ਲਾਸ ਏਂਜਲਸ: ਹਾਲੀਵੁੱਡ ਦੇ ਮਸ਼ਹੂਰ ਅਤੇ ਦਿੱਗਜ ਅਦਾਕਾਰ ਜਿਮ ਕੈਰੀ (Jim Carrey) ਨੂੰ ਲੈ ਕੇ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। 64 ਸਾਲਾ ਅਦਾਕਾਰ ਨੇ ਆਪਣੀ ਲੰਬੇ ਸਮੇਂ ਦੀ ਪ੍ਰੇਮਿਕਾ ਅਤੇ 32 ਸਾਲਾ ਮਿਨ ਆਹ (Min Ah) ਨਾਲ ਵਿਆਹ ਕਰ ਲਿਆ ਹੈ। ਇਹ ਵਿਆਹ ਲਾਸ ਏਂਜਲਸ ਵਿੱਚ ਇੱਕ ਨਿੱਜੀ ਸਮਾਰੋਹ ਦੌਰਾਨ ਹੋਇਆ, ਜਿਸ ਵਿੱਚ ਉਨ੍ਹਾਂ ਦੇ ਕੁਝ ਖਾਸ ਦੋਸਤ ਅਤੇ ਪਰਿਵਾਰਕ ਮੈਂਬਰ ਹੀ ਸ਼ਾਮਲ ਹੋਏ।
ਰਿਸ਼ਤੇ ਨੂੰ ਜਨਤਕ ਕਰਨ ਤੋਂ ਕੁਝ ਮਹੀਨਿਆਂ ਬਾਅਦ ਲਿਆ ਵੱਡਾ ਫੈਸਲਾ
ਅਦਾਕਾਰ ਦੇ ਵਿਆਹ ਦੀ ਇਹ ਖ਼ਬਰ ਉਦੋਂ ਸਾਹਮਣੇ ਆਈ ਹੈ ਜਦੋਂ ਜੋੜੇ ਨੇ ਆਪਣੇ ਰਿਸ਼ਤੇ ਨੂੰ ਜਨਤਕ ਕੀਤੇ ਨੂੰ ਮਸਾਂ ਕੁਝ ਹੀ ਮਹੀਨੇ ਹੋਏ ਸਨ। ਇਸ ਸਾਲ ਫਰਵਰੀ ਵਿੱਚ, ਇਸ ਜੋੜੇ ਨੇ ਪੇਰਿਸ ਵਿੱਚ ਆਯੋਜਿਤ ‘ਸੀਜ਼ਰ ਅਵਾਰਡਜ਼’ ਵਿੱਚ ਪਹਿਲੀ ਵਾਰ ਇਕੱਠਿਆਂ ਨਜ਼ਰ ਆ ਕੇ ਆਪਣੇ ਰਿਸ਼ਤੇ ਦਾ ਐਲਾਨ ਕੀਤਾ ਸੀ। ਇਸ ਵੱਕਾਰੀ ਸਮਾਰੋਹ ਵਿੱਚ ਜਿਮ ਕੈਰੀ ਨੂੰ ‘ਆਨਰੇਰੀ ਸੀਜ਼ਰ ਅਵਾਰਡ’ ਨਾਲ ਸਨਮਾਨਿਤ ਕੀਤਾ ਗਿਆ ਸੀ, ਜਿਸ ਨੂੰ ਫਰਾਂਸ ਵਿੱਚ ‘ਫਰੈਂਚ ਆਸਕਰ’ ਵੀ ਕਿਹਾ ਜਾਂਦਾ ਹੈ। ਅਵਾਰਡ ਲੈਂਦੇ ਸਮੇਂ ਆਪਣੇ ਭਾਸ਼ਣ ਵਿੱਚ ਕੈਰੀ ਨੇ ਮਿਨ ਆਹ ਦਾ ਖਾਸ ਤੌਰ ‘ਤੇ ਧੰਨਵਾਦ ਕੀਤਾ ਸੀ।
ਪਿਛਲੇ ਕਈ ਸਾਲਾਂ ਤੋਂ ਰਿਸ਼ਤੇ ਵਿੱਚ ਸਨ ਦੋਵੇਂ
ਮੀਡੀਆ ਰਿਪੋਰਟਾਂ ਮੁਤਾਬਕ, ਇਹ ਜੋੜਾ ਸਾਲ 2022 ਤੋਂ ਹੀ ਗੁਪਤ ਤੌਰ ‘ਤੇ ਇਕੱਠੇ ਦੇਖਿਆ ਜਾ ਰਿਹਾ ਸੀ, ਪਰ ਉਨ੍ਹਾਂ ਨੇ ਜਾਣਬੁੱਝ ਕੇ ਆਪਣੇ ਰਿਸ਼ਤੇ ਨੂੰ ਲਾਈਮਲਾਈਟ ਅਤੇ ਮੀਡੀਆ ਦੀ ਨਜ਼ਰ ਤੋਂ ਦੂਰ ਰੱਖਿਆ ਸੀ। ਆਖਿਰਕਾਰ ਇਸ ਸਾਲ ਉਨ੍ਹਾਂ ਨੇ ਆਪਣੇ ਪਿਆਰ ਨੂੰ ਦੁਨੀਆ ਸਾਹਮਣੇ ਕਬੂਲ ਕਰ ਲਿਆ ਅਤੇ ਹੁਣ ਵਿਆਹ ਦੇ ਬੰਧਨ ਵਿੱਚ ਬੱਝ ਗਏ ਹਨ।
सम्बंधित ख़बरें
ਜਿਮ ਕੈਰੀ ਦਾ ਵਿਆਹੁਤਾ ਇਤਿਹਾਸ
ਜਿਮ ਕੈਰੀ ਦੀ ਇਹ ਤੀਜੀ ਸ਼ਾਦੀ ਹੈ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਸਾਲ 1987 ਵਿੱਚ ਅਦਾਕਾਰਾ ਮੇਲਿਸਾ ਵੋਮਰ ਨਾਲ ਪਹਿਲਾ ਵਿਆਹ ਕੀਤਾ ਸੀ। ਇਸ ਜੋੜੇ ਦੀ ਇੱਕ ਬੇਟੀ ਜੇਨ ਏਰਿਨ ਕੈਰੀ ਹੈ, ਪਰ ਸਾਲ 1995 ਵਿੱਚ ਉਨ੍ਹਾਂ ਦਾ ਤਲਾਕ ਹੋ ਗਿਆ।
ਇਸ ਤੋਂ ਬਾਅਦ, ਕੈਰੀ ਨੇ ਫਿਲਮ ‘ਡੰਬ ਐਂਡ ਡੰਬਰ’ ਦੀ ਸ਼ੂਟਿੰਗ ਦੌਰਾਨ ਮਿਲੇ ਅਦਾਕਾਰਾ ਲੌਰੇਨ ਹਾਲੀ ਨਾਲ ਸਤੰਬਰ 1996 ਵਿੱਚ ਲਾਸ ਏਂਜਲਸ ਵਿੱਚ ਵਿਆਹ ਕੀਤਾ। ਹਾਲਾਂਕਿ, ਇਹ ਰਿਸ਼ਤਾ ਇੱਕ ਸਾਲ ਵੀ ਨਹੀਂ ਚੱਲ ਸਕਿਆ ਅਤੇ ਜੂਨ 1997 ਵਿੱਚ ਦੋਵੇਂ ਵੱਖ ਹੋ ਗਏ ਸਨ।
ਹੋਰ ਖਬਰਾਂ ਪੜ੍ਹਨ ਲਈ ਇੱਥੇ ਕਰੋ ਕਲਿੱਕ
CCTV Footage of Incident: ਦੁਕਾਨ ਅੱਗੋਂ ਮੋਟਰਸਾਈਕਲ ਚੋਰੀ ਕਰਦਿਆਂ ਰੰਗੇ ਹੱਥੀਂ ਕਾਬੂ ਆਇਆ ਸ਼ਾਤਿਰ ਚੋਰ
ਖ਼ਬਰਾਂ ਦੇ ਅਪਡੇਟਸ ਲਈ LIVING INDIA NEWS 2 4/7 LIVE ਨਾਲ ਜੁੜੇ ਰਹੋ।