ਚੰਡੀਗੜ੍ਹ- ਪੰਜਾਬ ‘ਚ ਕੋਰੋਨਾ ਦਾ ਕਹਿਰ ਤੇਜ਼ੀ ਨਾਲ ਰੁਕਣਾ ਸ਼ੁਰੂ ਹੋ ਗਿਆ ਹੈ। ਬੁੱਧਵਾਰ ਨੂੰ ਕੋਰੋਨਾ ਦੇ ਸਿਰਫ 1,730 ਨਵੇਂ ਮਰੀਜ਼ ਮਿਲੇ ਹਨ। ਸਕਾਰਾਤਮਕਤਾ ਦਰ ਵੀ ਘੱਟ ਕੇ 5 ਫੀਸਦ ‘ਤੇ ਆ ਗਈ ਹੈ। ਇਸ ਦੌਰਾਨ 23 ਮਰੀਜ਼ਾਂ ਦੀ ਮੌਤ ਹੋ ਗਈ ਸੀ ਪਰ ਹੁਣ ਲਾਈਫ ਸੇਵਿੰਗ ਸਪੋਰਟ ‘ਤੇ ਮਰੀਜ਼ਾਂ ਦੀ ਗਿਣਤੀ ਘੱਟਣ ਲੱਗੀ ਹੈ। ਆਕਸੀਜਨ, ਆਈਸੀਯੂ ਅਤੇ ਵੈਂਟੀਲੇਟਰ ਵਰਗੇ ਜੀਵਨ ਰੱਖਿਅਕ ਸਹਾਇਤਾ ‘ਤੇ ਮਰੀਜ਼ਾਂ ਦੀ ਗਿਣਤੀ ਵੀ 1,400 ਤੋਂ ਘੱਟ ਕੇ 1,244 ਰਹਿ ਗਈ ਹੈ। ਪੰਜਾਬ ਵਿੱਚ ਕੋਰੋਨਾ ਦੇ 17,750 ਐਕਟਿਵ ਕੇਸ ਹਨ। ਬੁੱਧਵਾਰ ਨੂੰ ਇੱਕ ਦਿਨ ਵਿੱਚ 4,869 ਮਰੀਜ਼ ਠੀਕ ਹੋਏ। ਅਜਿਹੇ ‘ਚ ਹੁਣ ਕੋਰੋਨਾ ਤੋਂ ਰਾਹਤ ਦੀ ਉਮੀਦ ਕੀਤੀ ਜਾ ਸਕਦੀ ਹੈ।
Also Read: ਦੋ ਧੜਿਆਂ ਦੇ ਝਗੜੇ ਦੌਰਾਨ ਚੱਲੀ ਗੋਲੀ, ਦੋ ਨੌਜਵਾਨ ਜ਼ਖਮੀ
ਹੁਸ਼ਿਆਰਪੁਰ, ਮੋਹਾਲੀ ਅਤੇ ਜਲੰਧਰ ‘ਚ ਹਾਲਾਤ ਵਿਗੜੇ
ਪੰਜਾਬ ‘ਚ ਇਸ ਸਮੇਂ ਕੁਝ ਜ਼ਿਲਿਆਂ ‘ਚ ਕੋਰੋਨਾ ਦੀ ਚਿੰਤਾ ਵਧ ਗਈ ਹੈ। ਹੁਸ਼ਿਆਰਪੁਰ ਵਿੱਚ 9.36 ਫੀਸਦ ਦੀ ਲਾਗ ਦਰ ਨਾਲ 172 ਮਰੀਜ਼ ਪਾਏ ਗਏ ਅਤੇ 4 ਲੋਕਾਂ ਦੀ ਮੌਤ ਹੋ ਗਈ। ਮੋਹਾਲੀ ਵਿੱਚ 12.19 ਫੀਸਦ ਲਾਗ ਦਰ ਦੇ ਨਾਲ ਸਭ ਤੋਂ ਵੱਧ 299 ਮਰੀਜ਼ ਸਨ। ਜਲੰਧਰ ‘ਚ ਇਕ ਵਿਅਕਤੀ ਦੀ ਮੌਤ ਹੋ ਗਈ ਹੈ ਜਦਕਿ 177 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਬਠਿੰਡਾ ਵਿੱਚ ਵੀ ਚਿੰਤਾ ਵਧ ਗਈ ਹੈ। 8.24 ਫੀਸਦੀ ਦੀ ਲਾਗ ਦਰ ਦੇ ਨਾਲ ਇੱਥੇ 91 ਨਵੇਂ ਮਰੀਜ਼ ਪਾਏ ਗਏ ਅਤੇ 1 ਵਿਅਕਤੀ ਦੀ ਮੌਤ ਹੋ ਗਈ। ਮੋਹਾਲੀ ਤੋਂ ਬਾਅਦ ਪੰਜਾਬ ਦਾ ਫਿਰੋਜ਼ਪੁਰ ਜ਼ਿਲਾ ਅਜਿਹਾ ਹੈ ਜਿੱਥੇ ਇਨਫੈਕਸ਼ਨ ਦੀ ਦਰ 10 ਫੀਸਦੀ ਤੋਂ ਜ਼ਿਆਦਾ ਹੈ। ਬੁੱਧਵਾਰ ਨੂੰ ਇੱਥੇ 11.42 ਫੀਸਦੀ ਦੀ ਲਾਗ ਦਰ ਦੇ ਨਾਲ 66 ਨਵੇਂ ਮਰੀਜ਼ ਮਿਲੇ ਹਨ।
Also Read: Omicron:ਇਸ ਲੱਛਣ ਦੇ ਦਿੱਖਣ ‘ਤੇ ਨਾ ਲਓ ਜ਼ਿਆਦਾ ਤਣਾਅ, ਨਹੀਂ ਤਾਂ ਵਿਗੜ ਜਾਵੇਗੀ ਹਾਲਤ
ਇਸ ਦੇ ਨਾਲ ਹੀ ਵੀਰਵਾਰ ਨੂੰ 14 ਮਰੀਜ਼ਾਂ ਨੂੰ ਵੈਂਟੀਲੇਟਰ ਤੋਂ ਹਟਾਇਆ ਗਿਆ। ਮੰਗਲਵਾਰ ਨੂੰ ਪੰਜਾਬ ‘ਚ 92 ਮਰੀਜ਼ ਵੈਂਟੀਲੇਟਰ ‘ਤੇ ਸਨ, ਜੋ ਬੁੱਧਵਾਰ ਨੂੰ ਘੱਟ ਕੇ 80 ਹੋ ਗਏ। ਇਨ੍ਹਾਂ ਵਿੱਚੋਂ ਬੁੱਧਵਾਰ ਨੂੰ ਅੰਮ੍ਰਿਤਸਰ ਅਤੇ ਬਠਿੰਡਾ ਵਿੱਚ ਇੱਕ-ਇੱਕ ਮਰੀਜ਼ ਨੂੰ ਵੈਂਟੀਲੇਟਰ ’ਤੇ ਰੱਖਿਆ ਗਿਆ ਸੀ। ਇਸ ਤੋਂ ਇਲਾਵਾ ਪੰਜਾਬ ‘ਚ 270 ਮਰੀਜ਼ ਆਈਸੀਯੂ ‘ਚ ਦਾਖਲ ਹਨ, ਜਦਕਿ 894 ਨੂੰ ਆਕਸੀਜਨ ਸਪੋਰਟ ‘ਤੇ ਰੱਖਿਆ ਗਿਆ ਹੈ।