ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:– ਤਸਵੀਰਾਂ ’ਚ ਦਿਖ ਰਹੀ ਇਹ ਲਾੜੀ ਜਿਸਨੇ ਆਪਣੇ ਹੱਥਾਂ ’ਚ ਸ਼ਗਨਾਂ ਦਾ ਚੁੜਾ ਪਾਇਆ ਹੋਇਆ ਜੋ ਬਹੁਤ ਹੀ ਖੁਸ ਨਜ਼ਰ ਰਹੀ ਹੈ। ਖੁਸ਼ ਹੋਏ ਵੀ ਕਿਉਂ ਨਾ ਇਸ ਲਾੜੀ ਦਾ ਵਿਆਹ ਉਸ ਲ਼ਾੜੇ ਨਾਲ ਹੋਇਆ ਜਿਸਨੇ ਸਮਾਜ ਨੂੰ ਸਾਦਗੀ ਤੇ ਵਾਤਾਵਰਣ ਨੂੰ ਸਾਫ ਰੱਖਣ ਦਾ ਸੁਨੇਹਾ ਦਿੱਤਾ ਹੈ। ਇਸ ਨਵੇਂ ਵਿਆਹੇ ਜੋੜੇ ਦੇ ਮੁੰਹ ਤੇ ਇਕ ਵੱਖ ਤਰ੍ਹਾਂ ਦੀ ਖੁਸ਼ੀ ਦਿਖ ਰਹੀ ਹੈ ਜੋ ਸ਼ਾਇਦ ਉਹਨਾਂ ਦੇ ਚਿਹਰੇ ’ਤੇ ਨਹੀਂ ਦਿਸਦੀ ਜੋ ਦਿਖਾਵੇ ਖਾਤਿਰ ਆਪਣਾ ਸਭ ਕੁਝ ਗੁਆ ਬੈਠਦੇ ਹਨ। ਪਰ ਦੁਨਿਆਵੀ ਸੋਸ਼ੇਬਾਜੀ ਤੋਂ ਦੂਰ ਇਸ ਜੋੜੇ ਨੇ ਇਕ ਮਿਸਾਲ ਕਾਇਮ ਕੀਤੀ ਹੈ।
ਬਠਿੰਡਾ ਦੇ ਮੋਰਮੰਡੀ ਦੇ ਪਿੰਡ ਰਾਮਨਗਰ ਦੇ ਰਹਿਣ ਵਾਲੇ ਨੌਜਵਾਨ ਗੁਰਬਕਸ਼ੀਸ਼ ਸਿੰਘ ਅਤੇ ਰਮਨਦੀਪ ਕੌਰ ਨੇ ਇਕ ਵੱਖਰੇ ਤਰੀਕੇ ਨਾਲ ਵਿਆਹ ਕਰਵਾਕੇ ਦੁਨੀਆ ਸਾਹਮਣੇ ਇਕ ਮਿਸਾਲ ਪੈਂਦਾ ਕੀਤੀ ਹੈ। ਗੁਰਬਕਸ਼ੀਸ਼ ਨੇ ਆਪਣੀ ਬਾਰਾਤ ਕਿਸੇ ਰੱਥ ਜਾਂ ਫਿਰ ਗੱਡੀ ’ਚ ਨਹੀਂ ਸਗੋਂ ਆਪਣੀ ਸਾਇਕਲ ਤੇ ਲੈਕੇ ਗਿਆ। ਇਸ ਸਾਇਕਲ ਨੂੰ ਨੌਜਵਾਨ ਨੇ ਡੋਲੀ ਵਾਲੀ ਕਾਰ ਵਾਂਗ ਹੀ ਫੁੱਲਾਂ ਨਾਲ ਸਜਾਇਆ ਹੋਇਆ ਸੀ ਨਾਲ ਹੀ ਸਾਇਕਲ ਤੇ ਦਿਲ ਬਣਾ ਕੇ ਆਪਣਾ ਤੇ ਆਪਣੀ ਜੀਵਨਸਾਥੀ ਦਾ ਨਾਂ ਵੀ ਲਿਖਵਾਇਆ।
ਇਸ ਨੌਜਵਾਨ ਨੇ ਆਪਣੇ ਸਾਦਗੀ ਦੇ ਨਾਲ ਭਰੇ ਇਸ ਵਿਆਹ ਤੋਂ ਦੁਨਿਆ ਨੂੰ ਵਾਤਾਵਰਨ ਦੀ ਰੱਖਿਆ ਕਰ ਤੇ ਸਾਦਗੀ ਦਾ ਸੰਦੇਸ਼ ਦਿੱਤਾ। ਇਸ ਵਿਆਹ ਨਾਲ ਜਿੱਥੇ ਨੌਜਵਾਨ ਪੀੜੀ ਤੇ ਦਿਖਾਵੇ ਖਾਤਿਰ ਆਪਣਾ ਸਭ ਕੁਝ ਗੁਆ ਦੇਣ ਵਾਲੇ ਲੋਕਾਂ ਨੂੰ ਇਕ ਚੰਗਾ ਸੁਨੇਹਾ ਮਿਲਿਆ ਹੈ। ਉੱਥੇ ਹੀ ਇਸ ਨੌਜਵਾਨ ਦੇ ਪਰਿਵਾਰ ਨੂੰ ਆਪਣੇ ਪੁੱਤ ਤੇ ਮਾਣ ਮਹਿਸੂਸ ਹੋ ਰਿਹਾ ਹੈ ਜਿਸਨੇ ਸਮਾਜ ਨੂੰ ਬਿਨ੍ਹਾਂ ਦਾਜ ਦਹੇਜ ਤੇ ਸੋਸ਼ੇਬਾਜੀ ਤੋਂ ਦੂਰ ਰਹਿਣ ਦਾ ਸੰਦੇਸ਼ ਦਿੱਤਾ।
ਅੱਜ ਦੇ ਸਮੇਂ ’ਚ ਜਿੱਥੇ ਲੋਕ ਫੋਕੀਆਂ ਚੀਜਾਂ ਦੇ ਦਿਖਾਵੇ ਦੇ ਕਾਰਨ ਆਪਣਾ ਸਭ ਕੁਝ ਗੁਆ ਬੈਠਦੇ ਹਨ ਉਹਨਾਂ ਲਈ ਇਹ ਵਿਆਹ ਇਕ ਮਿਸਾਲ ਤੇ ਸੁਨੇਹਾ ਹੈ ਕਿ ਸਾਦਗੀ ਨਾਲ ਕੀਤਾ ਜਾਣ ਵਾਲਾ ਵਿਆਹ ’ਚ ਵੀ ਉਹ ਖੁਸ਼ੀ ਮਿਲਦੀ ਹੈ ਜੋ ਸ਼ਾਇਦ ਮਹਿੰਗੇ ਮਹਿੰਗੇ ਪੈਲਸਾਂ ਤੇ ਵਾਧੂ ਖਰਚੇ ਚੋਂ ਨਹੀਂ ਮਿਲਦੀ।