗੋਲੀਬਾਰੀ ਕੀਤੀ। ਇਸ ਦੌਰਾਨ ਕੀਵ ਇੰਡੀਪੈਂਡੈਂਟ ਨੇ ਦਾਅਵਾ ਕੀਤਾ ਹੈ ਕਿ ਲਵੀਵ ਅਤੇ ਖੇਰਸਨ ਵਿੱਚ ਕਈ ਧਮਾਕਿਆਂ ਦੀ ਆਵਾਜ਼ ਸੁਣੀ ਗਈ ਹੈ।

Also Read: 16 ਮਾਰਚ ਨੂੰ ਇਕੱਲੇ ਭਗਵੰਤ ਮਾਨ ਹੀ CM ਵਜੋਂ ਚੁੱਕਣਗੇ ਸਹੁੰ

ਰੂਸੀ ਹਵਾਈ ਹਮਲੇ 'ਚ 9 ਦੀ ਮੌਤ
ਯੂਕਰੇਨ 'ਤੇ ਰੂਸ ਦਾ ਹਮਲਾ ਬੇਰੋਕ ਜਾਰੀ ਹੈ। ਇਸ ਦੌਰਾਨ, ਏਐਫਪੀ ਸਮਾਚਾਰ ਏਜੰਸੀ ਨੇ ਇੱਕ ਸਥਾਨਕ ਅਧਿਕਾਰੀ ਦੇ ਹਵਾਲੇ ਨਾਲ ਕਿਹਾ ਕਿ ਰੂਸੀ ਸੈਨਿਕਾਂ ਨੇ ਪੱਛਮੀ ਯੂਕਰੇਨੀ ਸ਼ਹਿਰ ਲਵੀਵ ਦੇ ਬਾਹਰ ਇੱਕ ਫੌਜੀ ਸਿਖਲਾਈ ਕੇਂਦਰ 'ਤੇ ਕਈ ਹਵਾਈ ਹਮਲੇ ਕੀਤੇ। ਇਸ ਹਮਲੇ 'ਚ 9 ਲੋਕਾਂ ਦੀ ਮੌਤ ਹੋ ਗਈ ਹੈ। ਜਦਕਿ 57 ਲੋਕ ਜ਼ਖਮੀ ਹੋਏ ਹਨ।