ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:- 18 ਵੀਂ ਅਤੇ 19 ਵੀਂ ਸ਼ਤਾਬਦੀ ‘ਚ ਸਿੱਖ ਕੌਮ ਇਕ ਸ਼ਕਤੀਸ਼ਾਲੀ ਰਾਜਨੀਤਿਕ ਤਾਕਤ ਬਣਿਆ, ਜਦੋਂ ਸਿੱਖ ਆਗੂ ਰਣਜੀਤ ਸਿੰਘ ਨੇ ਪਹਿਲੇ ਸਿੱਖ ਸਾਮਰਾਜ ਦੀ ਸਥਾਪਨਾ, ਰਾਜਧਾਨੀ ਲਾਹੌਰ ਵਿਖੇ ਕੀਤੀ। ਦੱਸ ਦਈਏ ਲਾਹੌਰ ਅੱਜ ਪਾਕਿਸਤਾਨ ਦਾ ਦੂਜਾ ਸਭ ਤੋਂ ਵੱਡਾ ਸ਼ਹਿਰ ਹੈ ਅਤੇ ਪਾਕਿਸਤਾਨ ‘ਚ ਸਿੱਖਾਂ ਦੇ ਬਹੁਤ ਸਾਰੇ ਤੀਰਥ ਸਥਾਨ ਅਤੇ ਵਿਰਾਸਤ ਮੌਜੂਦ ਹਨ।
ਪਾਕਿਸਤਾਨ ਨੇ ਹੁਣ ਆਪਣੇ ਦੇਸ਼ ਵਿਚ ਮੌਜੂਦ ਗੁਰਦੁਆਰਾ ਸਾਹਿਬਾ ਨੂੰ ਵਿਸ਼ਵ ਪੱਧਰ ‘ਤੇ ਸੋਹਣਾ ਬਣਾ ਕੇ ਆਪਣੇ ਟੂਰਿਜ਼ਮ ਇੰਡਸਟਰੀ ਨੂੰ ਵਧਾਉਣ ਦਾ ਟੀਚਾ ਮਿਥਿਆ ਹੈ। ਟੂਰਿਜ਼ਮ ਇੰਡਸਟਰੀ ਨੂੰ ਉਤਸ਼ਾਹਤ ਕਰਨ ਦੀ ਸ਼ੁਰੂਆਤ ਸ਼ਨੀਵਾਰ ਤੋਂ ਸਹੀ ਢੰਗ ਨਾਲ ਹੋਈ ਹੈ। ਪਾਕਿਸਤਾਨ ਦੇ ਵਿਦੇਸ਼ ਮੰਤਰੀ ਸ਼ਾਹ ਮੁਹੰਮਦ ਕੁਰੈਸ਼ੀ ਦਾ ਕਹਿਣਾ ਹੈ ਕਿ, ਪਾਕਿਸਤਾਨ ਵਿਚ ਗੁਰੂਘਰ ਦਾ ਨਿਰਮਾਣ ਇਸ ਤਰੀਕੇ ਨਾਲ ਕੀਤਾ ਜਾਵੇਗਾ ਕਿ ਵਿਦੇਸ਼ਾਂ ਵਿਚ ਵਸਦੇ ਸਿੱਖ ਵੀ ਪਾਕਿਸਤਾਨ ਆਉਂਣਗੇ।
ਕੁਰੈਸ਼ੀ ਨੇ ਵਿਸ਼ਵ ਭਰ ਦੇ ਸਿਖਾਂ ਤੋਂ ਅਪੀਲ ਕੀਤੀ ਹੈ ਕਿ, ਉਹ ਪਾਕਿਸਤਾਨ ਜਰੂਰ ਆਉਂਣ। ਉਨ੍ਹਾਂ ਕਿਹਾ ਕਿ, ਕਨਾਡਾ, ਆਸਟ੍ਰੇਲੀਆ, ਯੂਕੇ, ਅਮਰੀਕਾ ਵਿੱਚ ਵੱਡੀ ਗਿਣਤੀ ‘ਚ ਸਿੱਖ ਕੌਮ ਦੇ ਲੋਕ ਵਸਦੇ ਹਨ। ਉਨ੍ਹਾਂ ਤੋਂ ਅਪੀਲ ਕੀਤੀ ਹੈ ਕਿ, ਉਹ ਪਾਕਿਸਤਾਨ ਆਉਂਣ। ਇੱਥੇ ਦੇ ਗੁਰਦੁਆਰੇ ਦੁਨੀਆ ਦੇ ਸਭ ਤੋਂ ਸੁੰਦਰ ਹੋਣਗੇ। ਕੁਰੈਸ਼ੀ ਨੇ ਕਿਹਾ ਕਿ ਤਬਦੀਲੀ ਆਉਂਦੀ ਨਹੀਂ, ਲਿਆਈ ਜਾਂਦੀ ਹੈ। ਇਮਰਾਨ ਖਾਨ ਦੀ ਸਰਕਾਰ ਨੇ ਇਤਿਹਾਸ ਰਚਣਾ ਸ਼ੁਰੂ ਕਰ ਦਿੱਤਾ ਹੈ। ਹੁਣ ਸ੍ਰੀ ਕਰਤਾਰਪੁਰ ਸਾਹਿਬ ਛੇਤੀ ਹੀ ਵਿਸ਼ਵ ਦਾ ਸਭ ਤੋਂ ਵੱਡਾ ਗੁਰਦੁਆਰਾ ਬਣੇਗਾ।
ਗੁਰੂਦੁਆਰਿਆਂ ਨੂੰ ਸੋਹਣਾਂ ਬਨਾਉਂਣ ਦੀ ਯੋਜਨਾ
ਪਾਕਿਸਤਾਨੀ ਵਿਦੇਸ਼ ਮੰਤਰੀ ਸ਼ਾਹ ਮੁਹੰਮਦ ਕੁਰੈਸ਼ੀ ਦਾ ਕਹਿਣਾ ਹੈ ਕਿ ਸਾਡੀ ਯੋਜਨਾ ਪਾਕਿਸਤਾਨ ਦੇ ਹੋਰ ਗੁਰਦੁਆਰਿਆਂ ਨੂੰ ਵੀ ਵਧੀਆ ਬਨਾਉਂਣ ਦੀ ਹੈ। ਉਨ੍ਹਾਂ ਵਿਦੇਸ਼ਾਂ ਤੋਂ ਆਉਣ ਵਾਲੇ ਸ਼ਰਧਾਲੂਆਂ ਲਈ ਵਧੀਆ ਪ੍ਰਬੰਧ ਕੀਤੇ ਜਾਣ ਦੀ ਗੱਲ ਆਖੀ। ਉਨ੍ਹਾਂ ਕਿਹਾ ਕਿ, ਸਾਡੀ ਪੂਰੀ ਯੋਜਨਾ ਇਸ ਲਈ ਤਿਆਰ ਹੈ। ਉਧਰ ਹੀ ਕਰਤਾਰਪੁਰ ਲਾਂਘੇ ਬਾਰੇ ਬੋਲਦਿਆਂ ਪਾਕਿਸਤਾਨੀ ਪ੍ਰਧਾਨ ਸੰਤਰੀ ਇਮਰਾਨ ਖਾਨ ਨੇ ਕਿਹਾ ਕਿ, ਪਹਿਲਾਂ, ਮੈਨੂੰ ਪੱਕਾ ਯਕੀਨ ਨਹੀਂ ਸੀ ਕਿ, ਮੈਂ ਇੰਨੇ ਘੱਟ ਸਮੇਂ ਵਿਚ ਇੰਨਾ ਕੁਝ ਕਰ ਸਕਾਂਗਾ, ਪਰ ਲਾਂਘੇ ਤੋਂ ਬਾਅਦ, ਮੈ ਬਹੁਤ ਉਤਸ਼ਾਹ ਹੋਇਆ ਹਾਂ।
ਪਾਕਿਸਤਾਨ ਤੋਂ ਇਲਾਵਾ ਯੂਰੋਪ, ਕਨੇਡਾ ਅਤੇ ਅਮਰੀਕੀ ਸਿੱਖਾਂ ਨੂੰ ਬਾਬੇ-ਦੇ-ਬੇਰ ਗੁਰਦੁਆਰੇ ਵਿਖੇ ਦਰਸ਼ਨ ਕਰਨ ਦੀ ਆਗਿਆ ਸੀ। ਹੁਣ ਭਾਰਤੀ ਸਿੱਖ ਸ਼ਰਧਾਲੂ ਵੀ ਇਸ ਗੁਰੂਘਰ ਦੇ ਦਰਸ਼ਨ ਕਰ ਸਕਣਗੇ। ਪਾਕਿਸਤਾਨ ਪੰਜਾਬ ਸੂਬੇ ਦੇ ਰਾਜਪਾਲ, ਮੁਹੰਮਦ ਸਰਵਰ ਨੇ ਰਾਜ ਸਰਕਾਰ ਦੇ ਔਕਫ ਵਿਭਾਗ ਨੂੰ ਨਿਰਦੇਸ਼ ਦਿੱਤੇ ਕਿ ਭਾਰਤ ਤੋਂ ਆਏ ਸਿੱਖ ਸ਼ਰਧਾਲੂਆਂ ਨੂੰ ਇਸ ਗੁਰਦੁਆਰੇ ਦੇ ਦਰਸ਼ਨ ਕਰਨ ਦੀ ਆਗਿਆ ਦਿੱਤੀ ਜਾਵੇ। ਇਹ ਲਾਹੌਰ ਤੋਂ 140 ਕਿਲੋਮੀਟਰ ਦੀ ਦੂਰੀ ‘ਤੇ ਸਥਿਤ ਹੈ। ਦੇਸ਼-ਵਿਦੇਸ਼ ਤੋਂ ਵੱਡੀ ਗਿਣਤੀ ਵਿਚ ਸ਼ਰਧਾਲੂ ਇਸ ਗੁਰੂਘਰ ਦੇ ਦਰਸ਼ਨ ਕਰਨ ਲਈ ਪਹੁੰਚਦੇ ਹਨ।
ਵੀਜ਼ਾ ਨਾਲ ਸਬੰਧਤ ਕਈ ਯੋਜਨਾਵਾਂ
ਦੱਸ ਦਈਏ ਅਜਿਹਾ ਮੰਨਿਆ ਜਾਂਦਾ ਹੈ ਕਿ, ਬਾਬੇ-ਦੀ-ਬੇਰ ਗੁਰੂਦੁਆਰੇ ‘ਚ 16 ਵੀਂ ਸਦੀ ਵਿਚ ਕਸ਼ਮੀਰ ਦੇ ਦੌਰੇ ਤੋਂ ਸਿਆਲਕੋਟ ਪਰਤਦੇ ਹੋਏ ਸ੍ਰੀ ਗੁਰੂ ਨਾਨਕ ਦੇਵ ਜੀ ਨੇ ਇਸੇ ਥਾਂ ਤੇ ਸਥਿਤ ਬੇਰ ਦੇ ਦਰੱਖਤ ਹੇਠ ਆਰਾਮ ਕੀਤਾ ਸੀ। ਇਨ੍ਹਾਂ ਦਿਨਾਂ‘ਚ ਹੀ ਇਕ ਹਜ਼ਾਰ ਤੋਂ ਵੱਧ ਭਾਰਤੀ ਸਿੱਖ ਸ਼ਰਧਾਲੂ ਪਾਕਿਸਤਾਨ ਦੇ ਸ਼ਹਿਰ ਹਸਨ ਅਬਦਾਲ ਦੇ ਗੁਰੂਦੁਆਰਾ ਪੰਜਾ ਸਾਹਿਬ ਵਿਖੇ ਦਰਸ਼ਨ ਲਈ ਪਹੁੰਚ ਰਹੇ ਹਨ। ਇਹ ਸ਼ਰਧਾਲੂ 550 ਵੇਂ ਪ੍ਰਕਾਸ਼ ਪੁਰਬ ਮੌਕੇ ਆਯੋਜਿਤ ਇੱਕ ਪ੍ਰੋਗਰਾਮ ਦੇ ਹਿੱਸੇ ਵਜੋਂ’ ਨਗਰ ਕੀਰਤਨ ‘ਵਿਚ ਸ਼ਾਮਿਲ ਹੋਣ ਗਏ ਸਨ।
31 ਅਕਤੂਬਰ ਨੂੰ 1100 ਤੋਂ ਵੱਧ ਸਿੱਖ ਵਾਹਗਾ ਦੇ ਰਸਤੇ ਪਾਕਿਸਤਾਨ ਵਿੱਚ ਦਾਖਲ ਹੋਏ ਸਨ। ਇਸ ਤੋਂ ਇਲਾਵਾ ਇੱਥੇ ਗੁਰਦੁਆਰਾ ਜਨਮ ਸਥਾਨ ਨਨਕਾਣਾ ਸਾਹਿਬ, ਗੁਰੂਦਵਾਰਾ ਸੱਚਾ ਸੌਦਾ ਫਰੂਕਾਬਾਦ ਅਤੇ ਹੋਰ ਤੀਰਥ ਸਥਾਨ ਵੀ ਸਥਿਤ ਹਨ, ਜਿਸ ਨਾਲ ਸਿੱਖ ਧਰਮ ਦੀ ਡੂੰਘੀ ਆਸਥਾ ਜੁੜੀ ਹੈ। ਨਨਕਾਣਾ ਸਾਹਿਬ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ ਜਨਮ ਅਸਥਾਨ ਹੈ। ਕਤੱਕ ਮਹੀਨੇ ਦੀ ਪੂਰਨਮਾਸ਼ੀ ਨੂੰ 1469 ਵਿਚ, ਰਾਏਭੋਓ ਦੇ ਤਲਵੰਡੀ ਅਖਵਾਏ ਸਥਾਨ ਤੇ, ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ ਜਨਮ ਕਲਿਆਣਚੰਦ (ਮਹਿਤਾ ਕਾਲੂ) ਨਾਮਕ ਇਕ ਕਿਸਾਨ ਦੇ ਘਰ ਹੋਇਆ ਸੀ।
ਪਾਕਿਸਤਾਨ ਦੇ ਵਿਦੇਸ਼ ਮੰਤਰੀ ਮੁੰਹਮਦ ਸ਼ਾਹ ਕੁਰੈਸ਼ੀ ਦਾ ਕਹਿਣਾ ਹੈ ਕਿ, ਸਿੱਖ ਤੀਰਥ ਸਥਾਨ ਪਾਕਿਸਤਾਨ ਵਿਚ ਹਨ, ਇਸ ਲਈ ਅਸੀਂ ਦੁਨੀਆ ਦਾ ਸਭ ਤੋਂ ਖੂਬਸੂਰਤ ਗੁਰੂਦੁਆਰਾ ਸਾਹਿਬ ਬਣਾਵਾਂਗੇ। ਇਸ ਲਈ ਪਾਕਿਸਤਾਨ ਦੇ ਪ੍ਰਧਾਨਮੰਤਰੀ ਇਮਰਾਨ ਖਾਨ ਨੇ ਸਿੱਖ ਸ਼ਰਧਾਲੂਆਂ ਨੂੰ ਮਲਟੀ-ਐਂਟਰੀ ਵੀਜ਼ਾ ਅਤੇ ‘ਆਨ ਅਰਾਈਵਲ’ ਵੀਜ਼ਾ ਜਾਰੀ ਕਰਨ ਦੀ ਯੋਜਨਾ ਬਣਾਈ ਹੈ। ਇਸ ਸਾਲ ਯੂਕੇ ਤੋਂ ਸਿੱਖ ਭਾਈਚਾਰੇ ਦੇ ਵੱਡੀ ਗਿਣਤੀ ਵਿੱਚ ਲੋਕ ਪਾਕਿਸਤਾਨ ਵਿੱਚ ਦਰਬਾਰ ਸਾਹਿਬ ਦੇ ਦਰਸ਼ਨ ਲਈ ਆਏ ਹਨ।