ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼: ਰਾਜੀਵ ਗਾਂਧੀ ਦੇ ਬੁੱਤ ਤੇ ਕਾਲਿਖ ਪੋਤਣ ਦਾ ਮਾਮਲਾ ਥੰਮਣ ਦਾ ਨਾਂ ਨਹੀਂ ਲੈ ਰਿਹਾ ਹੈ। ਇਹ ਮਾਮਲਾ ਕਾਫੀ ਵੱਧਦਾ ਜਾ ਰਿਹਾ ਹੈ। ਦੱਸ ਦਈਏ ਕਿ ਗੁਰਦਰਸ਼ਨ ਸਿੰਘ ਮੰਡ ਨੂੰ ਖਾਲਿਸਤਾਨੀਆਂ ਵੱਲੋਂ ਜਾਨ ਤੋਂ ਮਾਰਣ ਦੀ ਧਮਕੀ ਦਿੱਤੀ ਹੈ। ਇਸ ਧਮਕੀ ਬਾਰੇ ਮੰਡ ਨੇ ਆਪਣੀ ਫੇਸਬੁੱਕ ਦੇ ਜਰੀਏ ਸਾਰੀਆਂ ਨੂੰ ਦੱਸਿਆ ਹੈ।
ਉੱਥੇ ਹੀ ਦੂਜੇ ਪਾਸੇ ਖਾਲਿਸਤਾਨੀਆਂ ਨੇ ਧਮਕੀ ਦਿੰਦੇ ਹੋਏ ਕਿਹਾ ਹੈ ਕਿ ਮੰਡ ਨੇ ਦਸਤਾਰ ਦੀ ਬੇਅਦਬੀ ਕੀਤੀ ਹੈ। ਰਾਜੀਵ ਗਾਂਧੀ ਉਸਦਾ ਪਿਓ ਹੋਏਗਾ ਪਰ ਦਸਤਾਰ ਪੂਰੀ ਕੌਮ ਦੀ ਹੈ। ਜਿਸਦੀ ਮੰਡ ਨੇ ਬੇਅਦਬੀ ਕੀਤੀ ਹੈ। ਖਾਲਿਸਤਾਨੀ ਗੁਰਦਰਸ਼ਨ ਸਿੰਘ ਮੰਡ ਦੁਆਰਾ ਦਸਤਾਰ ਦੀ ਬੇਅਦਬੀ ਕੀਤੇ ਜਾਣ ਦੇ ਕਾਰਨ ਭੜਕੇ ਹੋਏ ਹਨ।
ਜਿਕਰ-ਏ-ਖਾਸ ਹੈ ਕਿ ਮੰਡ ਨੇ ਰਾਜੀਵ ਗਾਂਧੀ ਦੇ ਬੁੱਤ ਨੂੰ ਯੂਥ ਅਕਾਲੀ ਦਲ ਦੇ ਨੇਤਾਵਾਂ ਵੱਲੋਂ ਕਾਲਿਖ ਪੋਤਣ ਤੋਂ ਬਾਅਦ ਕਾਂਗਰਸ ਨੇਤਾਵਾਂ ਵਿੱਚ ਕਾਫੀ ਰੋਸ ਪਾਇਆ ਗਿਆ ਸੀ। ਕਾਂਗਰਸੀ ਨੇਤਾ ਗੁਰਦਰਸ਼ਨ ਸਿੰਘ ਮੰਡ ਨੇ ਆਪਣੀ ਦਸਤਾਰ ਨਾਲ ਰਾਜੀਵ ਗਾਂਧੀ ਦੇ ਬੁੱਤ ਨੂੰ ਸਾਫ ਕੀਤਾ ਸੀ ਜਿਸ ਤੋਂ ਬਾਅਦ ਵਿਵਾਦਾਂ ਵਿੱਚ ਆ ਗਏ ਸੀ।




