ਜੀਰਕਪੁਰ : ਖੁਸ਼ੀਆਂ ਦੇ ਮਾਹੌਲ ਵਿੱਚ ਉਸ ਵੇਲੇ ਹੜਕੰਪ ਮਚ ਗਿਆ ਜਦੋਂ ਜੀਰਕਪੁਰ ਦੇ ਮਸ਼ਹੂਰ ਔਰਾ ਗਾਰਡਨ ਰਿਜ਼ੌਰਟ ਵਿੱਚ ਆਯੋਜਿਤ ਇੱਕ ਮੰਗਣੀ ਸਮਾਗਮ ਦੌਰਾਨ ਚੋਰੀ ਦੀ ਵੱਡੀ ਵਾਰਦਾਤ ਸਾਹਮਣੇ ਆਈ। ਸਮਾਗਮ ਦੀਆਂ ਰੌਣਕਾਂ ਵਿਚਾਲੇ ਇੱਕ ਸ਼ੱਕੀ ਬੱਚੇ ਨੇ ਗੱਡੀ ਵਿੱਚੋਂ ਕੀਮਤੀ ਆਈਫੋਨ ਅਤੇ ਨਕਦੀ ਨਾਲ ਭਰੇ 2 ਪਰਸ ਚੋਰੀ ਕਰ ਲਏ। ਇਹ ਪੂਰੀ ਵਾਰਦਾਤ ਰਿਜ਼ੌਰਟ ਵਿੱਚ ਲੱਗੇ ਸੀਸੀਟੀਵੀ ਕੈਮਰਿਆਂ ਵਿੱਚ ਕੈਦ ਹੋ ਗਈ ਹੈ।
ਸੀਸੀਟੀਵੀ ਫੁਟੇਜ ਆਈ ਸਾਹਮਣੇ
ਜਾਣਕਾਰੀ ਮੁਤਾਬਕ, ਜਦੋਂ ਪੀੜਤ ਪਰਿਵਾਰ ਨੇ ਸੀਸੀਟੀਵੀ ਕੈਮਰਿਆਂ ਦੀ ਜਾਂਚ ਕੀਤੀ ਤਾਂ ਵੀਡੀਓ ਫੁਟੇਜ ਵਿੱਚ ਇੱਕ ਛੋਟਾ ਬੱਚਾ ਸੰਦਿਗਧ ਹਾਲਤ ਵਿੱਚ ਪਾਰਕਿੰਗ ਏਰੀਆ ਵਿੱਚ ਘੁੰਮਦਾ ਹੋਇਆ ਦਿਖਾਈ ਦਿੱਤਾ। ਵੀਡੀਓ ਵਿੱਚ ਸਾਫ਼ ਦੇਖਿਆ ਜਾ ਸਕਦਾ ਹੈ ਕਿ ਬੱਚਾ ਖੜ੍ਹੀਆਂ ਗੱਡੀਆਂ ਦੇ ਕੋਲ ਆਉਂਦਾ-ਜਾਂਦਾ ਹੈ ਅਤੇ ਇੱਕ ਗੱਡੀ ਦੇ ਕੋਲ ਪਹੁੰਚ ਕੇ ਅੰਦਰੋਂ ਸਮਾਨ ਚੁੱਕ ਕੇ ਬੜੀ ਚਲਾਕੀ ਨਾਲ ਉੱਥੋਂ ਨਿਕਲ ਜਾਂਦਾ ਹੈ।
ਆਈਫੋਨ ਅਤੇ 2 ਪਰਸ ਲੈ ਕੇ ਫਰਾਰ
ਪੀੜਤ ਪਰਿਵਾਰ ਦਾ ਦੋਸ਼ ਹੈ ਕਿ ਬੱਚਾ ਗੱਡੀ ਵਿੱਚ ਰੱਖਿਆ ਮਹਿੰਗਾ ਆਈਫੋਨ ਅਤੇ ਨਕਦੀ ਨਾਲ ਪੂਰੀ ਤਰ੍ਹਾਂ ਭਰੇ 2 ਪਰਸ ਚੋਰੀ ਕਰਕੇ ਲੈ ਗਿਆ ਹੈ। ਸਮਾਗਮ ਦੌਰਾਨ ਹੋਈ ਇਸ ਅਚਾਨਕ ਚੋਰੀ ਕਾਰਨ ਪੀੜਤ ਪਰਿਵਾਰ ਦੇ ਹੋਸ਼ ਉੱਡ ਗਏ ਅਤੇ ਖੁਸ਼ੀਆਂ ਦਾ ਮਾਹੌਲ ਚਿੰਤਾ ਵਿੱਚ ਬਦਲ ਗਿਆ।
सम्बंधित ख़बरें
ਪੁਲਿਸ ਨੇ ਸ਼ੁਰੂ ਕੀਤੀ ਮਾਮਲੇ ਦੀ ਤਫਤੀਸ਼
ਘਟਨਾ ਤੋਂ ਤੁਰੰਤ ਬਾਅਦ ਪੀੜਤ ਪਰਿਵਾਰ ਨੇ ਇਸ ਸਬੰਧੀ ਸਥਾਨਕ ਪੁਲਿਸ ਨੂੰ ਸ਼ਿਕਾਇਤ ਦਰਜ ਕਰਵਾਈ ਹੈ। ਪੁਲਿਸ ਨੇ ਮੌਕੇ ‘ਤੇ ਪਹੁੰਚ ਕੇ ਸੀਸੀਟੀਵੀ ਫੁਟੇਜ ਨੂੰ ਆਪਣੇ ਕਬਜ਼ੇ ਵਿੱਚ ਲੈ ਲਿਆ ਹੈ। ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਫੁਟੇਜ ਦੇ ਆਧਾਰ ‘ਤੇ ਬੱਚੇ ਅਤੇ ਉਸ ਦੇ ਨਾਲ ਸ਼ਾਮਲ ਹੋ ਸਕਦੇ ਗਿਰੋਹ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਅਤੇ ਜਲਦ ਹੀ ਮਾਮਲੇ ਨੂੰ ਸੁਲਝਾ ਲਿਆ ਜਾਵੇਗਾ।
ਹੋਰ ਖਬਰਾਂ ਪੜ੍ਹਨ ਲਈ ਇੱਥੇ ਕਰੋ ਕਲਿੱਕ
ਖ਼ਬਰਾਂ ਦੇ ਅਪਡੇਟਸ ਲਈ LIVING INDIA NEWS 2 4/7 LIVE ਨਾਲ ਜੁੜੇ ਰਹੋ।