ਮੋਹਾਲੀ : ਅੱਜ ਦੇਸ਼ ਭਰ ਵਿੱਚ ਮਹਾਸ਼ਿਵਰਾਤਰੀ ਦਾ ਤਿਉਹਾਰ ਬਹੁਤ ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਇਆ ਜਾ ਰਿਹਾ ਹੈ। ਹਿੰਦੂ ਧਰਮ ਵਿੱਚ ਮਹਾਸ਼ਿਵਰਾਤਰੀ ਦਾ ਵਿਸ਼ੇਸ਼ ਮਹੱਤਵ ਹੈ, ਕਿਉਂ ਕਿ ਮਹਾਸ਼ਿਵਰਾਤਰੀ ਭਗਵਾਨ ਸ਼ਿਵ ਅਤੇ ਮਾਤਾ ਪਾਰਵਤੀ ਦੇ ਮਿਲਾਪ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਹਰ ਸਾਲ ਫੱਗਣ ਮਹੀਨੇ ਦੇ ਕ੍ਰਿਸ਼ਨ ਪੱਖ ਦੀ ਚਤੁਰਦਸ਼ੀ ਤਿਥੀ ਨੂੰ ਮਨਾਏ ਜਾਣ ਵਾਲੇ ਇਸ ਪਵਿੱਤਰ ਦਿਹਾੜੇ ‘ਤੇ ਅੱਜ ਸ਼ਿਵ ਮੰਦਰਾਂ ਵਿੱਚ ਭਗਤਾਂ ਦਾ ਭਾਰੀ ਸੈਲਾਬ ਉਮੜ ਰਿਹਾ ਹੈ।
ਜਾਣੋ ਮਹਾਸ਼ਿਵਰਾਤਰੀ ਸ਼ੁਭ ਸਮਾਂ
ਪੰਚਾਂਗ ਦੇ ਅਨੁਸਾਰ, ਇਸ ਸਾਲ ਚਤੁਰਦਸ਼ੀ ਤਿਥੀ 15 ਫਰਵਰੀ ਨੂੰ ਸ਼ਾਮ 05:04 ਵਜੇ ਸ਼ੁਰੂ ਹੋ ਚੁੱਕੀ ਹੈ, ਜੋ ਕਿ 16 ਫਰਵਰੀ ਸ਼ਾਮ 05:34 ਵਜੇ ਤੱਕ ਜਾਰੀ ਰਹੇਗੀ। ਮਾਨਤਾ ਹੈ ਕਿ ਮਹਾਸ਼ਿਵਰਾਤਰੀ ਦੌਰਾਨ ਕੀਤੀ ਗਈ ਪੂਜਾ ਅਤਿ ਫਲਦਾਇਕ ਹੁੰਦੀ ਹੈ।
ਜਾਣੋ ਮਹਾਸ਼ਿਵਰਾਤਰੀ ਦਾ ‘ਸ਼ੁਭ ਯੋਗ’
ਜੋਤਿਸ਼ ਗਣਨਾ ਅਨੁਸਾਰ, ਇਸ ਵਾਰ ਦੀ ਮਹਾਸ਼ਿਵਰਾਤਰੀ ਕਈ ਦੁਰਲੱਭ ਅਤੇ ਸ਼ੁਭ ਯੋਗਾਂ ਦੇ ਸੁਮੇਲ ਕਾਰਨ ਬਹੁਤ ਖਾਸ ਬਣ ਗਈ ਹੈ। ਅੱਜ ਸ਼ਿਵ ਯੋਗ, ਸਰਵਾਰਥ ਸਿੱਧੀ ਯੋਗ, ਆਯੂਸ਼ਮਾਨ, ਸੌਭਾਗਿਆ ਅਤੇ ਪ੍ਰੀਤੀ ਵਰਗੇ ਕਈ ਮਹੱਤਵਪੂਰਨ ਯੋਗ ਬਣ ਰਹੇ ਹਨ। ਇਸ ਦੇ ਨਾਲ ਹੀ ਬੁੱਧਾਦਿਤਿਆ, ਸ਼ੁਕਰਾਦਿਤਿਆ ਤੇ ਲਕਸ਼ਮੀ ਨਾਰਾਇਣ ਵਰਗੇ ਰਾਜਯੋਗਾਂ ਦਾ ਨਿਰਮਾਣ ਹੋ ਰਿਹਾ ਹੈ, ਜੋ ਕਿ ਰਾਸ਼ੀਆਂ ਲਈ ਬੇਹੱਦ ਸ਼ੁਭ ਸੰਕੇਤ ਹਨ।
सम्बंधित ख़बरें
ਜਾਣੋ ਜਲਾਭਿਸ਼ੇਕ ਦਾ ਮਹੂਰਤ
ਸ਼ਿਵਲਿੰਗ ‘ਤੇ ਜਲ ਅਰਪਣ ਕਰਨਾ ਭੋਲੇਨਾਥ ਨੂੰ ਪ੍ਰਸੰਨ ਕਰਨ ਦਾ ਸਭ ਤੋਂ ਸਰਲ ਤਰੀਕਾ ਹੈ। ਅੱਜ ਜਲਾਭਿਸ਼ੇਕ ਲਈ ਦੋ ਮੁੱਖ ਸਮੇਂ ਦੱਸੇ ਗਏ ਹਨ। ਦੱਸ ਦੇਈਏ ਕਿ ਸਵੇਰ ਦਾ ਸਮਾਂ 08:24 ਵਜੇ ਤੋਂ ਦੁਪਹਿਰ 12:35 ਵਜੇ ਤੱਕ ਹੈ। ਸ਼ਾਮ ਦੇ ਸਮੇਂ ਦੀ ਗੱਲ ਕਰੀਏ ਤਾਂ ਸ਼ਾਮ 06:11 ਵਜੇ ਤੋਂ ਰਾਤ 07:47 ਵਜੇ ਤੱਕ ਮਹੂਰਤ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਇੱਥੇ ਕਰੋ ਕਲਿੱਕ
पंजाब शिक्षा क्रांति के तहत खस्ताहाल मसौल के सरकारी स्कूल को मॉडल स्कूल में बदला: हरजोत सिंह बैंस