ਮੁੰਬਈ : ਬਾਲੀਵੁੱਡ ਦੇ ਸੁਪਰਸਟਾਰ ਗੋਵਿੰਦਾ ਦੀ ਪਤਨੀ ਸੁਨੀਤਾ ਅਕਸਰ ਆਪਣੇ ਬਿਆਨਾਂ ਨੂੰ ਲੈ ਕੇ ਸੁਰਖੀਆਂ ਵਿੱਚ ਰਹਿੰਦੀ ਹੈ। ਹਾਲ ਹੀ ਵਿੱਚ ਸੁਨੀਤਾ ਵੱਲੋਂ ਜਨਤਕ ਤੌਰ ‘ਤੇ ਗਾਲੀ-ਗਲੋਚ ਦੀ ਭਾਸ਼ਾ ਵਰਤੇ ਜਾਣ ‘ਤੇ ਖ਼ੁਦ ਗੋਵਿੰਦਾ ਨੇ ਗੁੱਸਾ ਜ਼ਾਹਰ ਕੀਤਾ ਹੈ। ਅਦਾਕਾਰ ਨੇ ਆਪਣੀ ਪਤਨੀ ਨੂੰ ਖ਼ਾਸ ਤੌਰ ‘ਤੇ ਮਾਂ ਅਤੇ ਭੈਣ ਨੂੰ ਲੈ ਕੇ ਵਰਤੇ ਜਾਣ ਵਾਲੇ ਅਸ਼ਲੀਲ ਸ਼ਬਦਾਂ ਅਤੇ ਗਾਲੀਆਂ ਤੋਂ ਤੌਬਾ ਕਰਨ ਦੀ ਸਖ਼ਤ ਹਦਾਇਤ ਦਿੱਤੀ ਹੈ।
ਗੋਵਿੰਦਾ ਨੇ ਪਤਨੀ ਨੂੰ ਜਨਤਕ ਤੌਰ ‘ਤੇ ਕੀਤੀ ਸਰ੍ਹਜਨਾ
ਸਾਹਮਣੇ ਆਈ ਇੱਕ ਵੀਡੀਓ ਵਿੱਚ ਗੋਵਿੰਦਾ ਨੇ ਪਤਨੀ ਸੁਨੀਤਾ ਨੂੰ ਮੁਖਾਤਬ ਹੁੰਦਿਆਂ ਆਖਿਆ ਕਿ ਉਸ ਨੇ ਬਹੁਤ ਜ਼ਿਆਦਾ ਇਤਰਾਜ਼ਯੋਗ ਅਤੇ ਗਾਲੀ-ਗਲੋਚ ਵਾਲੀ ਭਾਸ਼ਾ ਬੋਲਣੀ ਸ਼ੁਰੂ ਕਰ ਦਿੱਤੀ ਹੈ, ਜੋ ਕਿ ਬਿਲਕੁਲ ਵੀ ਸੋਭਾ ਨਹੀਂ ਦਿੰਦੀ। ਗੋਵਿੰਦਾ ਨੇ ਕਿਹਾ ਕਿ ਦੇਸ਼ ਦੇ ਨੌਜਵਾਨ ਅਤੇ ਪ੍ਰਸ਼ੰਸਕ ਮਸ਼ਹੂਰ ਹਸਤੀਆਂ ਨੂੰ ਆਪਣਾ ਆਦਰਸ਼ ਮੰਨਦੇ ਹਨ ਅਤੇ ਉਨ੍ਹਾਂ ਦੇ ਵਿਵਹਾਰ ਦੀ ਨਕਲ ਕਰਦੇ ਹਨ। ਉਨ੍ਹਾਂ ਕਿਹਾ ਕਿ ਜੇਕਰ ਅਸੀਂ ਖ਼ੁਦ ਅਜਿਹੀ ਭਾਸ਼ਾ ਵਰਤਾਂਗੇ, ਤਾਂ ਆਉਣ ਵਾਲੀ ਪੀੜ੍ਹੀ ਵੀ ਇਸ ਨੂੰ ਅਪਣਾ ਲਵੇਗੀ, ਜਿਸ ਨਾਲ ਆਖਿਰਕਾਰ ਸਾਨੂੰ ਸਾਰਿਆਂ ਨੂੰ ਸ਼ਰਮਿੰਦਾ ਹੋਣਾ ਪਵੇਗਾ। ਉਨ੍ਹਾਂ ਅਫ਼ਸੋਸ ਜਤਾਇਆ ਕਿ ਬਾਰ-ਬਾਰ ਅਸ਼ਲੀਲ ਸ਼ਬਦਾਂ ਦੀ ਵਰਤੋਂ ਕਰਕੇ ‘ਮਾਂ’ ਅਤੇ ‘ਭੈਣ’ ਵਰਗੇ ਪਵਿੱਤਰ ਸ਼ਬਦਾਂ ਨੂੰ ਬਹੁਤ ਸਸਤਾ ਬਣਾ ਦਿੱਤਾ ਗਿਆ ਹੈ।
ਨਵੀਂ ਅਦਾਕਾਰਾ ਕੋमल ਰਾਣੀ ਨਾਲ ਜੁੜਿਆ ਵਿਵਾਦ ਅਤੇ ‘ਸ਼ੂਗਰ ਡੈਡੀ‘ ਵਾਲਾ ਤੰਜ
ਦੱਸਣਯੋਗ ਹੈ ਕਿ ਇਹ ਵਿਵਾਦ ਉਸ ਸਮੇਂ ਹੋਰ ਵਧ ਗਿਆ ਜਦੋਂ ਹਾਲ ਹੀ ਵਿੱਚ ਗੋਵਿੰਦਾ ਨੂੰ ਏਅਰਪੋਰਟ ‘ਤੇ ਨਵੀਂ ਅਦਾਕਾਰਾ ਕੋਮਲ ਰਾਣੀ ਸਵਰਣਕਾਰ ਨਾਲ ਦੇਖਿਆ ਗਿਆ, ਜਿਸ ਤੋਂ ਬਾਅਦ ਗੋਵਿੰਦਾ ਦਾ ਨਾਮ ਉਸ ਅਦਾਕਾਰਾ ਨਾਲ ਜੋੜਿਆ ਜਾਣ ਲੱਗਾ। ਇਸ ਕਥਿਤ ਸਬੰਧ ਅਤੇ ਆਉਣ ਵਾਲੀ ਫ਼ਿਲਮ ‘ਰੂਪਾ’ ਨੂੰ ਲੈ ਕੇ ਸੁਨੀਤਾ ਨੇ ਗੋਵਿੰਦਾ ਉੱਤੇ ਤੰਜ ਕੱਸਦਿਆਂ ਉਨ੍ਹਾਂ ਨੂੰ ‘ਸ਼ੂਗਰ ਡੈਡੀ’ ਤੱਕ ਕਹਿ ਦਿੱਤਾ। ਸੁਨੀਤਾ ਨੇ ਅਦਾਕਾਰਾ ਕੋਮਲ ਨੂੰ ਨਿਸ਼ਾਨਾ ਬਣਾਉਂਦਿਆਂ ਕਿਹਾ ਕਿ ਉਹ ਧੀ ਦੀ ਉਮਰ ਦੀ ਲੜਕੀ ਨੂੰ ਨਾਲ ਲੈ ਕੇ ਘੁੰਮ ਰਿਹਾ ਹੈ ਅਤੇ ਉਸ ਨੂੰ ਸ਼ਰਮ ਆਉਣੀ ਚਾਹੀਦੀ ਹੈ। ਜ਼ਿਕਰਯੋਗ ਹੈ ਕਿ ਸੁਨੀਤਾ ਪਹਿਲਾਂ ਵੀ Reality show ਸ਼ੋਅ ‘ਲਾਕ ਅੱਪ’ ਸਮੇਤ ਕਈ ਮੌਕਿਆਂ ‘ਤੇ ਗੋਵਿੰਦਾ ਨਾਲ ਜੁੜੇ ਮੁੱਦਿਆਂ ‘ਤੇ ਗੁੱਸੇ ਵਿੱਚ ਅਪਸ਼ਬਦਾਂ ਦੀ ਵਰਤੋਂ ਕਰਦੀ ਨਜ਼ਰ ਆ ਚੁੱਕੀ ਹੈ।
सम्बंधित ख़बरें
ਹੋਰ ਖਬਰਾਂ ਪੜ੍ਹਨ ਲਈ ਇੱਥੇ ਕਰੋ ਕਲਿੱਕ
ਖ਼ਬਰਾਂ ਦੇ ਅਪਡੇਟਸ ਲਈ LIVING INDIA NEWS 2 4/7 LIVE ਨਾਲ ਜੁੜੇ ਰਹੋ।