ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:– ਇੰਟੈਲੀਜੈਂਸ ਬਿਉਰੋ (ਆਈਬੀ) ਦੇ ਕਰਮਚਾਰੀ ਅੰਕਿਤ ਸ਼ਰਮਾ ਦਾ ਦਿੱਲੀ ਹਿੰਸਾ ਦੌਰਾਨ ਕਤਲ਼ ਕੀਤਾ ਗਿਆ ਸੀ ਅਤੇ ਲਾਸ਼ ਨਾਲੇ ‘ਚ ਸਿੱਟ ਦਿੱਤੀ ਸੀ। ਅੰਕਿਤ ਦੀ ਮੌਤ ਦੇ ਮਾਮਲੇ ਵਿੱਚ, ਦਿੱਲੀ ਪੁਲਿਸ ਨੇ ਆਪ ਕਾਉਂਸਲਰ ਤਾਹਿਰ ਹੂਸੈਨ ਦੇ ਭਰਾ ਨੂੰ ਗ੍ਰਿਫਤਾਰ ਕੀਤਾ ਸੀ ਅਤੇ ਇਸ ਮਾਮਲੇ ‘ਚ ਹੁਣ ਇੱਕ ਹੋਰ ਗ੍ਰਿਫਤਾਰੀ ਕੀਤੀ ਹੈ। ਇੰਟਰਸੇਪਸ਼ਨ ਤੋਂ ਬਾਅਦ, ਸਪੈਸ਼ਲ ਸੈੱਲ ਆਫ ਪੁਲਿਸ ਨੇ ਸਲਮਾਨ ਉਰਫ ਨਨਹੇ ਨੂੰ ਗ੍ਰਿਫਤਾਰ ਕੀਤਾ ਹੈ। ਬਹਿਰਹਾਲ ਉਸ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
ਪੁਲਿਸ ਅਨੁਸਾਰ ਦੋਸ਼ੀ ਨੂੰ ਪੰਜ ਨਾਵਾਂ ਨਾਲ ਜਾਣਿਆ ਜਾਂਦਾ ਸੀ, ਜੋ ਮੋਮਿਨ ਉਰਫ ਸਲਮਾਨ ਉਰਫ ਹਸੀਨ ਉਰਫ ਮੁੱਲਾ ਉਰਫ ਨੰਨ੍ਹੇ ਹੈ। ਮੁਲਜ਼ਮ ਨੂੰ ਸੁੰਦਰ ਨਗਰੀ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਸ ਤੋਂ ਪਹਿਲਾਂ ਅੰਕਿਤ ਸ਼ਰਮਾ ਦੇ ਕਤਲ਼ ਮਾਮਲੇ ‘ਚ ਪੁਲਿਸ ਨੇ ਕੌਂਸਲਰ ਤਾਹਿਰ ਹੁਸੈਨ ਨੂੰ ਵੀ ਗ੍ਰਿਫਤਾਰ ਕੀਤਾ ਸੀ। ਉਸ ਦਾ ਨਾਮ ਐਫਆਈਆਰ ਵਿੱਚ ਸੀ।
ਸਾਡੇ ਕੋਲ ਸਬੂਤ ਹਨ – ਅਮਿਤ ਸ਼ਾਹ
ਇਸ ਤੋਂ ਪਹਿਲਾਂ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਲੋਕ ਸਭਾ ਵਿੱਚ ਖੁਲਾਸਾ ਕੀਤਾ ਸੀ ਕਿ, ਆਈਬੀ ਅਧਿਕਾਰੀ ਅੰਕਿਤ ਸ਼ਰਮਾ ਦੇ ਕਤਲ਼ ਤੋਂ ਬਾਅਦ ਜਾਂਚ ਵਿੱਚ ਜੁਟੀ ਐਸਆਈਟੀ ਦੇ ਹੱਥ ਖਾਸ ਸੁਰਾਗ ਲੱਗਿਆ ਹੈ। ਐਸਆਈਟੀ ਨੂੰ ਉਹ ਵੀਡੀਓ ਮਿਲੀ ਹੈ, ਜਿਸ ‘ਚ ਅੰਕਿਤ ਸ਼ਰਮਾ ਦੇ ਕਤਲ਼ ਦੇ ਰਾਜ਼ ਲੁਕੋਏ ਹੋਏ ਹਨ। ਇਹ ਵੀਡੀਓ ਇੱਕ ਆਮ ਨਾਗਰਿਕ ਦੁਆਰਾ ਭੇਜੀ ਗਈ ਹੈ।
ਦਿੱਲੀ ਦੰਗਿਆ ‘ਚ ਮਿਲੀ ਸੀ ਲਾਸ਼
ਆਈ ਬੀ ਕਾਂਸਟੇਬਲ ਅੰਕਿਤ ਸ਼ਰਮਾ ਉੱਤਰੀ ਪੂਰਬੀ ਦਿੱਲੀ ਵਿੱਚ ਆਪਣੇ ਪਰਿਵਾਰ ਨਾਲ ਰਹਿੰਦੇ ਸੀ। ਦਿੱਲੀ ਹਿੰਸਾ ਦੌਰਾਨ ਜਿਸਦਾ ਚਾਕੂ ਮਾਰ ਕੇ ਕਤਲ਼ ਕਰ ਦਿੱਤਾ ਗਿਆ ਸੀ। ਅੰਕਿਤ ਸ਼ਰਮਾ ਦੀ ਲਾਸ਼ 26 ਫਰਵਰੀ ਨੂੰ ਚਾਂਦਬਾਗ ਦੇ ਨਾਲੇ ਤੋਂ ਮਿਲੀ ਸੀ। ਪੋਸਟ ਮਾਰਟਮ ਤੋਂ ਬਾਅਦ ਲਾਸ਼ ਨੂੰ ਉਸਦੇ ਰਿਸ਼ਤੇਦਾਰਾਂ ਦੇ ਹਵਾਲੇ ਕਰ ਦਿੱਤਾ ਗਿਆ, ਜਿਸ ਤੋਂ ਬਾਅਦ ਅੰਤਿਮ ਸੰਸਕਾਰ ਉਸਦੇ ਜੱਦੀ ਪਿੰਡ ਵਿੱਚ ਕੀਤਾ ਗਿਆ।
ਤਾਹਿਰ ਹੁਸੈਨ ‘ਤੇ ਲਾਏ ਗਏ ਸੀ ਦੋਸ਼
ਅੰਕਿਤ ਦੇ ਪਿਤਾ ਅਤੇ ਭਰਾ ਨੇ ਆਮ ਆਦਮੀ ਪਾਰਟੀ ਤੋਂ ਕਾਉਂਸਲਰ ਮੁਹੰਮਦ ਤਾਹਿਰ ਹੁਸੈਨ ‘ਤੇ ਅੰਕਿਤ ਸ਼ਰਮਾ ਦੇ ਕਤਲ਼ ਦਾ ਆਰੋਪ ਲਾਇਆ ਸੀ। ਉਨ੍ਹਾਂ ਦਾ ਕਹਿਣਾ ਹੈ ਕਿ, ਹਿੰਸਾ ਦੌਰਾਨ ਤਾਹਿਰ ਹੁਸੈਨ ਦੇ ਸਮਰਥਕਾਂ ਨੇ ਅੰਕਿਤ ਦਾ ਕਤਲ਼ ਕਰ ਕੇ ਉਸ ਦੀ ਲਾਸ਼ ਨੂੰ ਨਾਲੇ ‘ਚ ਸਿੱਟ ਦਿੱਤਾ ਸੀ।
ਆਰੋਪਾਂ ਤੋਂ ਬਾਅਦ AAP ਨੇ ਕੀਤਾ ਮੁਅੱਤਲ
ਦਿੱਲੀ ਪੁਲਿਸ ਨੇ ਅੰਕਿਤ ਦੇ ਭਰਾ ਅਤੇ ਪਿਤਾ ਦੇ ਬਿਆਨਾਂ ਦੇ ਅਧਾਰ ਤੇ ਕੌਂਸਲਰ ਤਾਹਿਰ ਹੁਸੈਨ ਖ਼ਿਲਾਫ਼ ਕਤਲ ਦਾ ਕੇਸ ਦਰਜ ਕੀਤਾ ਹੈ। ਉਸੇ ਸਮੇਂ, ਆਮ ਆਦਮੀ ਪਾਰਟੀ ਨੇ ਹਿੰਸਾ ਭੜਕਾਉਣ ਅਤੇ ਹਿੰਸਾ ਵਿੱਚ ਸ਼ਾਮਲ ਹੋਣ ਦੇ ਦੋਸ਼ ਲਗਾਏ ਜਾਣ ਤੋਂ ਬਾਅਦ ਤਾਹਿਰ ਹੁਸੈਨ ਨੂੰ ਪਾਰਟੀ ਤੋਂ ਮੁਅੱਤਲ ਕਰ ਦਿੱਤਾ ਹੈ।