ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:- ਬਾਲੀਵੁੱਡ ਅਭਿਨੇਤਰੀ ਸੋਨਮ ਕਪੂਰ ਇਨ੍ਹਾਂ ਦਿਨੀਂ ਦੁਨੀਆ ਦੀ ਨਜ਼ਰਾਂ ‘ਚ ਲੰਡਨ ਵਿੱਚ ਘੁੰਮ ਰਹੀ ਹਨ ਪਰ ਅਸਲ ਜਿੰਦਗੀ ‘ਚ ਸੋਨਮ ਕਪੂਰ ਨੂੰ ਲੰਡਨ ‘ਚ ਕਈ ਮੁਸ਼ਿਕਲਾਂ ਪੇਸ਼ ਆ ਰਹੀਆਂ ਹਨ, ਜਿਸ ਕਾਰਨ ਸੋਨਮ ਅਤੇ ਉਨ੍ਹਾਂ ਦੇ ਪ੍ਰਸ਼ੰਸਕ ਚਿੰਤਾ ਵਿੱਚ ਨਜ਼ਰ ਆ ਰਹੇ ਹਨ।ਦੱਸ ਦਈਏ ਬੀਤੇ ਬੁੱਧਵਾਰ ਨੂੰ ਸੋਨਮ ਲੰਡਨ ਦੇ ਓਬੇਰ ਕੈਬ ਵਿੱਚ ਸਫ਼ਰ ਕਰ ਰਹੀ ਸੀ, ਜਿਸ ਦੌਰਾਨ ਓਬੇਰ ਕੈਬ ਦੇ ਚਾਲਕ ਨੇ ਸੋਨਮ ਨਾਲ ਬਤਮੀਜੀ ਕੀਤੀ, ਜਿਸ ਤੋਂ ਬਾਅਦ ਸੋਨਮ ਕਪੂਰ ਪੂਰੀ ਤਰ੍ਹਾਂ ਡਰੀ ਹੋਈ ਹੈ।
ਇਸ ਸੰਬੰਧੀ ਸੋਨਮ ਕਪੂਰ ਨੇ ਆਪਣੇ ਟਵਿਟਰ ਹੈਂਡਲ ‘ਤੇ ਟਵੀਟ ਕਰਦਿਆਂ ਲਿਖਿਆ ਕਿ, “ਲੰਡਨ ਦੀ ਓਬੇਰ ਕੈਬ ਨਾਲ ਮੇਰਾ ਤਜਰਬਾ ਕਾਫੀ ਡਰਾਉਣਾ ਰਿਹਾ।
Hey guys I’ve had the scariest experience with @Uber london. Please please be careful. The best and safest is just to use the local public transportation or cabs. I’m super shaken.
— Sonam K Ahuja (@sonamakapoor) January 15, 2020
ਇਸ ਤੋਂ ਬਾਅਦ ਸੋਨਮ ਕਪੂਰ ਦੇ ਪ੍ਰਸੰਸਕਾਂ ਨੇ ਰੀਟਵੀਟ ਕਰਨੇ ਸ਼ੁਰੂ ਕਰ ਦਿੱਤੇ, ਜਿਸ ‘ਤੇ ਸੋਨਮ ਕਪੂਰ ਨੇ ਲਿਖਿਆ ਕਿ, ਕੈਬ ਡਰਾਈਵਰ ਮਾਨਸਿਕ ਤੌਰ ‘ਤੇ ਪ੍ਰੇਸ਼ਾਨ ਸੀ ਅਤੇ ਉਹ ਮੇਰੇ ‘ਤੇ ਜੋਰ-ਜੋਰ ਦੀ ਭੜਕ ਰਿਹਾ ਸੀ। ਜਿਸ ਕਾਰਨ ਮੈਂ ਬੁਰੀ ਤਰ੍ਹਾਂ ਡਰ ਗਈ।
ਇਸ ਤੋਂ ਬਾਅਦ ਓਬੇਰ ਦੀ ਅਧਿਕਾਰਕ ਸਾਇਟ ਵਲੋਂ ਰੀਟਵੀਟ ਕਰਦਿਆਂ ਲਿਖਿਆ ਕਿ, ਗ੍ਰਾਹਕ ਕਿਸੇ ਵੀ ਸਮੱਸਿਆ ਦੇ ਬਾਰੇ ਵਿੱਚ ਸਿੱਧਾ ਉਨ੍ਹਾਂ ਨਾਲ ਗੱਲ ਕਰ ਸਕਦਾ ਹੈ, ਇਸ ‘ਤੇ ਸੋਨਮ ਨੇ ਜਵਾਬ ਵਿੱਚ ਲਿਖਦਿਆਂ ਕਿਹਾ ਕਿ, ਉਸਨੇ ਕਈ ਵਾਰ ਕੋਸ਼ਿਸ਼ ਕੀਤੀ ਸੀ, ਪਰ ਰਿਕਵੈਸਟ ਨਹੀਂ ਜਾ ਰਹੀ ਸੀ, ਸੋ ਤੁਹਾਨੂੰ ਆਪਣੇ ਸਿਸਟਮ ਨੂੰ ਅਪਡੇਟ ਕਰਨ ਦੀ ਲੋੜ ਹੈ।
Sorry to hear about this, Sonam. Can you please send us a DM with your email address and mobile so we can look into this?
— Uber (@Uber) January 16, 2020
ਦੱਸ ਦਈਏ ਕਿ, ਇਹ ਪਹਿਲੀ ਵਾਰ ਨਹੀਂ ਜਦੋਂ ਸੋਨਮ ਕਪੂਰ ਨੂੰ ਇਸ ਤਰ੍ਹਾਂ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ ਹੋਵੇ। ਇਸ ਤੋਂ ਪਹਿਲਾਂ ਵੀ ਦੋ ਵਾਰ ਬ੍ਰਿਟਿਸ਼ ਏਅਰਵੇਜ਼ ਦੇ ਜਹਾਜ਼ ਵਿੱਚ ਸਫ਼ਰ ਦੌਰਾਨ ਸੋਨਮ ਨੂੰ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪਿਆ ਹੈ। ਸੋਨਮ ਕਪੂਰ ਦਾ ਬ੍ਰਿਟਿਸ਼ ਏਅਰਵੇਜ਼ ਦੇ ਸਫ਼ਰ ਦੌਰਾਨ ਦੋ ਵਾਰ ਬੈਗ ਗੁਆਚਣ ਦੀਆਂ ਘਟਨਾਵਾਂ ਵਾਪਰੀਆ ਸਨ।
ਇਨ੍ਹਾਂ ਘਟਨਾਵਾਂ ਤੋਂ ਬਾਅਦ ਸੋਨਮ ਨੇ ਅੱਗੇ ਤੋਂ ਬ੍ਰਿਟਿਸ ਏਅਰਵੇਜ਼ ਦਾ ਸਫ਼ਰ ਕਰਨ ਤੋਂ ਤੋਬਾ ਕੀਤੀ ਸੀ। ਸੋਨਮ ਅਨੁਸਾਰ ਉਹ ਬ੍ਰਿਟਿਸ਼ ਏਅਰਵੇਜ਼ ਦੇ ਜਹਾਜ਼ ਵਿੱਚ ਤੀਜੀ ਵਾਰ ਸਫਰ ਕਰ ਰਹੀ ਹੈ, ਜਦਕਿ ਦੂਜੀ ਵਾਰ ਉਸਦਾ ਬੈਗ ਗੁਆਚਿਆ ਹੈ। ਇਸ ਗਲਤੀ ਦੇ ਖਬਰਾਂ ਵਿੱਚ ਆਉਣ ‘ਤੇ ਬ੍ਰਿਟਿਸ਼ ਏਅਰਵੇਜ਼ ਨੇ ਮੁਆਫੀ ਮੰਗੀ ਸੀ ਅਤੇ ਸੋਨਮ ਕਪੂਰ ਦਾ ਬੈਗ ਉਸਨੂੰ ਲੱਭ ਕੇ ਵਾਪਿਸ ਕਰਨ ਦੀ ਗੱਲ ਵੀ ਆਖੀ ਸੀ।
ਦੱਸ ਦਈਏ ਕਿ ਰਾਂਝਣਾ, ਪ੍ਰੇਮ ਰਤਨ ਧਨ ਪਾਇਉ ਅਤੇ ਭਾਗ ਮਿਲਖਾ ਭਾਗ ਵਰਗੀਆਂ ਸੁਪਰਹਿੱਟ ਫਿਲਮਾਂ ਕਰਨ ਵਾਲੀ ਸੋਨਮ ਕਪੂਰ ਨੇ ਆਖਰੀ ਫਿਲਮ ‘ਦਾ ਜੋਇਆ ਫੈਕਟਰ’ ਕੀਤੀ ਸੀ। ਨੀਰਜਾ ਫਿਲਮ ਵਿੱਚ ਨੀਰਜਾ ਨਾਮੀ ਏਅਰਹੋਸਟਿਸ ਦਾ ਅਹਿਮ ਕਿਰਦਾਰ ਨਿਭਾਉਣ ਵਾਲੀ ਸੋਨਮ ਇਨੀਂ ਦਿਨੀਂ ਲੰਡਨ ਵਿਖੇ ਘੁੰਮ ਰਹੀ ਹੈ ਅਤੇ ਉੱਥੇ ਦੀ ਜਿੰਦਗੀ ਦਾ ਲੁਤਫ਼ ਲੈ ਰਹੀ ਹੈ।