ਜਾਪਾਨ ਨੇ ਦਿੱਤਾ ਸੰਕੇਤ ਕੋਰੋਨਾਵਾਇਰਸ ਦੇ ਪ੍ਰਕੋਪ ਦੇ ਬਾਵਜੂਦ ਰੱਦ ਨਹੀਂ ਕੀਤੀ ਜਾਣੀ ਓਲੰਪਿਕ ਖੇਡਾਂ

ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:– ਜਪਾਨ ਦੇ ਓਲੰਪਿਕ ਮੰਤਰੀ ਨੇ ਸੰਕੇਤ ਦਿੱਤਾ ਕਿ, ਗਰਮੀਆਂ ਦੀਆਂ ਓਲੰਪਿਕ ਖੇਡਾਂ ਜੁਲਾਈ ਤੋਂ ਯੋਜਨਾ ਅਨੁਸਾਰ ਅੱਗੇ ਵਧਾਈਆਂ ਜਾਣਗੀਆਂ, ਹਾਲਾਂਕਿ ਦੇਸ਼ ਵਿੱਚ ਕੋਰੋਨਾਵਾਇਰਸ ਦਾ ਨਵਾਂ ਪ੍ਰਕੋਪ ਫੈਲ ਗਿਆ ਹੈ। ਸੇਕੋ ਹਾਸ਼ਿਮੋਟੋ ਨੇ ਵੀਰਵਾਰ ਨੂੰ ਸੰਸਦ ਵਿੱਚ ਕਿਹਾ, “ਇਸ ਤੱਥ ਦੇ ਅਧਾਰ ‘ਤੇ ਕਿ ਆਈਓਸੀ ਨੇ ਕੱਲ੍ਹ ਦੀ ਮੀਟਿੰਗ ਵਿੱਚ ਟੋਕਿਓ ਖੇਡਾਂ ਰੱਦ ਹੋਣ ਜਾਂ ਮੁਲਤਵੀ ਕੀਤੇ ਜਾਣ ਬਾਰੇ ਕੋਈ ਜ਼ਿਕਰ ਨਹੀਂ ਕੀਤਾ, ਮੈਨੂੰ ਕਿਸੇ ਰੱਦ ਹੋਣ ਦੇ ਨੋਟਿਸ ਜਾਂ ਕਿਸੇ ਤਰ੍ਹਾਂ ਦੀ ਕੋਈ ਉਮੀਦ ਨਹੀਂ ਹੈ ” ਮੰਤਰੀ ਨੇ ਇਸ ਹਫਤੇ ਦੇ ਸ਼ੁਰੂ ਵਿੱਚ ਕਿਹਾ ਸੀ ਕਿ, ਓਲੰਪਿਕ ਖੇਡਾਂ ਇਸ ਵਾਰ ਰੱਦ ਹੋ ਸਕਦੀਆਂ ਹਨ, ਪਰ ਆਈਓਸੀ ਅਜਿਹੇ ਕਿਸੇ ਵੀ ਫੈਸਲੇ ‘ਤੇ ਵਿਚਾਰ ਨਹੀਂ ਕਰ ਰਹੀ।

ਜਪਾਨ ‘ਚ ਤੇਜ਼ੀ ਨਾਲ ਫੈਲ ਰਿਹਾ ਵਾਇਰਸ

ਜਾਪਾਨ ਦੇ ਪੱਛਮੀ ਰਾਜ ਸ਼ੀਗਾ ਵਿੱਚ ਕੋਰੋਨਾ ਵਾਇਰਸ ਸੰਕਰਮਿਤ ਦਾ ਪਹਿਲਾ ਕੇਸ ਸਾਹਮਣੇ ਆਇਆ ਹੈ। ਰਾਸ਼ਟਰੀ ਪ੍ਰਸਾਰਕ ਐਨਐਚਕੇ ਨੇ ਕਿਓਟੋ, ਸਪੋਰੋ ਅਤੇ ਨੀਗਾਟਾ ਵਿੱਚ ਵੀ ਨਵੇਂ ਕੋਰੋਨੋਵਾਇਰਸ ਦੀ ਲਾਗ ਦੀ ਖਬਰ ਦਿੱਤੀ ਹੈ। ਐਨਐਚਕੇ ਮੁਤਾਬਿਕ, ਵੀਰਵਾਰ ਸਵੇਰ ਤੱਕ ਦੇਸ਼ ਭਰ ਵਿੱਚ ਕੋਰੋਨਾ ਵਾਇਰਸ ਦੇ ਕੁਲ 1,036 ਮਾਮਲੇ ਸਾਹਮਣੇ ਆਏ, ਜੋ ਕਿ ਪਿਛਲੇ ਦਿਨ ਨਾਲੋਂ 36 ਵੱਧ ਹਨ।

ਇਹ ਵਾਇਰਸ ਇਕੋ ਦਿਨ ‘ਚ ਸਭ ਤੋਂ ਵੱਧ ਵਧਿਆ ਸੀ। ਵਾਇਰਸ ਦੇ ਤੇਜ਼ੀ ਨਾਲ ਫੈਲਣ ਨਾਲ ਇਹ ਸਵਾਲ ਖੜ੍ਹੇ ਹੋ ਗਏ ਹਨ ਕਿ, ਕੀ ਟੋਕਿਓ 24 ਜੁਲਾਈ ਤੋਂ ਹੋਣ ਵਾਲੀਆਂ ਓਲੰਪਿਕ ਖੇਡਾਂ ਦੀ ਮੇਜ਼ਬਾਨੀ ਕਰ ਸਕਦਾ ਹੈ, ਜਿਸ ਦਾ ਅਸਰ ਦੂਜੇ ਖੇਡ ਮੁਕਾਬਲਿਆਂ ਦੁਆਰਾ ਵੀ ਮਹਿਸੂਸ ਕੀਤਾ ਜਾ ਸਕਦਾ ਹੈ।

ਬਹਿਰਹਾਲ ਓਲੰਪਿਕ ਖੇਡਾਂ ਰੱਦ ਹੋਣ ਬਾਰੇ ਕੁਝ ਨਹੀਂ ਕਿਹਾ ਜਾ ਸਕਦਾ

ਬੁਧਵਾਰ ਨੂੰ ਜਾਪਾਨੀ ਰਗਬੀ ਫੁਟਬਾਲ ਫੈਡਰੇਸ਼ਨ ਨੇ ਘੋਸ਼ਣਾਂ ਕੀਤੀ ਕਿ, ਅਗਲੇ ਮਹੀਨੇ ਕੋਰੋਨੋਵਾਇਰਸ ਫੈਲਣ ਦੀ ਚਿੰਤਾ ਕਾਰਨ ਏਸ਼ੀਆ ਓਲੰਪਿਕ ਦਾ ਸੱਦਾ ਰੱਦ ਕਰ ਦਿੱਤਾ ਗਿਆ ਹੈ। ਸਿਹਤ ਮੰਤਰਾਲੇ ਦੇ ਅਨੁਸਾਰ ਜਾਪਾਨ ਵਿੱਚ ਹੁਣ ਤੱਕ ਇਸ ਬਿਮਾਰੀ ਨਾਲ 12 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਹਾਸ਼ਿਮੋਟੋ ਨੇ ਵੀਰਵਾਰ ਨੂੰ ਵੱਡੇ ਸਦਨ ਨੂੰ ਦੱਸਿਆ ਕਿ, ਪ੍ਰਬੰਧਕ ਅਤੇ ਆਈਓਸੀ ਮਿਲ ਕੇ ਕੰਮ ਕਰਨਾ ਜਾਰੀ ਰੱਖਣਗੇ ਅਤੇ ਆਈਓਸੀ ਨਾਲ ਯੋਜਨਾਬੱਧ ਢੰਗ ਨਾਲ ਖੇਡਾਂ ਦਾ ਆਯੋਜਨ ਕਰਨਗੇ। ਹਾਸ਼ਿਮੋਤੋ ਨੇ ਕਿਹਾ, “ਖੇਡਾਂ ਦਾ ਰੱਦ ਹੋਣਾ ਜਾਂ ਦੇਰੀ ਅਥਲੀਟਾਂ ਲਈ ਮਨਜ਼ੂਰ ਨਹੀਂ ਹੋਵੇਗੀ। ਹਾਲਾਂਕਿ, ਓਲੰਪਿਕ ਐਸੋਸੀਏਸ਼ਨ ਟੋਕਿਓ ਪਹੁੰਚਣ ਵਾਲੇ ਐਥਲੀਟਾਂ ਨੂੰ ਪੂਰੀ ਸੁਰੱਖਿਆ ਦੀ ਗਰੰਟੀ ਦਿੰਦਾ ਹੈ।

ਲੋਕ ਅਥਲੀਟਾਂ ਪ੍ਰਤੀ ਚਿੰਤਤ

ਆਈਓਸੀ ਦੇ ਮੁਖੀ ਥਾਮਸ ਬਾਖ ਨੇ ਬੁੱਧਵਾਰ ਨੂੰ ਵਿਸ਼ਵਾਸ ਜਤਾਇਆ ਕਿ, ਓਲੰਪਿਕ ਖੇਡਾਂ ਤਹਿ ਹੋਣੀਆਂ ਹਨ। ਇਹ ਦੱਸਦੇ ਹੋਏ ਕਿ, ਪ੍ਰਬੰਧਕ ਵਿਸ਼ਵ ਸਿਹਤ ਸੰਗਠਨ ਅਤੇ ਹੋਰਾਂ ਤੋਂ ਮਾਹਰ ਜਾਣਕਾਰੀ ਪ੍ਰਾਪਤ ਕਰ ਰਹੇ ਹਨ ਅਤੇ ਆਈਓਸੀ ਕਾਰਜਕਾਰੀ ਬੋਰਡ ਦੀ ਬੈਠਕ ਵਿੱਚ “ਮੁਲਤਵੀ” ਅਤੇ “ਰੱਦ” ਸ਼ਬਦ ਦਾ ਜ਼ਿਕਰ ਨਹੀਂ ਕੀਤਾ ਗਿਆ। ਹਾਲਾਂਕਿ, ਟੋਕਿਓ ਦੇ ਕੁਝ ਵਸਨੀਕਾਂ ਨੇ ਇਸ ‘ਤੇ ਚਿੰਤਾ ਜ਼ਾਹਰ ਕੀਤੀ ਹੈ।

77 ਸਾਲਾਂ Yufumi Tamaki ਨੇ ਵੀਰਵਾਰ ਨੂੰ Riter ਨੂੰ ਦੱਸਿਆ ਕਿ, ਇਸ ਖਤਰਨਾਕ ਮਹੌਲ ‘ਚ ਓਲੰਪਿਕ ਨੂੰ ਰੱਦ ਕਰ ਦੇਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਮੈਨੂੰ ਖੇਡਾਂ ਲਈ ਤਿਆਰ ਅਥਲੀਟਾਂ ਲਈ ਦੁਖ ਹੋ ਰਿਹਾ ਹੈ। ਤੁਹਾਨੂੰ ਦੱਸ ਦਈਏ ਕਿ,  ਇਨ੍ਹਾਂ ਦਿਨੀਂ ਜਾਪਾਨ ਦੇ ਅਖਬਾਰ ਦਾ ਮੁਖ ਵਿਸ਼ਾ ਓਲੰਪਿਕ ਹੀ ਬਣਿਆ ਹੋਇਆ ਹੈ।