ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:– ਦਿੱਲੀ ਹਿੰਸਾ ਵਿਚ ਆਰੋਪੀ ਅਤੇ ਆਮ ਆਦਮੀ ਪਾਰਟੀ ਤੋਂ ਮੁਅੱਤਲ ਕੀਤੇ ਕੌਂਸਲਰ ਤਾਹਿਰ ਹੁਸੈਨ ਨੇ ਕੋਰਟ ਵਿਚ ਅਗਾਊ ਜ਼ਮਾਨਤ ਲਈ ਅਰਜੀ ਦਾਖਲ ਕੀਤੀ ਹੈ ਜਿਸ ਉੱਤੇ ਅਦਾਲਤ ਭਲਕੇ ਸੁਣਵਾਈ ਕਰੇਗੀ। ਦੱਸ ਦਈਏ ਕਿ ਹਿੰਸਾ ਤੋਂ ਬਾਅਦ ਫਰਾਰ ਚੱਲ ਰਹੇ ਤਾਹਿਰ ਹੁਸੈਨ ਦੀ ਭਾਲ ਵਿਚ ਦਿੱਲੀ ਪੁਲਿਸ ਲਗਾਤਾਰ ਛਾਪੇਮਾਰੀ ਕਰ ਰਹੀ ਹੈ।
Expelled AAP Councillor Tahir Hussain (absconding from police) has moved anticipatory bail in a Delhi court, his plea will be heard tomorrow. (file pic) pic.twitter.com/SB1GX2TYxe
— ANI (@ANI) March 3, 2020
ਤਾਹਿਰ ਹੁਸੈਨ ਨੇ ਦਿੱਲੀ ਪੁਲਿਸ ਤੋਂ ਬਚਣ ਲਈ ਕੜਕੜਡੂਮਾ ਕੋਰਟ ਵਿਚ ਆਪਣੇ ਵਕੀਲ ਮੁਕੇਸ਼ ਵਾਲੀਆ ਰਾਹੀ ਅਗਾਊ ਜ਼ਮਾਨਤ ਪਟੀਸ਼ਨ ਦਾਖਲ ਕੀਤੀ ਹੈ ਜਿਸ ਵਿਚ ਕਿਹਾ ਗਿਆ ਹੈ ਕਿ ਤਾਹਿਰ ਖੁਦ ਹਿੰਸਾ ਨਾਲ ਪੀੜਤ ਵਿਅਕਤੀ ਹਨ ਅਤੇ ਉਸ ਨੂੰ ਪੁਲਿਸ ਨੇ 24 ਫਰਵਰੀ ਵਾਲੇ ਦਿਨ ਬਚਾਇਆ ਸੀ ਜਿਸ ਕਰਕੇ ਉਹ ਖੁਦ ਆਰੋਪੀ ਕਿਵੇਂ ਹੋ ਸਕਦੇ ਹਨ। ਕੋਰਟ ਨੇ ਇਸ ਮਾਮਲੇ ਵਿਚ ਐਸਆਈਟੀ ਤੋਂ ਵੀ ਜਵਾਬ ਮੰਗਿਆ ਹੈ ਅਤੇ ਇਸ ਮਾਮਲੇ ਦੀ ਸੁਣਵਾਈ ਭਲਕੇ ਦੁਪਹਿਰ 2 ਵਜੇ ਹੋਵੇਗੀ।
ਦਰਅਸਲ ਦਿੱਲੀ ਹਿੰਸਾ ਦੌਰਾਨ ਆਈਬੀ ਦੇ ਕਰਮਚਾਰੀ ਅੰਕਿਤ ਸ਼ਰਮਾ ਦੀ ਲਾਸ਼ ਬਰਾਮਦ ਹੋਈ ਸੀ ਅਤੇ ਅੰਕਿਤ ਦੇ ਪਿਤਾ ਦਾ ਆਰੋਪ ਸੀ ਕਿ ਉਸ ਦੇ ਬੇਟੇ ਨੂੰ ਤਾਹਿਰ ਹੁਸੈਨ ਦੇ ਘਰ ਵਿਚ ਹੀ ਮਾਰਿਆ ਗਿਆ ਜਿਸ ਕਰਕੇ ਪੁਲਿਸ ਨੇ ਉਸ ਉੱਤੇ ਹੱਤਿਆ ਕਰਨ ਸਮੇਤ ਕਈ ਅਪਰਾਧਿਕ ਧਾਰਾਵਾਂ ਅਧੀਨ ਮਾਮਲਾ ਦਰਜ ਕੀਤਾ ਹੈ। ਹਿੰਸਾ ਤੋਂ ਬਾਅਦ ਤਾਹਿਰ ਹੁਸੈਨ ਦੇ ਘਰੋਂ ਹਿੰਸਾ ਵਿਚ ਵਰਤਿਆ ਜਾ ਰਿਹਾ ਸਮਾਨ ਤੇਜ਼ਾਬ,ਪੈਟ੍ਰੋਲ ਬੰਬ ਆਦਿ ਬਰਾਮਦ ਹੋਏ ਸਨ ਅਤੇ ਉਦੋਂ ਤੋਂ ਹੀ ਤਾਹਿਰ ਹੁਸੈਨ ਫਰਾਰ ਚੱਲ ਰਿਹਾ ਹੈ।
ਦੱਸ ਦਈਏ ਕਿ ਬੀਤੇ ਮੰਗਲਵਾਰ ਦਿੱਲੀ ਪੁਲਿਸ ਦੀ ਕ੍ਰਾਇਮ ਬ੍ਰਾਂਚ ਨੇ ਹਿੰਸਾ ਦੌਰਾਨ ਦਿੱਲੀ ਦੀਆਂ ਸੜਕਾਂ ਉੱਤੇ ਸ਼ਰੇਆਮ ਫਾਇਰਿੰਗ ਕਰਨ ਵਾਲੇ ਸ਼ਾਹਰੁਖ ਨੂੰ ਬਰੇਲੀ ਦੇ ਸ਼ਾਮਲੀ ਤੋਂ ਗਿਰਫਤਾਰ ਕਰ ਲਿਆ ਸੀ ਅਤੇ ਉਸ ਨੇ ਸ਼ੁਰੂਆਤੀ ਪੁੱਛਗਿੱਛ ਦੌਰਾਨ ਦੱਸਿਆ ਸੀ ਕਿ ਉਸ ਨੇ ਗੁੱਸੇ ਵਿਚ ਆ ਕੇ ਗੋਲੀਆ ਚਲਾਈਆਂ ਸਨ। ਜ਼ਿਕਰਯੋਗ ਹੈ ਕਿ ਦਿੱਲੀ ਹਿੰਸਾ ਵਿਚ ਹੁਣ ਤੱਕ 48 ਲੋਕਾਂ ਨੇ ਆਪਣੀ ਜਾਨ ਗਵਾ ਲਈ ਹੈ ਜਦਕਿ 300 ਤੋਂ ਜਿਆਦਾ ਲੋਕ ਜਖਮੀ ਦੱਸੇ ਜਾ ਰਹੇ ਹਨ ਜਿਨ੍ਹਾਂ ਦਾ ਇਲਾਜ ਕੀਤਾ ਜਾ ਰਿਹਾ ਹੈ। ਇਸ ਹਿੰਸਾ ਵਿਚ ਅਵੈਦ ਹਥਿਆਰਾਂ, ਪੈਟ੍ਰੋਲ ਬੰਬਾਂ ਅਤੇ ਤੇਜ਼ਾਬ ਦਾ ਜਮ ਕੇ ਇਸਤਮਾਲ ਹੋਇਆ ਸੀ।